2.Rongorongo 20:24 - Te B'aib'ara

²⁴ Ao ngke a roko ana taanga ni buaka Iuta n te taua are e kaaitaraa te rereua, ao a nooria b'a a bane ni wene ni mate i aon te tano tautian aia taanga ni buaka aia kairiribai.

2.Rongorongo 20:24 ပူးပေါင်းရင်းမြစ်များ

2.Uea 19:35

E kanakoa te anera te UEA n te tairiki naba arei nakon aia kaemb'a kaain Aturia, ao E tiringiia 185,000 mai buakoia. Ma ngaia are, e a wenerua taiani mate n te ingabong are i mwiina.

1.Rongorongo 5:22

A m'aiti kaain Akera ake a mate i nanon tain te buaka, i bukina ngke E buaka te Atua ni kaaitaraia. A maeka kaain te baronga are Reuben, Kata, ao Manate i Mainiku n te aba arei ni karokoa te tai are a manga uotakinako iai b'a taenikai nako Aturia.

2.Rongorongo 20:23

Ma ngaia are, a teirake aia taanga ni buaka kaain Ammon ao Moaba ni buakaniia ake kaain Etom ma ni kamaunaiia ni kabane. Ao i mwiina, a manga rairakiia i bon irouia ma ni buaka ni karokoa a bon bane ni mate kaain te maeka arei!

2.Rongorongo 20:25

Ma ngaia are, a m'ananga Ieotiab'ata ma ana taanga ni buaka nakon aia kaemb'a ni uoti nako b'aai ni kabane aika a kakaawaki. Ao a kunei ana nanai ni man ae moan te korakora, taiani b'ai, kunnikai, ao b'aai riki tabeua aika a kakaawaki. A kabanea tenibong aia bong ni uoti nako, ao bon iai naba nikiraia.

Etira 9:14

E aera ngkai ti na aki ongotaeka riki nakon am babaaire, b'a ti a manga kariaia natira m'aane ao natira aine, b'a a na mare ma Ianena aikai aika a kaakaraoi baika a bati n ribaaki? E na bon rangi ni kamaraka nanom n te aro are ko na tiringiira ni kabane iai.

Taian Areru 110:6

E na motiki taekaia botannaomata nako, E na botataia n tiringiia ao ni kab'arikoirake rab'ataia akana mate; ni kabutaa aonnaba

Te Otinako 14:28

Ao e okira arona taari, ao e rabun taiani kaa ni buaka ma taani kabuti kaa ni buaka, ao kaain ana taanga ni buaka Aikubita ni kabane ake a rimwiia Iteraera n ri nanon taari, ao bon akea nikiraia ni maiu.

Te Otinako 14:30

Ao E kamaiuia Iteraera te UEA n te bong arei mai rouia kaain Aikubita, ao Iteraera a noriia kaain Aikubita ni wene ni mate i mataniwiin taari.

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Ieremia 33:5

Iai tabeman aika a na buakana B'aburon, are e na kaon auti nako n taian mate ake aomata ake N nang oroia n uniu ma bononnanou. I tannako man te kaawa ae e buubura aei i bukin m'akuri aika a buakaka aika a tia ni karaoaki irouia kaaina.