2.Rongorongo 29:21 - Te B'aib'ara

²¹ A uoti itiman taiani kao, taian tiibu m'aane itiman, itiman taian tiibu teteei, ao itiman taiani kooti b'a taian karea i bukin kab'araan aia bure ana utu Etekia ao kaain Iuta, ao bon kaitiakan naba te Tembora. E tuangiia ibonga Etekia ake ana kariki Aaron, b'a a na karea taian man aikai i aon te baonikarea.

2.Rongorongo 29:21 ပူးပေါင်းရင်းမြစ်များ

1.Rongorongo 15:26

Ao te Atua e anganiia kanoan Rewi korakoraia ae a tangiria i bukin uotakin te ati, ma ngaia are, a anga itiman taiani kaom'aane ao itiman tiibu m'aane.

2.Rongorongo 29:20

Ao e weteia naba ngkekei taian mataniwi Etekia mai Ierutarem, ao a nakon te Tembora.

Etira 8:35

Ao koraki ake a oki man te kataenikaiaki a angakarea i aon te baonikarea nakon Atuaia Iteraera. A kareanaki tengaun ma uoman kaao i aon te baonikarea i bukiia Iteraera ni kabane, n ikotaki ma ruangaun ma onoman tiibu m'aane ao itingaun ma itiman tiibu ataei. Ao a kareanaki tengaun ma uoman kooti i bukin aia bure aomata.

Iobi 42:8

Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

Etekiera 45:23

E na uouoti itiman taian kao ao itiman taian tiibu m'aane b'a te karea are kakukureiau ni kabanea bongin te Toa, ao ai uana naba ma karea i bukin te bure. A na riai maan aikai n akea toabuakan rab'ataia.

Nakoaia Ibonga 16:5

Ao e riai te bootaki n Iteraera n anga uoman taiani kooti aine i bukin te karea ni kab'arabure ao i bukin te karea ni kabuokaki.

Warekaia Iteraera 23:1

Ao e taku B'araam nakon B'araka, “Karaoi itiua baonikarea ikai, ao uotimai nako iu, itiman kao mm'aane, ao itiman tiibu mm'aane.”

Warekaia Iteraera 23:14

Ma ngaia are, e kaira B'araam nakon te katawanang ae mena i taubukin te maunga are Bitika ike a mena iai taabo n taratara nako. Ao i mwiina, e katei itiua baonikarea, ao e kareani taian kao mm'aane, ma tiibu mm'aane i aon baonikarea n tatabeua nako.

Warekaia Iteraera 23:29

Ao e taku B'araam, “Karaoi itiua baonikarea ikai, ao uotimai nako iu itiman kaomm'aane, ao itiman naba tiibu mm'aane.”

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.