2.Rongorongo 25:16 - Te B'aib'ara

¹⁶ Ma I m'aain banen ana taeka te burabeti, ao e a kamangaoa naba Amatia man taku, “Bon tiaki ngkoe ara tia iango temanna! Ko na aki manga taetae, b'a I kaawa n tiringko.” E toki ana taeka te burabeti. Ao e a manga taku, “Ko karaoa te bure, ao ngkai ko a manga aki kan ongo n au kauring, E bon rangi n teretere raoi b'a e nang katuaaeko te Atua!”

2.Rongorongo 25:16 ပူးပေါင်းရင်းမြစ်များ

2.Rongorongo 10:15

Ao ngke a ataia aomata b'a e aki kan ongo Reoboam irouia, ao a takaarua ni kaangai, “Ti na aki kakaonimaki nakon ana utu Tawita.

2.Rongorongo 16:10

Ao ngke e ongo aei Ata, ao e rangi ni maraki nanona, ao e kaina Anani n te Karabuuti. Ao e bon karaoa naba ae e aki raoiroi nakoia ana aomata tabeman.

2.Rongorongo 18:25

Ao e takaarua Aaba ni kaangai, “Katika Mikaia! Uotia nakon te natinuea te m'aane are Ioati ao te koowana are Amon i Tamaria.

2.Rongorongo 24:20

E taetae te Atua nakon te burabeti are Tekaria are natin Ieoiata are te ibonga, ao e tuangiia aomata ni kabane Tekaria ana taeka te Atua ae e kaangai, “E aera ngkai kam aki ongotaeka irou ao nakon au tua nako? Kam a tia ni tannako mairou.” E na karekea te katuaaeaki te b'ai aei, ma ngaia ae ngkai N nang tinanikuingkami.”

2.Rongorongo 24:21

E m'aninga Ioati ae bon te rao ae e a tia n rangi ni kakaonimaki taman Tekaria. Ma ngaia are, ngke a iangoa tiringakin Tekaria kaain Iuta, ao e bon raoniia naba Ioati ma n anga taiani babaaire b'a e na kareaki n atiibu ni karokoa matena i nanon katawanangin te Tembora.

2.Rongorongo 25:15

E rangi ni kauna te UEA te m'akuri aei, ao e kanakoa te burabeti b'a e na titirakina Amatia ni kaangai, “E aera ngkai kam taromaurii antiia ianena aikai aika a aki konaa ni kamaiuia ake bon oin aia aomata man buakanakiia?

2.Rongorongo 25:17

E taetae te uea are Amatia ma ana mataniwi, ao i mwiina, e a kanakoa te rongorongo nakon uean Iteraera are Ieoaati: “Otinako b'a n na buaka ma ngkoe.”

Te Otinako 10:28

E taku B'arao nakon Moote, “Naako mai rou! N na aki manga oki n noora matam! N na tiringko ngkana I a manga nooriko!”

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Taeka n Rabakau 1:29

Eng, e na bon akea te b'ai ae kam na ataia, ao kam na bon rawa ni karinea te UEA.

Taeka n Rabakau 1:30

Kam katinanikua au taeka n reirei ao kam aki kan ongo ngke I kauringko.

Itaia 46:10

I a kaman taekin baika a na riki mai moana, i m'aain ae a riki. I kakoroa bukin au taeka

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 27:15

A taku burabeti aikai b'a a taetae i bukin te UEA, ma E bon aki kanako ia te UEA. A kewe! Ngkana kam karaoa ane a taku, ao kam na kaai n uaakinaki ma ngaia nakon te aba teuana ma n tiringaki. Bon anne Ana taeka te UEA.

Ieremia 29:26

I mwiin maten Ieoiata are te ibonga, E rineiko te UEA b'a ko na riki b'a te ibonga are e tararuaia te taanga ni bureitiman i bukin te Tembora. Ko ataia aomata b'a akana a boni baba ma ni bakaaea te riki ni burabeti a riai ni katikaki ma ni kabaeaki n taian tiein ao biiti are kabaean te roroa.

Ieremia 43:4

Ao a bane n rawa n tiku i Iuta Ioanan, aobitia n taanga ni buaka ake tabeman, ao aomata ni kabane n aron ana mwioko te UEA.

Etekiera 33:4

Ngkana e ongo temanna ma n aki tabe iai ao e a roko te kairiribai n tiritiri, ao e akea ae e na bukinna i bukin matena.

Mataio 21:23

Ngke E roko Iesu n te um'antabu, ao a nako Ina ibonga ake mataniwi ma aia unimm'aane aomata ngke e tabe n reirei, ao a taku, “Te m'aaka maia ae Ko karaoi iai baikai? Ao antai ae anganiko te m'aaka anne?”

M'akuri 4:28

B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

I-Rom 9:22

Ao bon ti te bo naba ma are E a tia ni karaoia te Atua. E kani kaota unna ma m'aakana n ekianako ake a bon riai mateia. Ma E aki, b'a te bae E karaoia E taotaona nanona nakoia.

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

Te Tua-Kaua 2:30

Ma e rawa Taion ni kariaia b'a ti na ri nanon abana, i bukina b'a E boni karikia te UEA b'a e na taningamatoa, ma ni ingainga ni kan buakaniira.

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

Te Kaotioti 11:10

Ao ake a maeka i aon te aba a kim'areirei ma ni kakatonga; ao ane a na kanako b'aintangira ni bon nakoia n tatabemaniia nako; b'a burabeti ake uoman akekei bon taan uota te aro ae kamamate nakoia aomata ake a mena i aon te aba.

1.Tamuera 2:25

Ngkana kam kaikoaka te aomata temanna, ao E kona te Atua ni manga kaeti b'aai i marenami ni kauoman. Ma ngkana kam karaoa te bure nakon te UEA, ao bon akea ae kona ni buokingkami!” Ma te UEA e a kaman iangoi tiringakiia. Ngaiare e kamatoai nanoia n aki kan ongo b'anaan tamaia.