2.Rongorongo 29:25 - Te B'aib'ara

²⁵ I mwiina anne, e anganiia nneia kanoan Rewi Etekia i nanon te Tembora. E anganiia taian timbara, aabi, ao taiani b'ai ni katangtang ake taiani karai, ni kaineti ma taian kaetieti ake e a tia n anga te UEA nakon te uea are Tawita ao burabeti ake uoman, Kata ao Natan.

2.Rongorongo 29:25 ပူးပေါင်းရင်းမြစ်များ

2.Tamuera 24:11

Ngke E tuai n uti Tawita n te ingabong n te moaningabong are i mwiina, E a tia te UEA n tuanga ana burabeti Tawita are Kata

1.Rongorongo 16:42

Bon tabeia naba Eman ma Ierutun te katang taiani buu, ao katangakin taian timbara ao b'aai ni katangitang ake tabeua i nanon tain te taromauri n te Um'antabunrianna. Ao kanoan Rewi ake n te kaainga are Ierutun boni ngaiia ake taan tei i Kibeon.

1.Rongorongo 21:9

Ao e taku te UEA nakon Kata, ana burabeti Tawita temanna,

1.Rongorongo 23:5

akana 4,000 a na riki b'a taan tei n te Tembora, ao 4,000 a na neboa te UEA ni katang taiani b'ai ni katangitang ake I a tia n anganiia.”

1.Rongorongo 28:12

E angan Toromon taamnein katawanangin te Tembora, tamnein taian ruu ni katobibia taian katawanang, ao taamnein naba taian ruunib'ai i bukin kaub'ain te Tembora ao b'aai n tangira ake a tia ni katabuaki b'a ana b'ai te Atua.

1.Rongorongo 28:19

Ao e taku Tawita nakon Toromon: E kaota nako iu te UEA aron karaoan te Tembora.

1.Rongorongo 29:29

A koreaki naba mwiin b'aai ni kabane ake e karaoi Tawita i nanon ana tai ni uea n te rongorongo are a koreia burabeti ake Tamuera, Natan, ao Kata.

1.Rongorongo 9:33

Taani kairiri man utuun nako kanoan Rewi ake taani katangitang a boni maeka naba n te Tembora. Bon akea riki tib'angaia teuana, i bukina ngke a tei n te bong ma te ngaina.

2.Rongorongo 30:12

Ao te Atua e karaoia aomata ni kabane i Iuta b'a a na rangi ni kan karaoi b'aai ake a tuangaki irouia Etekia ma ana mataniwi.

2.Rongorongo 30:21

Ao a rangi ni kukurei taan taromauri i Ierutarem ao a bukamarua te Toa i nanon itiua te bong. A anene n nebo kanoan Rewi ao taiani ibonga nakon te UEA ni katoa bong ao katangi aia b'ai ni katangitang.

2.Rongorongo 35:15

I nanon tain te bootaki ao iai tabeman kanoan Rewi ake a katauraoia maan i bukin te Toa are te Riao i bukiia taan katangitang ao taan tei, b'a a aonga n aki kitana aia tabo taani katangitang ake kanoan Rewi, ake a tia n anganaki tib'angaia ni kaineti ma ana kaetieti Tawita, Ataba, Eman, ao Ierutun are ana burabeti te uea. Ao a bon aki kiitani aia boua taan tei ake ni mataroan te Tembora.

2.Rongorongo 8:14

Ao e anganiia tib'angaia ibonga ao Kanoan Rewi Toromon n te Tembora, ao e ira te kaetieti are e a tia tamana are Tawita n anganna. Ao tabeman kanoan Rewi a na kaira te katangitang ma ni buokiia ibonga n aia m'akuri, ao tabeman a na teiakina mataroan nako oon te Tembora

Neemia 12:27

Ao ngke e a katabuaki oon te kaawa, ao a kaoaki kanoan Rewi ni kabane man taabo nako i aon Iuta b'a a na ira te bukamaru n taian anene n nebo ao n taian katangitang n timbara, aabi aika a uarereke, ao taiani b'ai ni katangitang ake tabeua ake taiani karai.

1.Tamuera 22:5

Ao i mwiina, e roko te burabeti are Kata nakon Tawita ao e taku, “Antai karabako ikanne; ko na kawaekoa nakon aban Iuta.” Ma ngaia are, e nako Tawita nakon buakonikain Ereta.