2.Rongorongo 11:16 - Te B'aib'ara

¹⁶ Ma a tangiria n taromauria te UEA ae te Atua tabeman Iteraera, n aron are a tia ni karaoia aia bakatibu. Ma ngaia are, a iriia ibonga ao kanoan Rewi nako Ierutarem, ike a konaa iai n anga taiani karea nakon te UEA.

2.Rongorongo 11:16 ပူးပေါင်းရင်းမြစ်များ

1.Rongorongo 16:29

E kamimii, Neboia ao uotimai ami karea nako nanon ana Tembora. Taromauria te UEA, ae e rine man tabu.

1.Rongorongo 22:1

E taku Tawita, “E na karaoaki ana Tembora te UEA ikai n te tabo ni kaaki kun ni uita aei. Ao e na mena naba ikai te baonikarea i bukin taiani karea.”

1.Rongorongo 22:19

Ongotaeka iroun te UEA ae Atuami ma nanomi ni kabanea ao Tamneimi ni kabanea. Kam na moana karaoan te Tembora ni karineana, b'a a aonga ni konaa ni kaawakinaki ikai te Atiniberita ma b'aai ake a na kabonganaaki i bukin te taromauri ikai.

2.Rongorongo 11:17

I mwiin tenua riki te ririki, a maeka i Iuta ao a kakaonimaki nakon Reoboam ma abanueana n aron kakaonimakiia ngkoa nakon Tawita ao Toromon.

2.Rongorongo 15:12

A karaoa te berita ae e matoa b'a a na taromauriia te UEA ae te Atua are e a tia n tataromauriaki irouia aia bakatibu,

2.Rongorongo 15:15

A bane ni kukurei aomata nako i bukina ngke a tia ni karaoa te berita ae e matoa aei, ao ni kabooani mwiin anne, E kakab'aiaia te UEA n anganiia te rau mairouia aia kairiribai.

2.Rongorongo 15:9

Ao e weteia kaain Iuta ma Beniamin Ata, ao ai uana naba ma kaain te aba are Eberaim, Manate Maeao, ao Timeon ake a maeka i Iuta. Angiia aomata aikai a kakaonimaki nakon Ata, i bukina ngke a tia n nooria b'a e meemena te UEA i rouna.

2.Rongorongo 19:3

Ma ko aki buakaka ni b'aai ni kabane, b'a ko urui taiani boua aika a tabu ake a kabonganaaki i bukin taromaurian te anti are Nei Atera-are e kaotaki iai b'a ko a tia ni kataia n ongotaeka iroun te UEA.

2.Rongorongo 20:3

Ao e maaku Ieotiab'ata, ao e titirakina te UEA te b'ai ae e na karaoia. Ao i mwiina, e a tuangiia kaain Iuta b'a a na aki am'am'arake ni kaota rawaawatan nanoia.

2.Rongorongo 20:4

Ao a kawaekoaia ni kiitana ikekei nako Ierutarem i bukin buubutian te UEA buokaia.

2.Rongorongo 30:11

Bon ti tabeman aomata man baronga ake Atera, Manate Maeao, ao Teburun ake a nanorinano ma ni m'ananga nako Ierutarem.

Iobi 34:14

Ngkana E a manga anaa te ikeike ni maiu te Atua are E a tia n anga,

Taian Areru 108:1

Te Atua, e teimatoa nanou; N na anene, ao n na katituaraoiko! Uti, tamneiu!

Taian Areru 62:10

Tai onimakini ami m'akuri ni bai-tabare, Ao tai kaantaninga rekeni kab'aiami mani kurib'aiaia aomata iroumi. Ao ngkana a rikirake kaub'aimi, ao tai taku b'a e mena iai mwiokoni maiumi.

Te Otinako 9:21

Ma bon iai naba ake a aki tabe ma ana kauring te UEA ao a bon katikuia aia toro ma aia man i tinaniku.

Taniera 6:14

Ao ngke e ongo aei te uea, ao e rangi n rawaawata nanona, ao e kataia ni kakaea te anga are e na reke maiun iai Taniera. E keiaki ni kakaea ni karokoa bungintaai.

Otea 4:8

Kam kaungai nanoia tabem'aang b'a a na bure, b'a kam na konaa ni kaoningkami n aia karea ni kab'ara bure.

Akai 1:5

ao au Tembora e onrake ni b'aai aika a uruaki? Bon noora te b'ai ae e riki.

Tekaria 8:21

Kaain te kaawa teuana ana manga nakon te kaawa are teuana ao a na kaangai, “Ti nang nako ni butiia te UEA ae Moan te M'aaka b'a e akoira. Nakomai iriira.”

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

Te Tua-Kaua 12:11

Kam na kang ami b'aintangira ao ami karea

Te Tua-Kaua 32:46

ao e taku, Kam na ururinga te anene ae I a tia n reireiningkami n te bong aei. Ao e na riki b'a te b'ai n reirei nakoimi b'a kam riai ni manga reireiniia ami ataei b'a a na ongotaeka b'aai ni kabane akana m'akoro n Ana Boki n Tua te Atua.

Iotua 22:19

Ngkana kam taku b'a e aki raoiroi abami i bukin taromaurian te UEA ao e raoiroi riki ngkana kam karekei abami i buakora b'a kam aonga n taromauri n um'an te UEA ae i roura ngkai nakon ae kam na katea riki teuana bon i aon naba ikai ao bon iai baonikarean te UEA ae Atuara aei.