2.Rongorongo 29:6 - Te B'aib'ara

⁶ A aki kakaonimaki tabeman ara bakatibu ao a aki ongotaeka naba iroun te UEA ae Atuara. A aki ti tannako mairoun te UEA ma a bon aki karinea naba ana Tembora.

2.Rongorongo 29:6 ပူးပေါင်းရင်းမြစ်များ

2.Rongorongo 34:21

“E bae n rangi ni un te UEA irou ao irouia aomata naba ni kabane i Iteraera ao i Iuta, i bukina b'a a tia n aki ongotaeka ara bakatibu nakon taian tua aika m'akoro i nanon te boki aei. Naako kakaaea b'a tera nanon te UEA ae ti na karaoia.”

Etira 5:12

Ti kaongoaki b'a a tia aia botannaomata ni kauna Atuaia, ai ngaia are E a kariaia b'a a na kataenikaiaki iroun Nebukaneta, are uean B'aburon are e uotiia nako b'a taenikai i B'aburon. Ao Nebukaneta e kamaenikuna aia Tembora ni kab'aka,

Etira 9:7

Ti a bane n tia ni bure ni moa man aia tai ara bakatibu, ao ti bane n tia ni bure. Ao bon anne bukina ngkai ti aki toki ni kookonaaki ngaira, ara uea ao ara ibonga irouia uea ake tekorakina. A tia n tiringiia tabeman mai buakora ao a tia n toroniia tekorakina; a tia n anai ara b'ai ao ma ni kamamaaira, n ai aron ae e riki nakoira n te bong aei.

Neemia 1:6

Bon am toro ngai, ma ngaia ae, I butiiko b'a ko na nanoangaai ao kaekaa au tataro ae I tataro iai ni bong ao ni ngaina i bukiia Iteraera aika a beku i bukim. I a bon tia ni bure ma au utu ao aomata ni kabaneia

Neemia 9:16

A aki ongotaeka ara bakatibu ake a taningabono a m'aninga taekan taian kakai ake ko a tia ni karaoi i bukiia, ao a iangoia b'a a na okira Aikubita ma ni manga riki naba b'a taian toro.

Neemia 9:32

Atuara, ko bon rangi ni korakora, ko mamaakaki, ao ko kakaonimaki, ao ko b'aab'aina te koaua n am taeka. Ma ngaia ae, ti butiiko b'a ko na ururinga rawawataia am aomata, am uea, am taani kairiiri am burabeti, ao am burabeti ae moan te korakora, man te tai are e tautaeka iai Aturia ni karokoa te bong aei.

Neemia 9:34

A tia ara uea, ara taani kairiiri, ao ara ibonga n aki ongotaeka nakon am tua ke n ongotaeka nakon am kauring nako.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 2:17

Bon am bure! Ko katoka iriiraku, Ngai ae te UEA ae te Atua,

Ieremia 2:27

ngkoe ma am uea, am ibonga ma am burabeti b'a kaanga ai aron ae ngaiia ngkoa aika a karikingkami ma n anganingkami te maiu. Kam katinanikuai ma ngkana kam reke n te kangaanga, ao kam tang nako iu i bukin buokami.

Ieremia 26:19

Ao a manga kaeka taani kairiiri ni kaangai: Bon akea ae e tiringa Mika i bukin taekinakin anne. Ma n onean mwiin anne, e tataro Etekia nakon te UEA ma te maaku ao te ruru ao e butiia b'a e na nanoangaia. Ao i mwiin anne, e baaireia te UEA b'a E nang katoka uruan Ierutarem, e ngae ngke a tia n taekina b'a E na karaoia. Kaain Iuta, ngkana kam tiringa Ieremia, ao ti bon karokoa iai te kabuanib'ai ae e kakamaaku nakoira.

Ieremia 44:21

Kam bon aki ataia b'a te UEA E ataa te b'ai are kam karaoia ma ami bakatibu, ma ami taani kairiiri ao ami uea, ao aomata ni kabane; are kam kabuoka te b'ai ni kaboiarara nako ia anti tabem'aang i Ierutarem ao n taabo nako i Iuta?

B'aeb'aeti 5:7

A bure ara bakatibu, ao a mate, ao ngaira ti a karawaawataaki i bukin aia bure.

Etekiera 18:14

Ma ngkana tao arona b'a iai natin te m'aane aei te m'aane ae e bon nonori b'aai ake e karaoi tamana ao e rawa ni katotoongnga.

Etekiera 8:16

Ao I a manga kairaki nakon katawanangin te Tembora, ike a noori uangaun ma niiman aika a tei i rarikin te mataroa n rin, i marenan te b'aranta ao te baonikarea. A akuuna ana Tembora te UEA, ao a boobaraaki nakon otin taai.

Taniera 9:16

Ko a tia ni kamanoira n taai ake ngkoa, ma ngaia ae Ko nang katoka unim iroun Ierutarem. Bon am kaawa, am tabuki ae e tabu. A bane n taraa Ierutarem ma am Aomata kaain kaawa nako aika i rarikira i bukin ara bure, ao aia m'akuri aika a kam'araa ara bakatibu aika a tia ni karaoi.

Mataio 10:37

Ane tangira riki tamana ma tinana nako Iu, ao e aki tau b'a e na riki b'a au reirei; ao ane tangira riki natina te mm'aane ke natina te aine nako Iu, ao e aki tau b'a e na riki b'a au reirei.