2.Rongorongo 31:10 - Te B'aib'ara

¹⁰ Ao e kaeka Ataria are te ibonga ae e rietaata n te tai anne, are ana kariki Tatoka, ao e taku, “A tia ni uoti mai nakoira aia angab'ai aomata man te tai arei ni karokoa ngkai, ao e a bon rangi ni m'aiti te am'arake ma b'aai. E a tia te UEA ni kakab'aiaia ana aomata. Ani bon tarai nikiraia!”

2.Rongorongo 31:10 ပူးပေါင်းရင်းမြစ်များ

Karikani B'aai 26:12

Ao e ununiki Itaaka n te aba arei, ao n te ririki are e taia tebubua okiokin te m'aiti are e a tia n unikia, i bukina ngke E kakab'aiaki iroun te UEA.

Karikani B'aai 39:23

Ao e aki tabe ma b'aai ni kabane te tia tararua te karabuuti b'a e a tia n angan Ioteb'a te mwiokoaki, i bukina ngke E mena te UEA iroun Ioteb'a, ao E kakab'aiai b'aai ni kabane ake e karaoi.

Karikani B'aai 39:5

Ao E kakab'aia kaain ana auti te I-Aikubita arei te UEA ma ana b'ai ni kabane ake n ana auti, ao n ana tawaana i bukin Ioteb'a.

1.Uea 2:35

Ao Toromon, e katea Benaia n onea mwiin Ioaba b'a manga te kam'anta n te bootaki n tautia, ao e kateirakea Tatoka b'a te ibonga n onea mwiin Abiata.

1.Rongorongo 29:16

Te UEA ae Atuara, ti uotimai b'aai aikai ni kabane i bukin katean am Tembora are b'ain neboam. Bon am b'ai, ake ko anganiira.

1.Rongorongo 6:14

Teraia, ao Ieotataka.

1.Rongorongo 6:8

Tatoka, Aimaati,

1.Rongorongo 6:9

Ataria, Ioanan,

2.Rongorongo 26:17

A ira Utia Ataria are te ibonga ao ibonga aika waningaun aika ninikoria nakon te Tembora

2.Rongorongo 31:13

Ao te tia buobuoki tarina are Timei, ao e m'akuri ma kanoan Rewi aikai: Ieiera, Atatia, Naata, Ataera, Ierimota, Iotabata, Eriera, Itimakia, Maata, ao Benaia.

2.Rongorongo 31:9

Ao e titirakiniia ibonga ao kanoan Rewi Etekia i bukin te angab'ai ae e rangi ni buubura.

Te Otinako 36:7

Ao e a bon tia n reke ae e rangi n raka i aon are e tangiraki i bukin katiaan te m'akuri.

Taeka n Rabakau 10:22

Ngkana e kakab'aiaingkami te UEA n taiani kaub'ai, ao bon akea te b'ai ae kam na raraomaeakinna.

Taeka n Rabakau 11:24

Kam konaa n riki ni kaub'ai n te tai teuana ngkana kam ataataiaomata ke n riki ni kainano ngkana kam nanonrang.

Taeka n Rabakau 3:10

Ao ane e na reke iroum taiani uita ma kureebe ae e m'aiti riki nakon ae ko kainanoia.

Taeka n Rabakau 3:9

Karinea te UEA n anganna am m'ane ao moan m'akoron uaan arokam ni kabane.

Etekiera 44:15

A kakaonimaki nako iu ibonga ake man te baronga are Rewi ake kanoan Tatoka are te ibonga are e kakaonimaki nako iu, ngke a bane n tan nako mairou Iteraera. Ma ngaia ae, a na teimatoa n riki b'a Au ibonga aikai ao a na anga te nenea ao raraan te karea.

Etekiera 44:30

E na b'ainaki moan m'akoron uaan te tai irouia ibonga. A na b'ain naba m'akoron taiani b'aintangira ni kabane ao taian angab'ai ake a uoti Iteraera nako iu. Ao ngkana iai akana a kam'aa kanaia te kariki, a na riai n anga te moan kariki b'a aia angab'ai nakoia ibonga, ao N na kakab'aia mwengaia aomata akana a karaoa aei.

Nakoaia Ibonga 25:21

N na taraia raoi b'a kam na taiia ae e tau i nanon te kaonoua n ririki i bukin tenua te ririki.

Akai 2:18

Ko a tia ni katab'anina karaoa aan au Tembora n te bong aei, ma ngaia ae, ko na ongora b'a tera kanoan am bong aika a na roko.

Maraki 3:10

Bon te UEA Ngai ae Moan te M'aaka, ae I kaewenakoingkami b'a kam na kataai. Uoti mai ni kabane taiani kabwianib'ai nakon te auti n am'arake, b'a e aonga n reke te am'arake n au auti. Ao i mwiina, N na kauki wintoon karawa ma ni kaonrakeingkami n te kab'aia teuana ma teuana.

Warekaia Iteraera 22:12

Ma E kaeka te Atua ni kaangai, “Ko na aki iriia ana taan ua rongorongo B'araka. I a tia ni kakab'aiaia aomata akana a roko mai Aikubita akanne, ma ngaia are, ko na aki katekebuakaia.”

Mataio 15:37

Ao a bane n am'arake ao a ngae; ao a anai n tabeki b'aene aika itikora aika on ni m'akorokoron am'arake ake a nikirana.

Te Tua-Kaua 28:8

E anganingkami te aba aei te UEA, ao E na katetekeraoingkami ni b'aai ni kabane aika kam karaoi. E na rangi ni m'aiti uaan ami tai n te aro are a na onrake ami auti ni kawakinam'arake.

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.

1.Timoteo 4:8

B'a bon iai teutana bonganani kataneiaan te rab'ata b'a e na marurung, ma te maiu n reitaki ma te Atua e bongana i bukini b'aai ni kabane, ngkai iai taeka n akoi, ae iai te kab'aia iai i bukin te maiu aei, ao i bukin te maiu ae na roko.