2.Rongorongo 31:21 - Te B'aib'ara

²¹ Bon te uea ae e tetekeraoi, i bukina b'a e ongotaeka iroun te UEA ae te Atua ma nanona ni kabane.

2.Rongorongo 31:21 ပူးပေါင်းရင်းမြစ်များ

1.Uea 2:4

Ko riai ni kakaonimaki n taai nako nakon te UEA ngkoe ma am kariki. Ngkana ko karaoa anne, ao ane E na kaawakina te berita aei ae E karaoia ma ngai b'a a na uea n taai nako ara utu i aon Iteraera.

2.Uea 18:7

E buoka Etekia te UEA, ma ngaia are, a kororaoi bukin b'aai ni kabane ake e karaoi. E kakaitaraa naba uean Aturia, b'a a rawa n riki b'a ana toro.

1.Rongorongo 22:13

Ngkana ko ira nanon Ana tua nako ma ana reirei ake E a tia te UEA n angan Moote, ao ko na bon tetekeraoi. Ko na korakora ao ko na ninikoria ao e na aki b'ab'ara nanom ke ni maaku ni b'aai nako.

1.Rongorongo 22:19

Ongotaeka iroun te UEA ae Atuami ma nanomi ni kabanea ao Tamneimi ni kabanea. Kam na moana karaoan te Tembora ni karineana, b'a a aonga ni konaa ni kaawakinaki ikai te Atiniberita ma b'aai ake a na kabonganaaki i bukin te taromauri ikai.

2.Rongorongo 14:6

E kakab'aia Iuta te UEA n anga te rau ngke e uea Ata, ao n te tai anne, e nonoi kaawa aika a m'aiti Ata.

2.Rongorongo 14:7

E taku nakoia aomata, “Ti na karaoi taian oo ao taian taua n totoko i bukin ara kaawa nako, ao ti na karaoi taian mataroa aika a konaa n rokanaki n taiani biti aika a buubura. E na riki te aba aei b'a ara b'ai, i bukina b'a ti a tia n ongotaeka iroun te UEA ae Atuara. E a tia n anganiira te rau mairouia ara kairiribai.” Ao a bane ni karaoi b'aai ni kabane aomata ake e iangoi Ata.

2.Rongorongo 20:26

Ao n aia kaabong, ao a bane ni ikotaki aomata n te M'arua are Beraka ao a anene n nebonebo nakon te UEA. Ao bon anne bukina are e aranaki iai te tabo anne b'a M'aruan te Nebonebo.

2.Rongorongo 26:5

Ana tia iango Utia bon Tekaria are e reireinna te ongotaeka iroun te Atua. Ai ngaia are, ngke e maiu Tekaria ao e kakaonimaki Utia nakon te Atua, ao e karaoia te Atua b'a e na tetekeraoi.

Taian Areru 119:2

A kab'aia akana kawakin ana taeka, akana ukoukoria n nanoia ni kabane;

Taeka n Rabakau 3:10

Ao ane e na reke iroum taiani uita ma kureebe ae e m'aiti riki nakon ae ko kainanoia.

Taeka n Rabakau 3:9

Karinea te UEA n anganna am m'ane ao moan m'akoron uaan arokam ni kabane.

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Ieremia 29:13

Ane kam na taromauriai ma nanomi ni koaua, ao N na raraoningkami

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Te Tua-Kaua 10:12

Kaain Iteraera, tera te b'ai ae tangiria te UEA mairoumi? E tangiria te UEA b'a kam na karinea ma n iria, ao n tangiria ma ni m'akuri i bukina ma nanomi ao tamneimi ni kabane,

Te Tua-Kaua 29:9

Kaain Iteraera, E a tia te UEA ni karaoa te boraraoi ma ngkami, ao ngkana kam kaawakina tib'angami, ao kam na tetekeraoi ni b'aai ni kabane akana kam karaoi.

Te Tua-Kaua 6:5

Ma ngaia are, kam na tangira te UEA ae Atuara ma nanomi ni kabane, tamneimi ni kabane, ao korakorami ni kabane.