2.Rongorongo 29:30 - Te B'aib'ara

³⁰ Ao i mwiina, a anga aia taeka Etekia ma ana mataniwi nakoia kanoan Rewi b'a a na anenei taian anene n nebo ake e a tia ni koroi Tawita ma Ataba are te burabeti. Ao a bobaraaki ao a kukurei n anenei kuuna n nebo nakon te UEA.

2.Rongorongo 29:30 ပူးပေါင်းရင်းမြစ်များ

2.Rongorongo 23:18

Ao Ieoiata e anganiia ibonga tabeia n te Tembora, n aron are e karaoia naba ngkoa Tawita. Tabeia bon te anga taiani karea nakon te UEA n aron are n ana tua Moote, ao tabeia naba kairan te anene.

2.Rongorongo 30:21

Ao a rangi ni kukurei taan taromauri i Ierutarem ao a bukamarua te Toa i nanon itiua te bong. A anene n nebo kanoan Rewi ao taiani ibonga nakon te UEA ni katoa bong ao katangi aia b'ai ni katangitang.

2.Rongorongo 30:23

Ao a bane n rangi ni kukurei aomata ni kabane ao a kukurei ni bukamarua riki aia bootaki i nanon itiua riki te bong.

2.Rongorongo 30:26

Bon te kabanea ni buubura ni bootaki i Ierutarem man ana tai te uea are Toromon, are natin Tawita te m'aane.

2.Rongorongo 7:3

Ao ngke a noora te ai ma mimitongin te UEA te koraki n aomata arei, ao a katorobubua ao n taromauriia te UEA. A tataro ni kaangai: “E raoiroi te UEA, ao akea tokin ana tangira.”

Etira 6:16

Ao a bane ni kukurei Iteraera, taian ibonga, kanoan Rewi, ao aomata ni kabane ake a tia n oki man te kataenikaiaki, ao a bane ni bukamarua a katabuan ana Tembora te Atua.

Etira 6:22

A kauringa te Toa are te Kariki ae Aki Karikaki i nanon itiua te bong. A bane ni kukurei aomata i bukina ngke e a tia te UEA ae Atuaia aomatan Iteraera ni kabobongaa raoi nanon uean Aturia b'a e boni karaoa te m'akuri n akoi ma ni buokiia ni karaoa te Tembora.

Neemia 12:46

E a bon kaman wawaakinaki kairan te anene irouia taan kaira te anene ma taian anene n nebo ao taian taromauri mairoun Tawita ma Ataba.

Taian Areru 106:12

A kakoauai ana taeka; ao a anenea karaoiroana.

Taian Areru 149:2

Kam na kukurei, ngkami te botannaomata ae Iteraera, i bukin ami Tia Kariki-b'aai; Kim'areirei, ngkami kaain Tion, i bukin ami uea!

Taian Areru 32:11

Kam na kukurei ma ni kakatonga, ngkami akana kam raoiroi, i bukini baika E a tia ni karaoi te UEA. Ao takaakaa ni kakatonga, ngkami akana kam ongeaba i rouna!

Taian Areru 50:1

E taetae Teuare M'aaka, ae te Atua ae te UEA; E weteia aomata nako i aonnaba mai tabona nako tabona.

Taian Areru 95:6

Nako mai, ti na bobaraaki n taromauria; ti na katorobubua i matan te UEA ae te tia karikira!

Taian Areru 96:9

Bobaraaki i m'ain te Atua ae Tabu ngkana E kaoti; Kam na karinanoingkami i matana, ngkami kaain aonnaba ni kabane!

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.