2.Rongorongo 26:16 - Te B'aib'ara

¹⁶ Ao e a rangi ni kamoamoa Utia i bukin m'aakana, ao aei ae e karekea b'akana. N te bong teuana, ao e a aki ongotaeka Utia nakon te UEA ae Atuana ngke e nako n rin te Tembora ao e kabuoka te b'ai ni kaboiarara b'a te angab'ai nako ina.

2.Rongorongo 26:16 ပူးပေါင်းရင်းမြစ်များ

1.Uea 13:1

N te bongi teuana, ao e teitei Ieroboam i rarikin te baonikarea are i Betaera, b'a e nang tauraoi n angakarea. Ao e karina n roko Ana burabeti te Atua mai Iuta ao e takaarua ni kaangai:

2.Uea 14:10

Tao ko taku Amatia b'a ko a rangi ni korakora i bukina ngke ko a tia ni kataenikaia Etom. Waaki nako, karaoa ami bootaki ni kukurei. Ma ko na aki tiku n am auti. Ngkana iai te kakiriwe ae ko karaoia ao ko na kaai ni kamaunaaki ma abanueam are Iuta.

2.Uea 15:5

E katuaaea Ataria te UEA n te reebera, ni kabanea bongini maiuna. E aki kariaiakaki b'a e na maeka n ana bareti te uea, ma ngaia are, e maeka natina n te bareti man tautaeka n onea mwiina.

2.Rongorongo 12:1

N te tai ae e aki maan ngke e a tia Reoboam n taua taekan abanueana, ao e a manga aki ongotaeka iroun te UEA ngaia ma kaain Iuta ni kabane.

2.Rongorongo 25:19

Amatia, tao ko taku ngkai b'a ko a rangi ni korakora i bukina ngke ko kataenikaiia Etom. Ma ko riai ni karauko ni mwengam ni booa am baka ni kukurei. Ngkana ko karaoa te kamwebuaka, ao ko na kaai ni kamaunaaki ngkoe ma abanueam ane Iuta.

2.Rongorongo 26:15

Iai tabeman ana taani m'akuri aika rarabakau ake a kunei karaoan taian mitiin ake a konaa ni katebe n taian kanoanikatebe ao taian atiibu aika a buubura. E katei baikai Utia i Ierutarem n ana taua n totoko ao ni koonan naba oon te kaawa are e buubura. E buoka Utia te Atua b'a e na rikirake man rikirake ni korakora, ao e a rangi n tanoata taekana ni kabuta te aonnaba.

2.Rongorongo 27:2

E ongotaeka Iotam iroun te UEA ao e karaoa ae e raoiroi. E katotoonga tamana are Utia, ma e aki roko n te kabuoka te b'ai ni kaboiarara n te Tembora n aron are e a tia ni karaoia tamana. Ma a bon teimatoa naba ni bure nakon te UEA kaain Iuta.

2.Rongorongo 32:25

Ma e rangi ni kamoamoa Etekia ao e rawa ni kaaitaua te UEA i bukin b'aai ni kabane ake e a tia ni karaoia nako ina. Ao aio are e karika unin te UEA, ao e katuaaea Etekia ma kaain Iuta ma Ierutarem.

Taeka n Rabakau 16:18

E na bon uruana aromi te kamoamoa ae e bati.

Taniera 11:12

E na rangi ni kamoamoa i bukin ana tokanikai, ao i bukiia tautia aika a m'aiti ake e a tia naba n tiringaki i rouna, ma e na bon aki teimatoa ana tokanikai

Taniera 8:8

Ao e rikirake ni kamoamoa te kooti arei, ao e a uruaki korona i bukini korakoran m'aakana. Ao a manga kaoti aua te koro aika a teretere raoi n onea mwiina, ao a kotoi taabo aika a kakaokoro n tatabeua nako.

Ab'akuka 2:4

Ao aio te rongorongo, “Ana bon aki tiku ni maiu aika a buakaka, ma aika a raoiroi ana bon maiu i bukin aia kakaonimaki nakon te Atua.”

Warekaia Iteraera 16:1

Kora bon natin Itiia te mm'aane, are kanoan Rewi, man te kaainga are Koata. Ao e weteia Ratan, Abiram, ao On man te baronga are Reuben n te bong teuana,

Warekaia Iteraera 16:18

Ao n te bong are i mwiina, ao a nnei b'aai ni kaboiarara ma kooro mm'aane akekei i nanon aia baan are baanin te ai, ao a tei ma Moote ao Aaron i mataroan te Um'antabunrianna.

Warekaia Iteraera 16:35

Ao n te aro ae a aki kantaningaia, ao E kab'aka te ai te UEA ni kabuokiia 250 te mm'aane ake a tia n anga te b'ai ni kaboiarara nako Ina.

Warekaia Iteraera 16:7

Ao e na riki b'a Ana ibonga te UEA te mm'aane ane E rineia. Kora, kam a tia n rangi n ri aon ae riai ngkami kanoan Rewi!

Warekaia Iteraera 17:5

Ao i mwiina, N na rinea te mm'aane temanna b'a au ibonga, ao e na manga bwebwerake taian tabera man okona. Ao ngkana e tia n riki anne, ao N na bon aki manga tabe ma tenaan ngurengure riki i bukimi.

Te Tua-Kaua 8:14

Ma ngkana a riki baikai, ao kam na aki kainikatonga. Kam na aki m'aninga ae bon tooro ngkoa ngkami i Aikubita, ao bon te UEA ae kainaomataingkami.

Te Tua-Kaua 8:17

Ngkana kam tetekeraoi, ao kam na aki kaangai, I a kaub'ai, I boni karekei ni korakorau.

I-Korote 2:18

Kam na tai kariaia b'a e na baireaki taekami b'a kam aki tau iroun temanna are taku b'a e kakannato riki, i bukina b'a e a tia n nori baika kanga taiani mii, ao are e imanonoa b'ainakin te baka n nanorinano ma taromauriaia anera. Akea manenani kainikatongana i bukina b'a e b'aina te nano n aon te aba,