2.Rongorongo 29:24 - Te B'aib'ara

²⁴ Ao a tiring taiani kooti ibonga ao a katimtim'a raraaia i aon te baonikarea b'a taian karea i bukin kab'araan aia bure Iteraera ni kabane, i bukina ngke e a kaman anga ana taeka Etekia b'a e na karaoaki taiani karea aikai i bukiia Iteraera ni kabane.

2.Rongorongo 29:24 ပူးပေါင်းရင်းမြစ်များ

2.Rongorongo 30:1

E aki karaoaki te Toa are te Riao n te moan nam'akaina, are bon te tai are e kaakaraoaki iai,

Etira 6:17

Tebubua kaao, uabubua tiibu m'aane, abubua tiibu ataei aika a kareanaki i bukin te katabu. Ao ai uana naba ma tengaun ma uoman taian kooti aika a kareanaki i bukin kab'araan aia bure barongan Iteraera ake tengaun ma uabaronga.

Etekiera 45:15

A na kamanenaaki taian angab'ai aikai b'a te karea are te uita, ao ai uana naba ma te karea are kakukureiau ao koraki akana a buubuti Au kakab'aia. N na kukurei Ngai ae te UEA n taian karea aikai ao N na kab'arai aia bure Au aomata.

Etekiera 45:17

Ma kam na katauraoi maan ake taiani karea ngkami aika taan kairiiri i bukin te Toa ae Moan Otin Nam'akaina, taian Bootaki i bukin te Taabati, ao bootakin te aro ake tabeua, ao ai uana naba ma te uita ma te wain. A na bane ni kabonganaaki baikai i bukin taiani karea i bukin bure, te karea te uita, te karea are kakukureiau, ao nakoia akana a buubutiai Au kakab'aia. N na bon kukurei ao N na kab'araa aia bure Au aomata.

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Nakoaia Ibonga 1:4

E riai ni katokaa baina te aomata anne i aon atuun ana karea, ao e na butim'aea te karea anne te UEA, b'a te karea ni kab'arabure.

Nakoaia Ibonga 14:20

ao e na anga ma te karea are te uita i aon te baonikarea. Ao ai anne ngkanne aron te ibonga ni karaoa te m'akuri ni kaitiaki, ao e a itiaki iai te aomata anne.

Nakoaia Ibonga 6:30

Ma ngkana e uotaki te raraa nakon te Um'antabunrianna, ao e na kabonganaaki i bukin kab'araan buure, ao e na aki kanaki te man anne, ma e na kabuokaki ni kabane rab'atana.

Nakoaia Ibonga 8:15

Ao e tiringa te man Moote, ao e anaa raraana teutana, ao e kateboa tabonibaina iai, ao e kararaaea koonan te baonikarea ake aua iai, b'a kaanga katabuana. Ao e a kabanea ni kab'aroa nikiran te raraa i oin te baonikarea. Ao anne arona ni karaoa te katabu ma te kaitiaki.

Nakoaia Ibonga 9:15

I mwiin anne, ao e anga aia karea aomata. E anaa te kooti are e a kareanaki i bukin aia bure aomata, e tiringnga, ao e anga, n aron are e karaoia naba n te karea ni kab'arabure are bon i bukina.

Ebera 2:17

Ma ngaia are e riai i Rouna b'a E na riki n ai aroia tarina ni b'aai ni kabane, b'a E aonga n riki b'a aia Ibonga ae Kakannato ae nanoanga ma ni kakaonimaki ni baika reitaki ma te Atua, n anga te karea n raoi i bukin aia bure aomata.