2.Rongorongo 29:5 - Te B'aib'ara

⁵ ao e taku: E a bo te tai ni kaitiaka ana Tembora te UEA ae Atuaia ara bakatibu. Kam na moan nako ngkami kanoan Rewi nakon te bootaki b'a kam na kaitiakingkami, ao i mwiina kam na manga nako nakon te Tembora ao kam na kaotinakoi b'aai n kabane aika a baareka ao aika a aki tau i bukin te UEA.

2.Rongorongo 29:5 ပူးပေါင်းရင်းမြစ်များ

1.Rongorongo 15:12

E taku nako ia, “Taani kairiiri ngkami man te kaainga are Rewi. Bon ngkami ma ami koraki aika kam na moana te bootaki, ma ngaia ae, kam na kaitiakingkami b'a kam aonga ni nakoraoi i matan te UEA. Ao i mwiina kam na uota te Atiniberita are ana b'ai te UEA ae Atuan Iteraera nakon te tabo ae I a tia ni katauraoia i bukina.

2.Rongorongo 29:34

A bon aki tau m'aitiia ibonga i bukin kanakoan kuniia taiani man, i bukina b'a a bon m'aiti taian ibonga ake a tuai reke aia tai n ri nanon te bootaki i bukin kaitiakaia. Ma i bukina ngke a m'aiti kanoan Rewi ake a tia ni kaitiakia, a buokiia ibonga ni karokoa banen kuniia taiani man.

2.Rongorongo 29:4

Ao i mwiina, e weteia ibonga ao kanoan Rewi nakon katawanangin te Tembora are mai mainiku

2.Rongorongo 35:6

Ngkana a uoti aia tiibuteteei are b'ain te Toa are te Riao nakoim, ao ko na tiringi mani katauraoia b'a e na kareanaki nakon te UEA. Kam na kakoaua raoi b'a a na karaoa te bootaki aomata ni kaineti ma taian kaetieti ake e anga te UEA nakon Moote, ao kam na aki karaoi b'aai aika kam na kam'ara iai ma n aki kariaiakaki.

Neemia 12:30

Ao a karaoi taian bootaki aika a kaokoro ibonga ma kanoan Rewi i bukin katabuaia, ao i mwiina, a manga karaoa naba ae aron arei i bukiia aomata ni kabane ao i bukin mataroan ma oon te kaawa.

Neemia 13:9

Ao i mwiina, I tua b'a e na kaitiakaki te ru ma b'ain am'arake ake b'ain te tembora, ma taian angab'ai ake taian uita, ao b'ai ni kaboiarara b'a a na manga kaokaki nako nanon te ru.

Taian Areru 93:5

Te UEA, a koaua am Taeka n taai nako, ao e koaua ae e tabu am Tembora, n tai nako ao n aki tootoki.

Te Otinako 19:10

ao E taku te UEA nako ina, “Ko na nakoia aomata ao n tuangiia b'a a na kabanea te bong aei ao te ingabong ni kaitiakia i bukin te taromauri. A na riai ni uati kunnikaia,

Te Otinako 19:15

Ao e taku Moote nako ia, “Kam na riai n tauraoi nakon te bong are i mwiin te ingabong, ao kam na aki bootaki ma buumi.”

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Etekiera 8:3

E kaaenakoa te b'ai ae kaanga ai aron bain te aomata n taua irau. Ao i nanon miiu arei E a uotai rake Tamnein te UEA nako karawa ma ni uotai nako Ierutarem. E uotai te Tamnei nakon mataroan katawanangin te Tembora are i meaang ike e mena iai te bouannanti are e rangi n ribaia te UEA ao e rangi ni un iai.

Etekiera 8:6

Ao e a manga taku te Atua, “Kam noora aia bure Iteraera ae moan te kakamaaku? Aikai buure aika a karika au Tembora b'a te tabo ae e aki tau i bukin taromauriau. Ma e ngae n anne, ao kam na noori riki b'aai riki aika a buakaka nakon aei.”

Ioera 2:16

Kakoauaa raoi b'a a na bane aomata n tau nakon taromauriau. Kanakomaia ikawai, ataei, ao taian merimeri, ao kairiia mai naba te taanga aika a tib'a tia ni mare man aia bootaki ni mare.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.