2.Rongorongo 31:5 - Te B'aib'ara

⁵ Ao n te tai are a bon tib'a ongo iai aomata te b'ai are e tangiria te uea, ao a uoti naba kabwian aia b'ai ni kabane, n reitaki ma aia kabanea n raoiroi n uita, wain, b'aan te oriwa, ana karewe te manibeeru, ao uaan aia tawaana riki tabeua.

2.Rongorongo 31:5 ပူးပေါင်းရင်းမြစ်များ

Neemia 12:44

A rineaki tabeman taani kairiiri b'a taani kaawakin taian b'aintangira i bukin te Tembora ao taan butim'aai moan uaan te tai ao kabwianib'ai man taian uita ao man taiani man ake a anga aomata nakon te Atua n te bong naba arei. Bon taan kairiiri naba aikai ake a riirikoi taian uita ake a taekinaki n ana Tua Moote b'a a na anganaki kanoan Rewi. A bane ni kukurei aomata n aia m'akuri ibonga ma kanoan Rewi.

Neemia 13:12

Ao i mwiin aei, ao a bane kaain Iuta ni uoti taian kabwianib'ai man aia uita, wain, ao aia b'aa n oriwa nakon ana ruunib'ai te tembora.

Neemia 13:31

I bon baaireia naba aomata b'a a na uoti taian aia i bukin te baonikarea ni katoa bong ao I baaireia naba b'a a na uoti moan m'akoron uaan aia tai nakon te Tembora. I tataro b'a e na kakab'aiaai te Atua i bukin b'aai aika a raraoi aika I a tia ni karaoi.

Te Otinako 22:29

Kam na kakaonimaki n anga te karea are te uita ao te wain ake bon au b'ai. Kam na katabuia natimi mm'aane b'a au b'ai

Te Otinako 23:19

Kam na katoa ririki ni uota m'akoron ami moa ni uaa aika kabanea n raoiroi nakon te tabo n taromauri. Kam na aki kaburoa te bun ni kooti i nanon mirikin tinana.

Te Otinako 34:22

Kam na bukamarua te Toa ae M'anganikaai ni karokoa tokin te aumeaang ngkana kam taiia uaan te uita, ao ni bukamarua te Toa ae M'anganikaai ni katoa tokin te aumaiaki ngkana kam kiniki uaa.

Te Otinako 34:26

Bon te UEA Ngai ae Atuami, ma ngaia are, kam riai ni uoti moan uaan ami tai nakon te tabo n taromauri. Kam na aki kaburoa te kooti ae e uarereke i nanon mirikin tinana.

Te Otinako 35:5

N na butim'aai taian angab'ai mairouia aomata nako akana a tangiria n anga te b'ai teuana. Kam konaa n uoti mai taiani koora, tirewa, ke te buraonti;

Taeka n Rabakau 3:9

Karinea te UEA n anganna am m'ane ao moan m'akoron uaan arokam ni kabane.

Nakoaia Ibonga 27:30

Tebwina te betienti man uaan ami tai ni kabane aika kam karekei man kaai n am'arake aika a riki i nanon ami tawaana, ke aika arokami a bon tabu ao bon au b'ai.

Warekaia Iteraera 18:12

N aron aei, ngkana a uoti aia moani b'a ma aia moani wain, ao aia moani uita Iteraera, ao kam na b'aini kabanean tamaroan m'akoron b'aintangira aikai.

Warekaia Iteraera 18:13

Ao ami b'ai naba moa ni uaa n arokan aia katawanang ma aia nne ni kureebe. A na anga baikai aomata nako Iu, ao a na kona n anai tabeua mai iai kaain ami utu akana a itiaki.

Warekaia Iteraera 18:8

Ao e taku te UEA nakon Aaron, “I a tia n anganiko taiani b'aintangira ma taiani karea ake a uoti nako Iu Iteraera b'a ami b'ai. Ao man te tai aei nakon taai aika na roko ko na b'aina m'akoron te karea ni kab'arabure natim mm'aane, ao kanoam,

I-Rom 8:23

Ma tiaki ti baika karikaki ae e reke aei i rouia, b'a ngaira naba, aika iai iroura te Tamnei are te moanib'ai n ana b'ai n tituaraoi te Atua: ti ngirangira i nanora ni kaantaninga te natinaki ao kainaomatan rab'atara ni kabane.

1.I-Korinto 15:20

Ma E a bon tia ni manga kamaiuaki Kristo mai buakoia maate, ao E riki b'a te b'ai ni kakoaua i bukiia ake a tia ni mate b'a a na manga kamaiuaki naba man te mate.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.