2.Rongorongo 20:33 - Te B'aib'ara

³³ ma e aki roko n te urui taian baangota ake baangotan te aba. Ma ngaia are, a bon a kakaonimaki riki aomata n taromauri antiia nakon taromaurian te Atua are a tataromauria aia bakatibu ngkoa.

2.Rongorongo 20:33 ပူးပေါင်းရင်းမြစ်များ

2.Rongorongo 12:14

ma e bon teimatoa naba ni kakaraoa te kaairua ao e rawa n ongotaeka iroun te UEA.

2.Rongorongo 14:3

E kamaunai baangotan te aba ao taian baonikarea i bukin taian anti. E urui taian atiibu ake bannan taian anti ao e koroi ni kab'akai taiani boua ake a tabu ake a kabonganaaki i bukin taromaurian te anti are Nei Atera.

2.Rongorongo 15:17

E kakaonimaki Ata nakon te UEA ni kabane bongini maiuna, e ngae ngke e aki uruaki baangotan te aba i Iteraera.

2.Rongorongo 17:6

ao e bon teimatoa naba ni kakaonimaki nakon te UEA. E kamaunai taiani baangota ake baangotan te aba i Iuta, n reitaki naba ma taabo ake e taataromauriaki iai te anti are Nei Atera.

2.Rongorongo 19:3

Ma ko aki buakaka ni b'aai ni kabane, b'a ko urui taiani boua aika a tabu ake a kabonganaaki i bukin taromaurian te anti are Nei Atera-are e kaotaki iai b'a ko a tia ni kataia n ongotaeka iroun te UEA.

2.Rongorongo 20:32

E ongotaeka Ieotiab'ata iroun te UEA, n aron e a tia ni karaoia tamana are Ata,

2.Rongorongo 30:19

A reke iroun Etekia, ao e a ataa te b'ai ae a tia ni karaoia ao e tataro: “Te UEA ae te Atua, a tuai n itiaki n aron tuan baika a tabu. Ma a bon taromauriiko naba n aron are a karaoia aia bakatibu. Taiaoka, kab'arai aia bure.”

2.Rongorongo 33:17

A ongotaeka aomata iroun Manate, ma a taromauriia te UEA ni bon oin aia baangota nako.

Te Tua-Kaua 29:4

Ao e bon tuangkami naba ni kaangai, I kairingkami i nanon 40 te ririki i nanon te rereua, ao a na aki uruaki ami kunnikai ao ami kauniwae, ao I anganingkami naba kanami ae raka. I karaoi baikai b'a kam aonga n ataia b'a bon Atuami Ngai. Kam ti kona n atai nanon baika kam a tia n noori ao baika kam a tia n ongo ngkana E bitii nanomi te UEA.

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”