2.I-Tetaronike 3:14 - Te B'aib'ara

¹⁴ ao ngkana e aki ongeaba temanna nakon ara taeka n te reta aei, ao kam na kanikinaea, b'a kam na aki i raorao ma ngaia, b'a e aonga ni mamaa.

2.I-Tetaronike 3:14 ပူးပေါင်းရင်းမြစ်များ

Etira 9:6

ao I tataro ni kaangai: I a bon rangi ni mamaa ni kaaitarako te UEA ae te Atua. A tia n taoniira ara bure ma ara kaairua n ai aron te ieka ae e rooti taiani karawa.

Taian Areru 83:16

Te UEA, Ko na karaoa ae a na rangi ni mamaa iai, B'a a aonga n rairaki nakoim.

Taeka n Rabakau 5:13

I aki kubariia au taan reirei,

Ieremia 3:3

Ma ngaia are, I rawa Ngai ae te UEA ni kab'aka te karau n te aumeaang. Ma ko aki mamaa naba n te b'ai ae ko a tia ni karaoia kaanga te aine ae ainen matawa.

Ieremia 6:15

A riai ni mamaa n aia bure ae moan te ribaaki, ao a aki roko naba n te mainarake moaia. Ai ngaia are ngkana I katuaaea Iuta, ao a na bane n toki i aon aontano, ni mate kaanga aekaia aomata nako. Bon aei au taeka Ngai ae te UEA.

Teb'ania 3:2

E a tia n aki kan ongo iroun te UEA, ke n aki kan karin ana rerei. E a tia n aki onimakina te UEA, ma n rawa ni bubutiia buokana.

Warekaia Iteraera 12:14

Ma E taku te UEA, “E na tiku n rawawata Nei Miriam i nanon itiua te bong ngkana e a tia tamana ni katuaaea ni baawarea matana. Ma ngaia ae, ko na katikua i tinanikun te maeka i nanon itiua te bong, i m'aain okina.”

Mataio 18:17

Ma ngkana e aki ongo i rouia, ao ko na taekinna nakon te ekaretia; ao ngkana e rawa n ongo iroun te ekaretia, ao atongnga b'a te ianena ao te tia anai taekiti.

I-Rom 16:17

I butingkami, taari, b'a kam na tarataraia te koraki akana eekaanako te reirei are kam reireiaki iai, b'a a karika te i raraaure iai irouia aomata; ao baika a karaoi a riki b'a b'aai ni kab'akab'aka. Kam na kararoaingkami mai rouia!

1.I-Korinto 4:14

I aki koroi baikai b'a kam aonga ni mamaa, ma I kan reireingkami b'a kanga natiu aika tangiraki.

1.I-Korinto 5:11

Ma are I nanonna n au koroboki, b'a kam na aki raona te aomata ae atongaki b'a te tia onimaki, ao ngaia bon te tia wene ni bure, ke e mataai ni kanib'aib'ai, ke te tia taromauri bouannanti, ke te tia taetae n iowawa, ke te tia mamanging, ke te tia babakanikawai; kam na tai am'arake naba ma ngaia.

1.I-Korinto 5:9

N au reta are I a tia ni koroia nako imi, ao I tuangngkami b'a kam na aki raoniia taani wene ni bure.

2.I-Korinto 10:6

ao ti tauraoi ni karekea kain te aki ongeaba ni kabane, ngkana e a roko raoi aromi n ongeaba.

2.I-Korinto 2:9

B'a bon aei bukin are I koroboki iai ngkoa, b'a I aonga n atai baika kam na kakoauaki iai b'a kam ongeaba ni b'aai ni kabane.

2.I-Korinto 7:15

E rikirake tangirami i rouna, ngkae e uringa aromi ni kabaneingkami n ongeaba nako ina, ma aromi ni m'aneia n akoia ma te rurubenebene ni maaku.

Te Tua-Kaua 16:12

Uringnga b'a boni buure ngkoa ngkami i Aikubita, ma ngaia are, kam riai n ongotaeka nakon tuua aikai.

I-Biribi 2:12

Ma ngaia aei, ngkami aika kam tangiraki i rou, kam aki toki n ongeaba, tiaki ti ngke I mena iroumi, ma ai moa ra riki ngkai I a raroa nako mai roumi. Kam na kekeiaki m'aaka, n ruru ni maku, b'a e aonga n reke raoi kamaiuami!

I-Korote 4:16

Ao ngkana e a tia ni warekaki te reta aei i buakomi, ao kam na karekea ae e na manga warekaki naba n te ekaretia i Raorikeia; ao kam na wareka naba te reta are e na reke i roumi mai Raorikeia.

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

2.I-Tetaronike 3:6

Taari, ti tuangngkami n aran ara Uea are Iesu Kristo, b'a kam na kararoaingkami mairoun te tari nako ae rawa ni kani m'akuri, ao e aki iri nanon taeka n reirei ake ti anganiia.

Tito 2:8

ao kamanenai taeka aika oin taeka aika a na aki konaki ni kabuakakaki; b'a e aonga ni mamaa te kairiribai iai, ngkai akea te bae buakaka ae e na taekinira iai.

Tito 3:10

Ao i bukin te aomata ae karika te i raraaure n iango irouia aomata, ko na aki manga tabe ma ngaia ngkana ko a tia ni kauoua reireiana;

Biremon 1:21

I koroboki nako im ma te aki nanokokoraki b'a ko na boni karaoi baika I taekin, ao I ataiko b'a ko na boni karaoa ae bati riki nakon ae I tuangko.

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

2.Ioane 1:10

Ngkana e kawaringkami temanna ao e aki uota te taeka n reirei aei, ao kam na tai butim'aia ni karinna i nanon ami auti, ao kam na tai kamauria.