2.Rongorongo 15:8 - Te B'aib'ara

⁸ Ao Ata, ngke e ongo naba ngkekei ana taeka Ataria are te burabeti, ao e anga ana taeka i bukin taian bouannanti ni kabane ake i Iuta ao Beniamin b'a a na uruakaki, n ikotaki ma ake n te kaawa ake a tia n reke i rouna n te aba are Eberaim. E bon manga onob'aia naba ana baonikarea te UEA are e mena i matan kamanin te Tembora.

2.Rongorongo 15:8 ပူးပေါင်းရင်းမြစ်များ

1.Uea 11:5

Ao Toromon E tataromauria te anti te aine are Nei Atitoreta are antin Titon, ao Mirekom are antiia kaain Ammon ae e rangi n ribaaki.

1.Uea 11:7

E karaoi taian baangota Toromon i aon te tabuki are i mainikun Ierutarem i bukin taromaurian Kemoti are antiia kaain Moaaba ae e rangi ni kam'araa, ao Moreka are antiia kaain Ammon ae e rangi ni kam'araa.

1.Uea 15:9

Ao e a manga uea Ata i aon Iuta n ana kauangaun n ririki n uea, ao n tautaeka Ieroboam aon Iteraera,

2.Uea 16:14

I mwiina, ao e a kam'awa te baonikarea are te buraati, b'a e aonga n roko raoi te baonikarea are e boou i matan ana Tembora te UEA.

2.Uea 18:22

E mwiokoa ngkai te UEA ae Atuami Etekia? E bon tuai kab'akai taiani baonikarea ni kabane, ao ni katuka are ana Baonikarea te UEA. E bon aki naba tuangiia aomatan Iteraera ma Iuta b'a a na taromauri n te tabo ane ti teuana anne.”

2.Uea 23:13

I mwiin anne, e kaini taiani baangota ake e karaoia ngkoa Toromon i mainikun Ierutarem ao i meangin te Tabuki are Mate i bukin karinean Nei Atiterota are antiia kaain Titon ae e rangi n ribaaki, ao Kemoti are antiia kaain Moaaba ae e rangi n ribaaki, ao Mirekom are antiia kaain Ammon ae e rangi n ribaaki.

2.Rongorongo 13:19

Ao e teimatoa Abiia ni buakaniia kaain ana taanga ni buaka Ieroboam ma n taui kaawan nako Iteraera aika Betaera, Ietiana, ao Eberon, n ikotaki ma kaawa aika a uarereke ake i rarikiia.

2.Rongorongo 17:2

E katikuia taian taanga ni buaka ni kaawan nako Iuta ake nonoaki ake a buubura, n reitaki naba ma kaawan Iuta ake tabeua ao kaawa ake i Eberaim ake a tia n reke iroun tamana are Ata.

2.Rongorongo 19:11

Te aomata are e na anga te kabanea ni motiki taeka i bukin buure ake a irekereke ma te aro bon Amaria are te ibonga ae e rietaata. Ao Tebaria, are te tia kairiiri man te baronga are Iuta boni ngaia are e mena i rouna te kabanea ni motikitaeka i aon taiani bure ni kabane ake tabeua. Ao a na m'akuri nikiraia kanoan Rewi b'a am taan buobuoki. Ko na ninikoria, ao I tataro b'a e na buokiko te UEA.

2.Rongorongo 19:4

E maeka Ieotiab'ata i Ierutarem, ma e aki toki ni m'am'ananga ri nanon abanueana, mai Beerateb'a are i maiaki nako meangin aaba ake a tabukibuki ake i Eberaim i maiaki. E maroroo ma aomata ao e tuangiia b'a a na okira te UEA ae Atuaia man taromauria, n aron are a tia ni karaoia aia bakatibu.

2.Rongorongo 29:18

ao a oki nakon Etekia ao a taku: Teuae ko karineaki, a bane ara m'akuri. E a manga itiaki te Tembora ni kabane, ao ai uana naba te baonikarea ao taiani b'ainam'arake, ao te taibora naba i bukin te kariki are e tabu ma b'ainam'arakena nako.

2.Rongorongo 4:1

Ao Toromon e tua karaoan te baonikarea ae te buraati ae 9 te miita rababana ma ab'akina ae 4 ma te iterana rietaatana.

2.Rongorongo 8:12

E anga karea Toromon nakon te UEA i aon te baonikarea are e a tia ni karaoia i matan te Tembora.

Itaia 44:14

E na rineaki man te buaka tao te aroka te tiira, te m'aiango, te oke, ke aekaki n aroka tabeua. Ke tao bon te aroka te m'aiango ae e unikaki irouia taani korobanna n te kai ao e tebotebokaki n te karau.

Itaia 65:4

A kakangainaa ni karabaia i nanon taian nangananga are nneia maate; a kang irikon taian beeki, aika a kuukanaki i nanon tioti aika a kam'araa n te kanaki.

Ieremia 16:18

N na kataboroa tuaami i bukin ami bure i bukina ngkai kam a tia ni kabuakaka te aba. Kam a tia ni kaonna n taian bouannanti aika a aki maiu kaanga maate.

Etekiera 8:10

I rinnako nanona, ao I noori taian oo aika a onrake n taamnein taiani beru ao maan aika a aki itiaki, aika maan aika a baareka, n reitaki ma taian bouannanti ake a taromauri Iteraera.

Nakoaia Ibonga 18:30

Ao e taku te UEA, “Ongotaeka nakon tuua aika I anganingkami, ao tai katotoong aia m'akuri aomata ake a maeka n te aba aei i m'aimi, ao kam na tai kam'araingkami ni karaoan are a kakaraoia. Boni Ngai te UEA ae Atuami.”

Mataio 25:16

Teuare e anganaki nimaua te tarena e aki tab'ara ma e a nako naba ni kam'akuria, ao e karekea rakana ae nimaua riki te tarena.

M'akuri 28:15

Ngke a ongo taekara taari ake i Rom, ao a roko ni butim'aira tem'angina n ana tabo ni m'akete Abia, ao tem'angina n te tabo ae aranaki b'a Auti-n-iruwa-aika-tenua; ao ngke e nooriia B'auro ao e katituaraoa te Atua, ao e kauungaki nanona i rouia.

1.Betero 4:3

Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.

Tani Motiki-taeka 10:16

Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.