2.Rongorongo 29:16 - Te B'aib'ara

¹⁶ Ao a rin i nanon te Tembora ibonga ao a kaotinakoi b'aai aika a aki itiaki. A katikui baikanne ni katawanangin te Tembora, ao mai ikanne, are a uoti nako iai kanoan Rewi ni kaotinakoi i tinanikun te kaawa nakon te M'arua are Kiteron.

2.Rongorongo 29:16 ပူးပေါင်းရင်းမြစ်များ

2.Tamuera 15:23

Ao a bane n tang kaain Ierutarem ngke a m'ananga Tawita ma aomata ake iria rirarikiia i aoni kawaia n nako. E kairiia Tawita ri nanon te M'arua are Kiteron ao n te kawai nakon te rereua.

2.Rongorongo 15:16

E a tia tibun Ata te unaine are Nei Maaka ni karaoa te bouannanti ae e rangi n ribaaki are Nei Atera, ma ngaia are, e koroia ni kab'aka, ao e kamaerikirikia, ao e kabuokia n te M'arua are Kiteron. Ao i mwiina, e kam'ainga Nei Maaka mani nnena are te tina ni ueanaine.

2.Rongorongo 3:8

Buburan te Tabo are Moan te Tabu bon 9 te miita ab'akina ao 9 te miita rababana, ao e kabiraki n te koora ae e raka i aon 20 te tan rawawatana.

2.Rongorongo 30:14

A anai aia baonikarea ianena ni kabane ao baonikarean te b'ai ni kaboiarara are aia b'ai naba ianena i Ierutarem ao a tewenakoi ni M'aruan Kiteron.

2.Rongorongo 5:7

A uota te Atiniberita taian ibonga nakon te Tabo are Moan te Tabu ao a kaaki i aan baiia baika a maiu,

Neemia 13:9

Ao i mwiina, I tua b'a e na kaitiakaki te ru ma b'ain am'arake ake b'ain te tembora, ma taian angab'ai ake taian uita, ao b'ai ni kaboiarara b'a a na manga kaokaki nako nanon te ru.

Etekiera 36:29

N na kaawakiningkami mani b'aai aika kam na kam'araa iai. E na taonako ami tawaana n taiani uita, ao akea ae e na manga baki.

Mataio 23:27

A na reke kaimi, taani koroboki ma B'aritaio, aika taani m'am'ana-te-aba! B'a ai aron ruua ni mate aika kamainainaki ngkami; a tara n tamaroa mai tinanikuia, ma a on nanoia n riia maate ma baika mka n aekaia nako.

Ioane 18:1

Ngke E a tia n tataro Iesu, ao E nako ma ana reirei n ri aon te karaanga are Kiteron nakon te tabo are e mena iai te ne n aroka, ao E rin iai ma ana reirei.