2.Rongorongo 2:4 - Te B'aib'ara

⁴ I a karaoa ngkai ana Tembora te UEA ae Atuau are e na taromauriaki iai. A na kabuokaki iai taian b'ai ni kaboiarara, ao e na anganaki iai te kariki are e tabu. A na anga karea nakon te UEA taan taromauri ni katoa ingabong ao tairiki, ni katoa Taabati, ao ni katoa te Toa ae Moan Otin Nam'akaina, ao ai arona naba ma taian toa ni kabane. A na karaoaki b'aai aikai n taai nako n aron are E a tia n baaireia te UEA.

2.Rongorongo 2:4 ပူးပေါင်းရင်းမြစ်များ

1.Uea 5:5

E berita te UEA ae te Atua nakon tamau b'a ngkana e riki b'a te uea natina te m'aane, ao e na katea te Tembora i bukin taromaurian te UEA. Ma ngaia are, I a tia ni baaireia b'a N na karaoa anne.

1.Uea 8:18

ao E taku te UEA, “E rangi n raoiroi ngkai ko iangoa karaoan te Tembora ae N na taromauriaki iai.

1.Uea 8:63

ao a karean 22,000 taiani kao ao 120,000 taian tiibu b'a aia karea ni butiia te UEA ana Kakab'aia.

1.Rongorongo 22:5

Ao e taku, “E na riai ni kakannato ana Tembora te UEA, b'a a aonga ni bane n ataia aomata nako n te aonnaba. Ma ngkai e rangi ni uarereke natiu te m'aane ae Toromon ao e tuai wanawana, ao n na riai moa ni katauraoi b'ain katean te Tembora ni kabane.” Ao bon anne bukina are e karaoi b'aai ni kabane iai aikai Tawita i m'aain matena.”

2.Rongorongo 13:11

A anga karea uoua te tai n te bongina ao a kabuoki b'aai ni kaboiarara nakon te UEA. A uota te kariki are e tabu nako aon te taibora aika a tia ni kaitiakaki, ao a kaurai taian taura ni kaintaura are te koora ni katoa bong ngkana e a bung taai. Ti karaoa ana mwioko te UEA ae te Atua are ko a tia n tannako mai rouna!

2.Rongorongo 2:1

E iangoia Toromon b'a e na katea te Tembora are E na tataromauriaki iai te UEA, ao e na katea naba ae bon ana bareti.

Neemia 10:33

Ti karaoa aei i bukin boon te kariki are e tabu ao ai uana naba ma te karea are b'ain te bong koraki ao te karea ae e okoro n aron ake a kareanaki n te Taabati ao i nanon naba te Toa ae Moan Otin Nam'akaina ao taian toa naba ake tabeua. E na riki naba b'a boon te karea i bukin kab'araan buure ao taian kabanem'ane i bukin taromaurian te Atua n te Tembora.

Taian Areru 86:8

Te UEA, akea te atua temanna ae ai arom, Ao akea i buakoia ae e a tia ni karaoa are Ko a tia ni karaoia.

Taian Areru 96:4

B'a E kakannato te UEA, ao E riai n rangi ni kamoamoaki; E na makaki riki nakoia anti ni kabaneia.

Te Otinako 25:30

E na riai ni kaawakinaki te taibora i nanon te tabo are e rangi n tabu, ao a na katokaaki naba i aona taian kariki.

Te Otinako 30:7

Man te bong aei, ngkana e karaoa tabena Aaron i bukin te taura ni katoa ingabong ke tairiki,

Taeka n Rabakau 7:20

E uoti ana m'ane aika a m'aiti, ao e aki konaa ni waekoa n okira te auti i m'aain nuukan te nam'akaina.”