2.Rongorongo 28:24 - Te B'aib'ara

²⁴ E rikoi b'ain nanon te Tembora ni kabane Aati ao e urui ni kamaenikuni. I mwiina, e kain mataroan nako te Tembora ao e katea te baonikarea i bukiia antiia ianena ni koonan taiani kawai i nanon te kaawa i Ierutarem.

2.Rongorongo 28:24 ပူးပေါင်းရင်းမြစ်များ

2.Rongorongo 28:25

E karaoi baangotan te aba i bukin taromaurian antiia ianena. E kauna te UEA ae Atuaia ana bakatibu b'aai aikai ni kabane.

2.Rongorongo 29:19

Ao ti a tia ni kaoki b'aai ni kabane ake e anai ngkoa te uea are Aati man te Tembora i nanon te tai are e aki kakaonimaki iai nakon te Atua. Ti kaitiaki ni kabane ao ti katikui i matan te baonikarea.

2.Rongorongo 29:3

N te moan nam'akainan ana moan ririki n tautaeka Etekia, ao e kauka mataroan ana Tembora te UEA ao e a manga onob'aia.

2.Rongorongo 29:7

A kain mataroana, ao a manga tiring taurana ao a katoka kabuokan taiani b'ai ni kaboiarara ma te anga karea i nanona.

2.Rongorongo 30:14

A anai aia baonikarea ianena ni kabane ao baonikarean te b'ai ni kaboiarara are aia b'ai naba ianena i Ierutarem ao a tewenakoi ni M'aruan Kiteron.

Ieremia 2:28

Naako taang nakon antimi ake kam karaoi! Tao a bon tau m'aitiia ni kamaiungkami, b'a are a rangi n rawa antin Iuta n ai aron m'aitin kaawana nako.

Otea 12:11

E rangi n rawaawata ana bure Kireata ao tokina bon te urubekebeke. A kareanaki taian kaom'aane i Kireata i aon te baonikarea are e karaoaki n taian atiibu, ma a na kamaaenikunaki taian atiibu aikai nakon taian tawaana nako.

M'akuri 17:16

Ao ngke e taningaia B'auro i Atenai, ao e kamarakaki atuna ngke e nora te kaawa b'a a bati bouananti n tei i aona.

M'akuri 17:23

B'a ngke I nakonako i nanon ami kaawa ma n taratarai b'aai aika kam taromauri, ao I nora naba te baonikarea teuana ae e koreaki i aona ae kaangai, “NAKON TE ATUA ARE AKI ATAAKI.” Ma ngaia aei, b'a Ae kam taromauria, Are aki ataaki, ao boni Ngaia ae I kaotia nakoimi.