2.Rongorongo 31:15 - Te B'aib'ara

¹⁵ Bon iai ana taan buobuoki aika onoman aika a na taraaia raoi b'a a reke naba tib'aia ibonga ni kabane ake ni kaawan nako Iuta ake tabeua n taian angab'ai aikai.

2.Rongorongo 31:15 ပူးပေါင်းရင်းမြစ်များ

1.Rongorongo 24:31

A bon bane n anganaki tabeia n aron naba anganakiia aia koraki ake taian ibonga tabeia. Ao taani kakoaua bon Tawita, Tatoka, Abimereka, ao mataniwiin aia utu ibonga ao kanoan Rewi.

1.Rongorongo 25:8

E anganiia tabeia Tawita koraki aikai man titirakinan te UEA b'a tera ae e tangiria. A bane n reke tabeia ni b'aai ni kabane, e ngae ngkana e rangi n ataei ke e a kara, te tia reirei ke ataein te reirei.

1.Rongorongo 9:22

Bootaia taan tei bon 212, a bane n tauaki rongorongoia n te boki are tauani mwiia utu ni bon aia kaawa. A tia n rineaki aia bakatibu iroun te uea are Tawita ao Tamuera are te burabeti b'a taani m'akuri aika a onimakinaki,

2.Rongorongo 29:12

Ngke e bane ana taeka Etekia, ao a m'ananga nako ni m'akuri kanoan Rewi ake taani kairiiri aika:

2.Rongorongo 31:13

Ao te tia buobuoki tarina are Timei, ao e m'akuri ma kanoan Rewi aikai: Ieiera, Atatia, Naata, Ataera, Ierimota, Iotabata, Eriera, Itimakia, Maata, ao Benaia.

2.Rongorongo 31:14

E anganaki Kore are natin Imna tib'angana kaawakinan te Mataroa are Mainiku, ao e mwiokoaki naba i bukin butim'aean taian angab'ai n anganano nakon te Atua ao tib'akiia naba nakoia taian ibonga ao kanoan Rewi.