2.Rongorongo 30:15 - Te B'aib'ara

¹⁵ Ao i mwiina, ni katebwi ma auan bongin te nam'akaina naba arei, ao a moana tiringan taiani kao teteei kanoan Rewi i bukin te Toa are te Riao,

2.Rongorongo 30:15 ပူးပေါင်းရင်းမြစ်များ

2.Rongorongo 29:15

Aikai taani kairiiri ake a bootia ni kabane kanoan Rewi, ao a bane n nakon te bootaki i bukin kaitiakaia. Ao i mwiina, a moana kaitiakan te Tembora n aron kanoan ana Tua te UEA, n aron are e a tia ni baaireia Etekia.

2.Rongorongo 29:32

Itingaun taiani kao, tebubua taiani tiibu m'aane, ao uabubua taian tiibu teteei ake a uotaki b'a taian karea i bukin bubutian te UEA;

2.Rongorongo 29:34

A bon aki tau m'aitiia ibonga i bukin kanakoan kuniia taiani man, i bukina b'a a bon m'aiti taian ibonga ake a tuai reke aia tai n ri nanon te bootaki i bukin kaitiakaia. Ma i bukina ngke a m'aiti kanoan Rewi ake a tia ni kaitiakia, a buokiia ibonga ni karokoa banen kuniia taiani man.

2.Rongorongo 30:13

I nanon te kauoua n nam'akaina, a bootaki iai aomata aika moan te m'aiti i Ierutarem b'a a na kauringa te Toa are te Kariki ae Aki Karikaki.

2.Rongorongo 30:2

i bukina ngke a m'aiti ibonga ake a tuai n itiaki ao a aki tau ni m'akuri, ao i bukina naba b'a a m'aiti kaain Iuta ake a tuai n roko i Ierutarem i bukin te Toa anne.

2.Rongorongo 30:24

Ma ngaia are, e anga Etekia teuana te ngaa te kao ao itiua te ngaa taian tiibu aika a na kareanaki ma ni kabonganaaki b'a te am'arake are e tabu. Ao ana mataniwi a anga teuana te ngaa taian kao ao tebwina te ngaa taian tiibu, ao a manga m'aiti riki ibonga ake a kukurei nanoia b'a a na ri nanon te bootaki i bukin kaitiakaia.

2.Rongorongo 30:3

Ma ngaia are, a boraraoi Etekia ma ana mataniwi ao aomata b'a a karaoa te Riao n te kauoua n nam'akaina.

2.Rongorongo 31:18

A tauaki araia buuia ma natiia i nanon taian rongorongo aika a eti, i bukina ngke a tia ni kakaonimaki ni kaawakina kaitiakaia ao ni karikiia b'a a na tau i bukin te m'akuri i bukin te UEA.

2.Rongorongo 35:6

Ngkana a uoti aia tiibuteteei are b'ain te Toa are te Riao nakoim, ao ko na tiringi mani katauraoia b'a e na kareanaki nakon te UEA. Kam na kakoaua raoi b'a a na karaoa te bootaki aomata ni kaineti ma taian kaetieti ake e anga te UEA nakon Moote, ao kam na aki karaoi b'aai aika kam na kam'ara iai ma n aki kariaiakaki.

2.Rongorongo 5:11

Ao a bane n tia n nako ibonga mani m'akoro nako i bukin kaitiakaia i bon irouia b'a a aonga n itiaki ma ni butim'aeaki iroun te UEA.

Etira 6:20

Ao taiani ibonga ma kanoan Rewi a tia ni karaoi kaitiakaia n aron taekan te tua b'a a aonga n tau i bukin kairan te taromauri. Ao tabeman mai buakoia a tiring tiibuteteein te Riao i bukiia ake a tib'a oki, n reitaki ma ibonga ake tekorakina ao bon i bukiia naba.

Te Otinako 19:10

ao E taku te UEA nako ina, “Ko na nakoia aomata ao n tuangiia b'a a na kabanea te bong aei ao te ingabong ni kaitiakia i bukin te taromauri. A na riai ni uati kunnikaia,

Te Otinako 19:22

E ngae ngkana taiani ibonga aika a roko ni kaaniai, a na riai moa ni kaitiakia b'a N na katuaaia ngkana a aki.”

Warekaia Iteraera 9:11

Ma e na riai ni karaoaki n tairikin te katebwi ma aua ni bongin te kauoua n nam'akaina. Kam na kana te tiibu te teei n te Riao ma te kariki ae aki karikaki, ao te baanikaai ae mao,