2.Rongorongo 32:21 - Te B'aib'ara

²¹ ao E kanakoa te anera are e tiringiia tautia ma mataniwiin ana taanga ni buaka Aturia ni kabane ake n aia kaemb'a. Ao e okirikaaki Tennakeriba nako Aturia, ao e rangi ni b'ainrang. Ao n te bong teuana e nako n rin n ana Tembora antina ao e a tiringaki naba iai irouia natina m'aane tabeman.

2.Rongorongo 32:21 ပူးပေါင်းရင်းမြစ်များ

2.Tamuera 24:16

Ao i m'aain tokina, a tia ni mate itibwi te ngaa aomata. Ao ngke kaanga e nang urua Ierutarem te anera, E a manga uringa nanona te UEA i bukin te karawaawata are E a tia ni karokoa ao E taku nakon te anera, “E a bati n tau anne! Tai katoka baim i aoia.” E riki te b'ai aei n te tabo ni kaaki kunni uita are ana b'ai Arauna are kaain Iebuti.

2.Uea 19:20

Ao e nako Itaia ni kawara Etekia ma n tuangnga te b'ai are E taekinna te UEA ae Atuan Iteraera: Etekia I ongo am tataro i bukin Tennakeriba are uean Aturia.

2.Rongorongo 32:20

Ao a bubutiia te UEA Etekia ao te burabeti are Itaia are natin Amoti buokaia,

2.Rongorongo 32:22

E kamaiua Etekia ma kaain Ierutarem te UEA mairoun Tennakeriba ao e kaawakiniia naba mairouia aia kairiribai ake tekorakina.

Iobi 9:4

E rangi n rabakau te Atua ao E m'aaka, ao bon akea te aomata ae kona n teirake ni kaitaraa.

Taian Areru 132:18

E na kab'ainrangiia ana kairiribai, ma e na kakab'aia ma n tekeraoi ueana.

Taian Areru 18:50

E angan ana king taian tokanikai; E teimatoa n aki toki ana tangira nakon are E a tia n rineia, Are Tawita, ma ana kariki.

Taian Areru 44:15

E aki toki b'ainrangu; Ao e taonai te mamaa

Taian Areru 76:12

E kamangoria taan tautaeka aika kainikatonga, Ao E makaki irouia uean aonnaba.

Taian Areru 76:5

A kurib'aiaki aia tautia ake a ninikoria, ao a mate; A aikoa konai ni kabonganai aia b'ai ni buaka.

Taian Areru 76:6

Atuan Iakob'a, ngke Ko b'anaa n un ao a b'aka ni mate aoti ma ake a toka i aoia.

Taian Areru 76:7

Ma Ngkoe, te Atua, Ko makaki irouia aomata ni kabaneia. Akea temanna ae kona n tei i matam ngkana Ko un.

Taeka n Rabakau 11:2

E konaa ni uotingkami te kainikatonga nakon te kamamaaeaki. E raoiroi riki ngkana kam nanorinano.

Taeka n Rabakau 16:18

E na bon uruana aromi te kamoamoa ae e bati.

Itaia 10:8

E taku Uean Aturia: Bon taiani uea au mataniwi n te taanga ni buaka!

Itaia 14:25

N na kanakoia kaain Aturia mai abau, ao N na kamanatuaia akana a mena i aon taiani maunga. N na kainaomataia au aomata man te tautoronaki irouia kaain Aturia.

Itaia 36:9

Kam na kangaa ni konaia ara aobitia ake mai inano, ngkana kam onimakina Aikubita i bukin kaanibuaka ao taani buaka i aoia aoti?

Itaia 37:21

I nakon Etekia ao I tuangnga b'aai ni kabane ake e taekin te UEA ae Atuan Iteraera nakoina:

Itaia 42:8

Arau bon te UEA! N na bon aki kariaia taian bouannanti ke aomata b'a a na ono ni mimitongiu ao neboau.

Ieremia 21:2

“E a tia uean B'aburon are Nebukaneta i B'aburon ao ni buakana Iuta. I butiiko b'a ko na butiia te UEA b'a e na karaoa te kakai i bukiia ara aomata, n aron are e karaoia naba ngkoa rimoa, b'a e aonga n nako ni kiitaniira Nebukaneta.”

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Taniera 6:22

E kanakoa ana anera te Atua ni kaini wiia raian n te aro b'a a na aki kaikoakai. E karaoa aei i bukina b'a E ataai b'a bon akea au bure, ao bon akea naba au kairua nakoim, te uea ae ko karineaki.”

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.