2.I-Tetaronike 2:13 - Te B'aib'ara

¹³ Ma e riai b'a ti na katituaraoa te Atua n taai nako i bukimi, taari, akana kam tangiraki iroun te Uea. I bukina b'a E a tia n rineingkami te Atua b'a moan aomata ake a ana kamaiuaki ni m'aakana iroun Tamneina are Raoiroi b'a kam aonga n Raoiroi, ao ni kaaki ami onimaki n te koaua.

2.I-Tetaronike 2:13 ပူးပေါင်းရင်းမြစ်များ

Karikani B'aai 1:1

Ngke E moana te karikib'ai te Atua, ao E karika moa karawa ma aonnaba,

2.Tamuera 12:25

ao E kanakoa Natan b'a e na tuanga Tawita ni kaangai, “E na aranna te UEA b'a Ieriria.”

Taeka n Rabakau 8:23

I karikaki ngke e moan karikaki b'aai, i m'aain rikin te aonnaba, i m'aain b'aai nako.

Itaia 46:10

I a kaman taekin baika a na riki mai moana, i m'aain ae a riki. I kakoroa bukin au taeka

Ieremia 31:3

Tabeua boong aika a nako, E kaoti te UEA nako iu ao E taku: Iteraera, N na tangiriko n taai nako; bon anne bukina ngkai I aki toki n taotaona nanou ma n akoi.

Etekiera 16:8

Ngke I a manga nooriko riki, ao ko a bon tau nakon te iein. Ma ngaia are, I a rabuniko n niiniirau. Ao i mwiin anne, I karaoa au berita ae e matoa b'a bon au b'ai ngkoe ao Ngai ae te UEA ae te Atua N na kaawakiniko.

Taniera 10:11

Ao e taku te anera nako iu, “Taniera, e tangiriko te Atua. Teirake ao ongora raoi nakon te b'ai ae N na taekinna. I kanakoaki nakoim.” Ao ngke e a tia n taekina arei ao I teirake, ao I bon ruru naba.

Taniera 10:19

E taku, “E tangiriko te Atua, ma ngaia ae ko na aki raraoma ke ni maaku.” Ao ngke e a tia n taekin baikai, ao I a manga namakina riki rinin korakorau ao I taku, “Nao, tuangai b'aai ni kabane ake ko a tia n taekin, b'a ko a tia ni kakorakoraai.”

Taniera 9:23

Ngke ko a tib'a tabe ni kairoroa te Atua, ao e a kaekako naba. E tangiriko, ao ngaia ae I a roko n tuangko boon am tataro. Ao kakauongo raoi ngkana I kab'ara nanon te kaotioti.

Ruka 1:75

N te itiaki ma te raoiroi i matana i nanoni boong ni kabane ake ti maiu iai.

Ioane 1:1

Ngke a tuai ni karikaki b'aai, ao bon iai te Taeka; ao E memena iroun te Atua, ao bon te Atua te Taeka.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

M'akuri 13:48

Ngke a ongo aei aomata aika tiaki I-Iutaia, ao a kim'areirei, ao a kamoamoa ana taeka te Atua; ao a onimaki aomata ake a rineaki nakon te maiu are aki toki.

M'akuri 15:9

ao E aki kakaokoroa arora ma ngaiia, ngke E kab'arai aia bure i bukin aia onimaki.

I-Rom 6:17

Ma E na katituaraoaki te Atua, b'a ngke ana toro te bure ngkami, ma kam a tia ni kaaki i nanomi taiani koaua n reirei ake kam a tia n anganaki;

I-Rom 8:33

Antai ae iai ana taeka ni bukiniia akana rineaki iroun te Atua? Bon te Atua ae kaetiia.

I-Rom 9:11

B'a ngke a tuai ni bungiaki natina, ngke a tuai ni karaoa ae e raoiroi ke ae buakaka, ao e kaangai te taeka nakoina, “E na toro te karimoa iroun te karimwi.” E taekina aei b'a e na kaotaki iai arona n rinea te nati ae temanna b'a e nako man oin ana kaantaninga;

1.I-Korinto 1:21

B'a te Atua, n rabakauna, ao E a tia ni karaoa ae a na aki kona n ataia aomata n oin rabakauia. Ma e ngae n aei, ao E a bon tia ni baireia b'a E na kamaiuia aika onimaki n te rongorongo n nanobaba ae ti tataekinna.

I-Karatia 3:1

I-Karatia aika kam nanobaba, antai ae m'am'anaingkami, ngkami aika E kaotaki raoi taekani Iesu Kristo i matami, b'a E tauraki n te kaibangaki?

I-Ebeto 2:8

B'a kam kamaiuaki n te akoi i bukin te onimaki; ao tiaki mai roumi ae reke iai aei, ma bon ana b'ai n tituaraoi te Atua;

Te Tua-Kaua 33:12

E tangiringkami te UEA ae Moan te Rietaata, te baronga ae Beniamin. E na maeka i buakon ami tabuki ma ni kaawakiningkami.

I-Korote 1:5

i bukin te kaantaninga are e kamenaki i m'aimi i karawa; are kam ongo taekana ngke kam moa n onimakina taekan te koaua, ae bon te euangkerio,

I-Korote 3:12

Ma ngaia aei, ngkai ana aomata te Atua ngkami aika kam rineaki, aika kam itiaki ma n tangiraki, ao kam na b'aina te nano n nanoanga, te atataiaomata, te nanorinano, te nimamannei, te taotaonaki n nano.

1.I-Tetaronike 1:4

Ti ataingkami, taari, aika kam tangiraki iroun te Atua, b'a E a tia n rineingkami;

1.I-Tetaronike 2:12

Ni kaungaingkami, ma ni kabebeteingkami, ma n tuatuangkami b'a kam na b'aina te maiu ae boraoi ma nanon te Atua, ae weteingkami nako nanon ueana ma neboakina.

1.I-Tetaronike 4:7

B'a E aki weteira te Atua nakon te maiu ni kammaira, ma E weteira b'a ti na b'aina te maiu ae itiaki.

1.I-Tetaronike 5:9

B'a tiaki ana kaantaninga te Atua b'a E na kareke kaira, ma ana kaantaninga b'a ti na karekea te maiu iroun ara Uea are Iesu Kristo,

2.I-Tetaronike 1:3

Taari, ti bon riai ni katituaraoa te Atua n taai nako i bukimi, ngkae e riki rake ni matoatoa ami onimaki, ao e kabatiaki ami i-tangitangiri ni kabaneingkami.

2.I-Tetaronike 2:10

Ao e na kamanenai aaro ni m'am'anai ni kabane aika buakaka nakoia te koraki ake a nangi boni mate, i bukin aroia n rawa n anganaki tangiran te koaua are a na kamaiuaki iai.

2.I-Tetaronike 2:12

ao b'a a aonga ni bane n atongaki b'a a bure akana rawa nakon te koaua, ma a kukurei n te buakaka.

2.I-Tetaronike 2:16

ao ara Uea are Iesu Kristo ma te Atua ae Tamara are tangirira, ma n akoira n anganira kabebetean te nano ae aki toki, ma te kaantaninga ae raoiroi,

2.Timoteo 1:9

are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

2.Timoteo 2:15

Ko na kakorakorako ni kani kaotiko nakon te Atua b'a te tia m'akuri ni koaua ae ko kakoauaki i mwini kataakim, ae te aomata ae ko aki mamaamaa, ae e eti raoi am reirei i aon taekan te koaua.

2.Timoteo 3:15

ao ko ataia b'a ma ngke te merimeri ngkoe ao ko a kaman ata te B'aib'ara ae tabu, b'a e kona ni kawanawanako ma ni kairiko nakon te kamaiuaki are reke n onimakinani Kristo Iesu.

Ebera 1:10

Ao E kangai naba, “Ngkoe, te Uea, Ko kawenea aan aonnaba i m'ain rikini b'aai, ao Ko karaoa karawa ni baim.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

1.Ioane 4:10

Aio te tangira, tiaki ngke ti tangira te Atua; ma E tangirira, ao E kanakomaia Natina b'a te kareanraoi i bukin ara bure.

1.Ioane 4:19

Ti b'aina te tangira, i bukina b'a E tangirira moa.