2.I-Tetaronike 2:8 - Te B'aib'ara

⁸ ao i mwina ngkanne, e na kaotaki teuare te tia ri aon te tua, are e na kamateaki iroun te Uea are Iesu n ikeni wina, ma ni kamaunaki ni mimitongin rokona.

2.I-Tetaronike 2:8 ပူးပေါင်းရင်းမြစ်များ

2.Tamuera 23:7

ma a kabuokaki ni nneia n te kainiwai ae e kakang.

Iobi 4:9

ao a ukaki nako n ikeiken unin te Atua.

Taian Areru 18:15

Te UEA, ngke Ko boaiia aiam, ngke e korakora angini b'airim n unim i rouia, Ao e oti aontanon nanoni marawa, Ao a oti naba aan aonnaba.

Itaia 11:4

E na karaoaki raoi te eti ma te riai nakoia aomata aika a maiu ni kainano ao a tangira buokaia. Ana riki ana taeka b'a taian tua i aon te aba ni kabutaa, ao a na bane n tiringaki taani bure.

Itaia 30:28

E katinakoa ikeikena b'a te ieka are e iabuti rake nakon te roroa. E raumeaia botannaomata ao e kamaunaiia. Ao e kaaki taian bwe ni kairiiri i nanoni wiia ianena ni kabane ao e kairiia nakon te kabuanib'ai.

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Taniera 7:25

E na taetae n eekaanako te Atua ae Moan te M'aaka, ao e na karawawataia ana Aomata te Atua. Ao e na kataia ni bita tuan ma botakin aia aro, ao a na mena ana Aomata te Atua i aani m'aakana i nanon tenua ma te iterana te ririki.

Taniera 7:26

Ao e na waaki te motikitaeka i karawa, e na anaa m'aakana ma ni kamaunaa teuanne n akea nikirana.

Taniera 8:25

A nanakoraoi ana m'akuri nako ni mamanibuaka, i bukina ngke bon te aomata ae te tia kam'ane ngaia. E kamoamoa i aon rab'atana, ao e tiringiia aomata n akea te katauraoi. E na boni kaitaraa naba te UEA are e korakora i aon b'aai ni kabane, ma e na bon tiringaki, tiaki ni bain te aomata.

Otea 6:5

Ao bon anne bukina ngkai I tiringkami n te tai ae ti teuana n taian taeka rinanoia burabeti. Ao anne naba bukina ngkai e ura au motikitaeka kaanga taai n te ingabong.

Mataio 13:19

Ngkana e ongo taekan Uean te Atua te aomata ao e aki ata nanona, ao e roko iai teuare buakaka n anaa are e a tia n unikaki i nanona; aei te koraa are unikaki ri rarikin te kawai.

Mataio 13:38

Nnen aroka bon te aonnaba; ao uaa ake a raraoi bon aomata aika kaain Uean te Atua; titania bon te koraki ake ana aomata teuare buakaka,

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Mataio 16:28

E koaua ae I a tuangngkami b'a a na aki mate tabem'aang i buakoia aika tei ikai, ngkana a tuai n nora Natin te Aomata ngkana E nako mai ma ueana.”

1.I-Korinto 1:28

E rinei b'ain aon te aba te Atua aika atongaki b'a a mangori ma n akea bonganaia, ma baika tiaki oi ni b'ai, b'a E na kamaunai baika atongaki b'a oi ni b'ai.

2.I-Tetaronike 2:3

E na tai burebureingkami temanna n te aro teuana: b'a e bon aki kona n roko te bong arei ngkana e tuai n roko moa te tai are a na ekaanako iai te Atua aomata aika bati, ao ngkana e tuai ni kaoti teuare buakaka, are kanan te mate.

1.Timoteo 6:14

b'a ko na rangi n ongotaeka nakoni baike ko a tia n tuangaki, ma ni kakaonimaki nako iai ni karokoa rokon ara Uea are Iesu Kristo;

2.Timoteo 1:10

ma ngkai, e a kaotaki nako ira n rokon ara Tia Kamaiu are Iesu Kristo, are kamaunaa te mate, ao E kaota te maiu ma te aki-mka n te euangkerio.

2.Timoteo 4:1

I tuangko i matan te Atua, ma Kristo Iesu, are nangi motiki taekaia akana maiu ma akana mate, ao i bukin ae E nangi roko n tautaeka b'a te Uea Ngaia:

2.Timoteo 4:8

Ao iai ngkai te kaniwanga i bukini karaoan nanon te Atua are e kawakinaki i buku, are te kaniwanga n tokanikai are E na anganai te Uea ae te Tia Motiki-taeka ae b'ab'aina te eti; ao tiaki ti ngai n anganaki, ma a na anganaki naba aomata ni kabaneia aika tangira kaotina.

Tito 2:13

ngkai ti tataninga te bongi ni kab'aia are ti kaantaningaia b'a e na roko ngkana e kaoti mimitongin Atuara ae kakannato ma te Tia Kamaiu are Iesu Kristo.

Ebera 10:27

ma ti te tiku ma te maaku n tataninga rokon te motikitaeka ma te ai ae ura m'aka, ae na kamaunaia ana kairiribai te Atua.

1.Ioane 2:13

Taama, I koroboki nako imi, ngkai kam ata Teuare bon iai ma ngke a tuai ni karikaki b'aai. Rorobuaka, I koroboki nako imi, ngkai kam a tia n tokanikai i aon teuare buakaka.

1.Ioane 3:12

ao ti na aki katotonga aroni Kain are mairoun teuare buakaka, ngke e kamatea tarina. Ao e aera ngke e kamatea? B'a kioina ngke a bubuaka ana m'akuri, ao a raraoi ana m'akuri tarina.

1.Ioane 5:18

Ti ataia b'a ane bungiaki mairoun te Atua e aki bure; ma Teuare bungiaki mairoun te Atua E kawakinna, ao akea te kabuanib'ai ae na riki nako Ina mairoun teuare buakaka.

Te Kaotioti 1:16

ao e tau itoi aika itiua i nanoni baina are ataina, ao e oti nako mai wina te kabaang ae kakang ae uaitera wina; ao taraan ubuna ai aron taai ae korakora riringana.

Te Kaotioti 13:5

Ao e anganaki te man arei te kona n atongi taeka ni kainikatonga ma taeka ni bakanatua; ao e anganaki te m'aaka ni karaoa ae e kani karaoia abwi ma uoua te nam'akaina.

Te Kaotioti 19:15

Ao e oti nako mai wina te kabaang ae kakang, b'a E na oreia botannaomata iai, ao E na tauu taekaia ni kairiia ma te matoa; ao E na toutoua aon nen taonani kureebe are ana b'ai korakoran unin te Atua are Moan te M'aaka.

Te Kaotioti 2:16

Ma ngaia ae ko na raira nanom; ao ngkana ko aki, ao ae N na waetata n nako im, ao N na buakaniia n te kabaang are oti nako mai wiiu.

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.