2.Rongorongo 25:11 - Te B'aib'ara

¹¹ Ao i mwiina ngke e a manga reke korakoran Amatia, ao e a kaira ana taanga ni buaka nakon te M'arua are Taari, ike e a tiringiia tebwina te ngaa tautian Etom i nanon tain te buaka.

2.Rongorongo 25:11 ပူးပေါင်းရင်းမြစ်များ

2.Tamuera 8:13

E buakaniia ana taanga ni buaka Etom n te M'arua are Taari ao e tiringiia 18,000 tautia. E karaoa te kanuringa ngke e oki.

2.Uea 14:7

E tiringiia 10,000 tautian Etom te uea are Amatia i nanon te M'arua are Taari. E taua te kaawa are Tera, ao e a manga aranna b'a Ioketeera, are ai bon arana naba ni karokoa te bong aei.

2.Rongorongo 25:10

Ao e tuangiia taani taanga ni buaka Amatia b'a a na okiri mwengaia, ma ngke a oki ao a rangi ni un irouia kaain Iuta.

2.Rongorongo 25:12

E tauia tebwina te ngaa riki tautia ao e uaakiniia nako taubukin te katati ae moan te rietaata. Ao e a butiia naba ni kab'aia, ao a bane ni mate i aon taiani b'aa inano.

2.Rongorongo 25:15

E rangi ni kauna te UEA te m'akuri aei, ao e kanakoa te burabeti b'a e na titirakina Amatia ni kaangai, “E aera ngkai kam taromaurii antiia ianena aikai aika a aki konaa ni kamaiuia ake bon oin aia aomata man buakanakiia?

Taian Areru 60:1

Te Atua, Ko a tia n ribaira, ao Ko uruira; Ko a tia n un iroura-ma an rairaki nakoira ngkai.

Ob'aria 1:3

Ko rangi ni kamoamoa, kioina ngke ko nonoa atun am tautaeka n taian b'aa aika a matoatoa, ao ko maeka i taubukin maunga aika a ririeta. Ma e kam'aneko am kainikatonga anne ao ko taku i nanom, “Antai ae kona ni katikai rikaaki?