2.Rongorongo 30:21 - Te B'aib'ara

²¹ Ao a rangi ni kukurei taan taromauri i Ierutarem ao a bukamarua te Toa i nanon itiua te bong. A anene n nebo kanoan Rewi ao taiani ibonga nakon te UEA ni katoa bong ao katangi aia b'ai ni katangitang.

2.Rongorongo 30:21 ပူးပေါင်းရင်းမြစ်များ

2.Rongorongo 20:21

Ao i mwiina, e a kab'arab'ara ana babaaire ao e rineia m'aane aika a na m'aati mai moan te rain ao a na neboa te UEA n te anene i bukin m'aakana ae tabu: “Neboa te UEA! Akea tokin ana tangira.”

2.Rongorongo 29:30

Ao i mwiina, a anga aia taeka Etekia ma ana mataniwi nakoia kanoan Rewi b'a a na anenei taian anene n nebo ake e a tia ni koroi Tawita ma Ataba are te burabeti. Ao a bobaraaki ao a kukurei n anenei kuuna n nebo nakon te UEA.

2.Rongorongo 30:11

Bon ti tabeman aomata man baronga ake Atera, Manate Maeao, ao Teburun ake a nanorinano ma ni m'ananga nako Ierutarem.

2.Rongorongo 30:26

Bon te kabanea ni buubura ni bootaki i Ierutarem man ana tai te uea are Toromon, are natin Tawita te m'aane.

2.Rongorongo 35:17

A bukamarua te Toa are te Kariki ae Aki Karikaki i bukin itiua riki te bong.

2.Rongorongo 7:10

Ao e a kaokiia aomata Toromon n te katebwi ma tenuan bongin te kaitiua n nam'akaina, A okirikaaki ma te kukurei i bukin b'aai ni kabane ake e a tia ni karaoi te UEA i bukin Tawita ao Toromon, ao i bukiia ana aomata aika Iteraera.

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Neemia 8:17

A bane ni karaoi katanaia aomata ni kabane ake a oki mai B'aburon. A maeka iai ma ni kukurei ni kauringa aia moan tai ni karaoa te Toa ae M'anganikaai mai i mwiin ana bong Iotua are natin Nun te m'aane.

Te Otinako 12:15

E taku te UEA, “Kam na aki kana te kariki ae karikaki i nanon itiua te bong—Kam na tii kana are aki karikaki. Ao n te moani bong kam na kanakoi taian iti man ami auti nako, b'a ngkana iai ane e kana te kariki ae karikaki i nanon boong akana itibong akanne, ao e na aki atongaki b'a au aomata.

Te Otinako 13:6

Kam na kana te kariki ae aki karikaki i nanon itiua te bong, ao kam na karaoa ami Toa b'a neboan te UEA n te kaitiua ni bong.

Nakoaia Ibonga 23:6

E moa te Toa are te Kariki ae Aki Karikaki mani katebwi ma nimauan naba te nam'akaina aei; e na karaoaki i nanon itiua te bong, ao i nanon boong aikai kam riai ni karineai ni kanakin te kariki ae e aki karikaki.

Ruka 2:43

ao ngke e a bane bongin te Toa, ngke a oki, ao E tiku te teei are Iesu i mwiia i Ierutarem, ao a aki ataia ana karo.

Ruka 22:1

E a kaan tain te Toa are te Berena are aki Karikaki are aranaki b'a te Riao.

Ruka 22:7

Ao e roko bongin te Toa are te Berena are aki Karikaki, are e riai b'a e na kamateaki iai te tiibuteteei are b'ain te Riao.

M'akuri 2:46

A bobotaki n te Tembora ma te nano ae ti teuana ni katoa bong, ao a bobotaki n am'am'arake n aia auti nako, ao a kang kanaia ma te kukurei ao te nanoraoi,

Te Tua-Kaua 12:12

ngkami ma ami utu, ao ami toro, ao kam na bootaki n te tabo n taromauri, b'a E a tia te UEA ae Atuami n anganingkami te totokanikai ni b'aai ni kabane aika kam a tia ni karaoi.

Te Tua-Kaua 12:7

Kam na aki manga anga te karea n taabo nako ike kam tangiria ni karaoia iai, ma E nang rinea te tabo teuana te UEA i aon Iteraera ike kam na taromauriia iai.

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.