2.Rongorongo 29:8 - Te B'aib'ara

⁸ E rikirake ni korakora unin te UEA irouia kaain Iuta ma Ierutarem, ao a bane ni mimi aomata ma ni maaku n te b'ai are e karaoia ni katuaaia iai.

2.Rongorongo 29:8 ပူးပေါင်းရင်းမြစ်များ

1.Uea 9:8

E na riki te Tembora aei b'a te b'ariko n atiibu. A na tiaoki akana a nakonako i rarikina, ao a na titiraki ni kaangai, E aera ngkai E karaoa te b'ai ae e kakamaaku aei nakoia ana Aomata ma ana Tembora?

1.Uea 9:9

Ao ane a na kaekaaki ni kaangai, Ti ataa bukin karaoan aei iroun te UEA. A tia aomatan Iteraera n aki kakaonimaki nakon te UEA ae Atuaia, are E kamaiura mai Aikubita, ao a manga taromauri anti tabem'aang.

2.Rongorongo 24:18

Ni bon te tai arei, ao a katoka taromauriia n ana Tembora te UEA ae te Atua kaain Iuta, ao a moana taromauriaia taian bouannanti ao bannan te anti are Nei Atera. Aikai m'akuri aika a buakaka aika e rangi n un iai te UEA ae te Atua irouia kaain Iuta ao Ierutarem,

2.Rongorongo 24:20

E taetae te Atua nakon te burabeti are Tekaria are natin Ieoiata are te ibonga, ao e tuangiia aomata ni kabane Tekaria ana taeka te Atua ae e kaangai, “E aera ngkai kam aki ongotaeka irou ao nakon au tua nako? Kam a tia ni tannako mairou.” E na karekea te katuaaeaki te b'ai aei, ma ngaia ae ngkai N nang tinanikuingkami.”

2.Rongorongo 30:7

Kam na aki kakairi n aroia ami bakatibu ao ami koraki n Iteraera ake i meang. A aki kakaonimaki nakon te UEA, ao E bon katuuaia n ae e kakamaaku.

2.Rongorongo 34:21

“E bae n rangi ni un te UEA irou ao irouia aomata naba ni kabane i Iteraera ao i Iuta, i bukina b'a a tia n aki ongotaeka ara bakatibu nakon taian tua aika m'akoro i nanon te boki aei. Naako kakaaea b'a tera nanon te UEA ae ti na karaoia.”

Ieremia 19:8

N na onika Ierutarem nakon te b'ariko ni m'akorokoro n atiibu, ao a na bane n tiaoki akana a rirarikina ma ni maaku ao a katoutoui atuiia.

Ieremia 25:18

I moanna mai Ierutarem ao kaawan nako Iuta, ao a bane ni keerikaaki man m'aakaia ma te b'ainrang te uea ma ana mataniwi nako. Ao a bane aomata ni manikangare ni kamamaaia i bukiia ma ni karika araia b'a taeka ni kamaraia.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Etekiera 5:15

botannaomata ianena ma ni b'ainingareingkami, ma a na bon tiaoki naba ao ni maaku n te b'ai are I karaoia n uniu.

Nakoaia Ibonga 26:32

E na rangi ni kananoanga abami n te aro ae ami kairiribai naba ake a maeka iai a na rangi ni kubanako ngkana a nooria.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 28:59

ao ane E na katuaaingkami ma kanoami n te aoraki ae akea b'ainaorakiana,