2.Rongorongo 28:15 - Te B'aib'ara

¹⁵ A anai tabeua taiani kunnikai ake a iraeaki taani kairiiri ake aman akekei, ao a anganiia taenikai ake a kainanoa rabunan rab'ataia. Rimwi riki, a manga anganiia kunnikaiia ao aia kauniwae aika a boou, ao a manga anganiia kanaia ma nimaia, ao a kaitiaki ikoakiia ni b'aan te oriwa. A anga taian aati nakoia ake a mamaara n nakonako, ao a manga kaokiia nako Ieriko, te kaawa ae e tanoata taekana i bukin taian aroka aika baam i aona. Ao a okirikaaki taani kairiiri akekei nako Tamaria.

2.Rongorongo 28:15 ပူးပေါင်းရင်းမြစ်များ

2.Uea 6:22

E taku Eritai, “Ko na aki. Ko aki kataenikaiia tautia aikai n te bonibuaka, Ma ngaia are, akea kariaiakam n tiringiia. Ma n onean mwiin anne, ko na anganiia te am'arake ao te mooi, ao kaokiia nakon aia tia kairiiri.”

2.Uea 6:23

Ao te uea e katauraoa te baka n am'arake ae korakora i bukiia tautian Turia, ao ngke a tia n am'arake, ao e a kanakoia. Ao e toki buakanakin Iteraera iroun Turia i nanon tabeua te tai.

2.Rongorongo 28:12

Ni bon te tai naba arei, ao a roko ana taani kairiiri Iteraera aika aman. Naakai bon Ataria are natin Ioanan te m'aane, Berekia are natin Metiremota te m'aane, Ieitikia natin Tiarum te m'aane, ao Amata are natin Aterai te m'aane. E boraoi aia iango ma Oteta n ae e kaairua ana taanga ni buaka Iteraera n are a karaoia,

2.Rongorongo 28:14

Ma ngaia are, a kaoki aia taenikai te taanga ni buaka arei nako mataia taani kairiiri ma aomata ao taiani b'ai ake a anai i Iuta.

Etira 2:34

tenibubua angaun ma niiman man te kaawa are Ieriko;

Neemia 5:12

Ao a taku taani kairiiri, “Ti na karaoi b'aai ni kabane akana ko taekin ao ti na kaoki aia b'ai, ao ti na aki tangiri booia.” Ma ngaia are, I tuangiia taani kairiiri b'a a na berita i mataia ibonga b'a a na kaoki aia b'ai aomata.

Itaia 58:7

Tib'aa kanami nakoia aomata nako aika a bora ni baki; Tib'aa ami auti ma te aomata ae e maiu ni kainano, ao ae akea ana auti; Anga te kunnikai nakoia akana a kananoanga; kam na aki tannako mairouia ami koraki nako.

Ruka 6:27

I taku nako imi akana kam ongora i Rou, Kam na tangiriia ami kairiribai, ao karaoa ae raoiroi nakoia akana ribaingkami.

Ruka 8:27

Ao ngke E aerake nako aon te aba, ao E aitara ma te aomata ae taniaki irouia taimonio ae nako man te kawa; e a maan teuaei n aki kukunnikainna, ao e mamaeka n aia tabo maate ma tiaki n te auti.

Ruka 8:35

A nako aomata b'a a na nora te baere e a tia n riki, ao a roko iroun Iesu, ao a nora te aomata are a tia n oti nako mai rouna taimonio, b'a e tekateka i rarikini waen Iesu: e kunnikainna ao e a eti ana iango; ao a maaku aomata.

M'akuri 9:39

Ao e teirake Betero, ao e airi ma ngaiia. Ngke e roko, ao a kairiia nakon te ru are i eta; a tei n tang aine ake a mate buia i rarikini Betero, ao a kaoti kabaraki ma kooti ake e karaoi Nei Toreka i nanon ana tai ni maiu.

I-Rom 15:1

E riai iroura ngaira aika a korakora ara onimaki b'a ti na taotaon nanora nakoia aika a mamara aia onimaki, ao ti na aki iri oin nanora ni karaoa are ti tangiria.

Te Tua-Kaua 34:3

Ao te UEA, E kaota naba nakoina te aba are i maiaki, are moa man te m'arua are i rarikin kaawan Ieriko, are ataaki n arana ae Kaawan Kaai aika Baam, ni manga ruorikaaki nakon te kaawa are Toa.

1.Timoteo 5:10

ao e kakoauaki b'a te aine ngaia ae kakaraoi m'akuri aika raraoi, n arona ni kaikawaia natina, n akoia iruwa, n teboki waeia raona ni Kristian, ni buokiia aika rawawata, ao n arona ni botum'aka ni karaoi m'akuri aika raraoi ni kabane.

Tani Motiki-taeka 1:16

Aomata ake kaain te kaainga are Ken boni ngaiia kanoan ai taman Moote. A uaia ni kiitana Ieriko ma kaain Iuta, ao a tiku ni maeka i rarikin Arata n Rereuan Maiaki n aki raroa ma kaain Amareka.