2.Rongorongo 25:14 - Te B'aib'ara

¹⁴ I mwiin konaakiia kaain ana taanga ni buaka Etom iroun Amatia, ao e a okirikaaki nako Ierutarem. E uoti rikaaki bouanantin antiia kaain Etom ao e a manga katei. Ao i mwiina, e bobaraaki ao e anga ana karea nakoia.

2.Rongorongo 25:14 ပူးပေါင်းရင်းမြစ်များ

2.Tamuera 5:21

Ao a uoti nako naba taian bouananti ake a katikui kaaini Biritia imwiia ana taanga ni buaka Tawita.

2.Uea 14:8

N te bong teuana, e kanakoa ana rongorongo nakon te uea are Amatia are uean Iteraera: “Ko na otinako b'a N na bo ma ngkoe n te buaka.”

2.Rongorongo 25:13

I nanon te tai anne, a manga eekiinako kaawan nako Iuta ake a mena i marenan Tamaria ma Beta-Oron ana taanga ni buaka Iteraera ake a kaokaki iroun Amatia nakoni mwengaia. A tiringiia tenua te ngaa aomata ao a uoti nako aia b'ai. Ao a okirikaaki nako Ierutarem.

2.Rongorongo 25:2

E ngae ngke e ongotaeka Amatia iroun te UEA ni kaakaraoa ae e raoiroi, ma e rawa ni kakororaoa ana kakaonimaki.

2.Rongorongo 28:23

E taku i bon i rouna, “A tia ngkai antin Aturia ni buokiia aia uea ni kataenikaiai. Tao ngkana I angakarea nakon taian anti aikai, ao a na bae ni buokai.” Bon anne te bure are e a kab'aka Aati, ao ni karokoa naba uruan Iuta.

Te Otinako 23:24

Kam na aki taromauri antiia ke ni kakairi n aia katei. Ma, kam na kamaunai aia bouannanti ma ni kamaenikuni aia atiibu ake taian banna.

Itaia 44:15

A kamanenaaki tabeua taiani kai i bukin ain te kabuebue ke te kuuka. E karaoaki m'akoron te kai teuana b'a te bouannanti, ao e boobaraaki te tia korobanna n te kai nako iai ao e taromauriia.

Itaia 44:19

Bon akea kanoan aia iango n ataa ae e kaangai, “I kauraa te ai ni iteran te kai ao I kuukana kanau te kariki ao te irikomaiu i aona. Ao I a manga karaoa te b'ai ae akea manenana ni m'akorona are teuana. Ao e aera ngkai I taromauria te m'akoro ni kai?”

Amota 2:4

E taku te UEA, “A teimatoa ni kakaraoa te bure kain Iuta ao N na bon katuaaia i bukin aei. A tia ni katinanikua au reirei, man aki kawakin au mwioko. A manga okira aroia aia bakatibu n taromauria antiia.

Te Tua-Kaua 7:25

Ngkana kam tia ni kataenikaia te botannaomata teuana, kam na kabuoki aia bouananti. Kam na aki m'aane n tangiri taian tirewa ma koora akana nim i aon taiani bouananti. B'a e aki kukurei iai te UEA, ni moa man te m'akoro ni biti ae nim i aon te bouananti,

Te Tua-Kaua 7:5

Ma ngaia are, ngkana kam kataenikaiia botannaomata aikai, kam na urui aia baonikarea are a taromauriia iai atuaia. Urui aia baangota, ao kab'akai taiani atiibu ake a tataromauri atuaia te aine are Nei Aatera, ao karenakoi aia bouananti nako nanon te ai.