2.I-Tetaronike 3:6 - Te B'aib'ara

⁶ Taari, ti tuangngkami n aran ara Uea are Iesu Kristo, b'a kam na kararoaingkami mairoun te tari nako ae rawa ni kani m'akuri, ao e aki iri nanon taeka n reirei ake ti anganiia.

2.I-Tetaronike 3:6 ပူးပေါင်းရင်းမြစ်များ

Mataio 18:17

Ma ngkana e aki ongo i rouia, ao ko na taekinna nakon te ekaretia; ao ngkana e rawa n ongo iroun te ekaretia, ao atongnga b'a te ianena ao te tia anai taekiti.

I-Rom 16:17

I butingkami, taari, b'a kam na tarataraia te koraki akana eekaanako te reirei are kam reireiaki iai, b'a a karika te i raraaure iai irouia aomata; ao baika a karaoi a riki b'a b'aai ni kab'akab'aka. Kam na kararoaingkami mai rouia!

1.I-Korinto 11:2

I kamoamoaingkami, ngkai kam ururing baike I karaoi ao I reireiningkami iai, ao ngkai kam iri nanon taeka n reirei ake I a tia n anganingkami.

1.I-Korinto 5:4

Ngkana kam botaki, ao raomi tamneiu ma m'aakan ara UEA are Iesu;

1.I-Korinto 5:9

N au reta are I a tia ni koroia nako imi, ao I tuangngkami b'a kam na aki raoniia taani wene ni bure.

2.I-Korinto 2:10

Ma ane kam kab'ara ana bure, ao Ngai I kab'ara naba; b'a ane I a tia ni kab'ara, ngkana tao iai, ao I boni kab'ara i bukimi i matani Kristo,

I-Ebeto 4:17

Ma ngaia ae aei au taeka, ae I kamatoa nakoimi n reitaki ma nanon te UEA, b'a kam na tai manga katotongiia aomata aika tiaki I-Iutaia n aroni maiumi, ngkai a maiu ma aia iango aika akea bonganaia;

I-Korote 3:17

Ao b'aai ni kabane akana kam karaoi ke kam taekin a riai ni bane ni karaoaki n aran te UEA are Iesu, ao kam na katituaraoa te Atua ae te Tama i bukini Kristo.

1.I-Tetaronike 4:1

Te kabanea ngkanne: taari, ti butingkami ma ni kaungaingkami iroun te Uea are Iesu, b'a ngkai kam a tia n reirei mai roura aromi ni maiu ae riai ae kakukureia te Atua, n aron ae kam b'ainna ngkai ni maiumi, ao kam na kabatia riki karaoana ni maiumi.

1.I-Tetaronike 4:11

Kam na kataa ae kam kona b'a kam na rau, ao kam na karaoi oin tabemi; kam na m'akuri ni baimi, n ai aron are ti tuangngkami.

1.I-Tetaronike 5:14

Ao ti kaungaingkami, taari, b'a kam na reireiia akana rawa ni m'akuri, kam na kaungai nanoia akana a kai toki nanoia, kam na buokiia akana mamara, ao kam na taotaon nanomi nakoia aomata ni kabaneia.

2.I-Tetaronike 2:15

Ma ngaia ae kam na tei matoa, taari, ao kam na tauu taian taeka ake kam reireiaki iai, tao n ara taeka, ke tao n ara reta;

2.I-Tetaronike 3:7

B'a kam atai baika kam riai ni kakairi i roura iai. Akea i roura te nano n rawa ni kani m'akuri ngke ti mena i roumi,

1.Timoteo 5:21

I tuangko i matan te Atua, ma Kristo Iesu, ma ana anera te Atua, b'a ko na tou mwiini baikai ma te nano ae eti ae aki nanonano.

1.Timoteo 6:5

ma aia meremere n taai nako aomata aika babanga n iango, aika akea irouia te koaua. A taku n aia iango b'a tauan te Aro boni ngaia ae e reke mai iai te kaub'ai.

2.Timoteo 3:5

aongkoa taan taua te Aro, ma a oti ni maiuia b'a akea nanon tauan te Aro i rouia. Ko na tan nako mani baikai.

2.Timoteo 4:1

I tuangko i matan te Atua, ma Kristo Iesu, are nangi motiki taekaia akana maiu ma akana mate, ao i bukin ae E nangi roko n tautaeka b'a te Uea Ngaia:

2.Ioane 1:10

Ngkana e kawaringkami temanna ao e aki uota te taeka n reirei aei, ao kam na tai butim'aia ni karinna i nanon ami auti, ao kam na tai kamauria.