2.I-Tetaronike 1:8 - Te B'aib'ara

⁸ ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

2.I-Tetaronike 1:8 ပူးပေါင်းရင်းမြစ်များ

Karikani B'aai 3:24

Ao i mwiina, i mainikun te nne n aroka E katikui baike a maiu aika iai baiia ni kiba ma te kabaang ae e uram'aaka i rouia, ao a uaatimaniia te tabo arei ni kabutaa n totokoia aomata ake a na kaaniia te kai are e anga te maiu.

2.Tamuera 23:7

ma a kabuokaki ni nneia n te kainiwai ae e kakang.

Taian Areru 18:44

A baraaki ni karineai aomata aika ianena; ngkana a ongo taekau, ao a ongeaba.

Taian Areru 79:6

Ko na karokoa unim i aoia botannaomata ake aki taromauriko, Ao i aoia aomata ake a aki tatataro nako Im.

Taian Areru 9:10

A na onimakiniko akana a ataa aram, ao Ko aki kitaniia akana nakoim.

Taian Areru 94:1

Te UEA, ae te Atua ae am B'ai te kareke kai; Ko na kaota unim!

Te Otinako 5:2

Ao e kaeka te uea ni kaangai, “Antai te UEA aei, ao bukin tera ngkai N na ongotaeka i Rouna? I rawa ni kanakoi ngkami ma ami aomata!”

Itaia 1:19

Ngkana kam kukurei n ongotaeka irou, ao a na reke n arokan abami taiani kabanea n tamaroa ni uaa.

Itaia 1:28

Ma a na bane ni mauna nako, koraki aika taani kaaitaraa aika taani bure, aika a kamangao, Ngai te UEA.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Itaia 61:2

Aio te ririki are e E na kaota iai ana nanoanga nakoira te UEA ae te Atua ni katuaaia ara kairiribai nako. E a tia ni kanakoai te UEA b'a N na karaunanoia aika a tang,

Ieremia 10:25

A rawa ara kairiribai n atongko b'a te Atua ke n taromauriiko. A a tia ni kamaunaia ara aomata ao a katuka ara botannaomata b'a te b'ai ae e wene n urubekebeke. Ma ngaia ae Ko na un irouia ao kakioia nako!

Ieremia 9:6

A bane aomata n aonikaiia raoia nako ao bon akea temanna i buakoia ae kakoauaai b'a te Atua Ngai.

Taniera 7:10

ao e raanga nako te ai mai iai. Ao iai ngaa n aomata aika a m'akuri i bukina, ao mirion aika a tei i matana. Ao e moanaki te kabowi ni motikitaeka, ao a kaukaki taiani boki.

Teb'ania 1:6

N na kamaunaia ake a tia n oki ma a aki irai, ake a aki nako iu man rawa n taubeakinaki Irou.

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Mataio 25:46

Ao e taku Iesu, “Ane a na bane n nako nakon reken te kai are aki toki. Ma ake a raoiroi a na nako nakon te maiu are aki toki.”

Ioane 3:19

Ao aio te b'ai ae e motikaki taekan te aba iai: b'a e a roko te oota i aon te aba, ao aomata a tangira riki te roo nakon te oota, i bukina ngkai a bubuaka aia m'akuri.

Ioane 8:19

A taku ngkanne nakoina, “E nga Tamam?” E kaekaia Iesu ao E taku, “Kam aki ataai ao kam aki ata naba Tamau.”

M'akuri 6:7

E buta nako ana taeka te Atua, ao a bati riki ake a ongo ao a onimaki: a kabatiaki m'aitiia aomata ake a onimaki i Ierutarem, ao a m'aiti aia koraki ibonga ake a butim'aea taekan te euangkerio.

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

I-Rom 1:5

Boni Ngaia are ti anganaki mai Rouna te kona n riki b'a taan tuatua i bukin arana, b'a a aonga n onimaki ma n ongeaba botannaomata ni kabaneia.

I-Rom 10:16

Ma a aki bane aomata n ira nanon te euangkerio. B'a e kaangai Itaia, “Te UEA, antai ae onimakina ara rongorongo?”

I-Rom 15:18

B'a N na ninikoria n taekina te baere E a tia ni karaoia Kristo i rou n au taeka ma au m'akuri i bukini kairaia aomata aika tiaki I-Iutaia, b'a a aonga n ongeaba nakon te Atua.

I-Rom 16:26

ma, ngkai, e a tia ni kaotaki, ao e a ataaki irouia botannaomata ni kabaneia ri nanon aia boki burabeti n ai aron are E tua te Atua b'a e na koreaki, b'a a aonga n onimakinna ma n ongeaba i rouna.

I-Rom 6:16

Kam aki ataia b'a ane kam anga ngkami nakoina b'a ana toro n ongeaba i rouna, ao bon ana toro iai ngkami ngkai kam ongeaba i rouna, b'a tao te bure are e mate te aba iai, ke tao te ongeaba are e reke mai iai kaetan arora n reitaki ma te Atua?

1.I-Korinto 15:34

Kam na b'aina te iango raoi, ao tai bure; b'a iai tem'angina i buakomi aika aki ata te Atua; ao I taekina aei b'a kamamaaeami.

2.I-Korinto 10:5

ma aaro ni kainikatonga nako aika tutuki man ataakin te Atua; ao ti kataenikai naano ni kabane b'a a na ongo irouni Kristo;

I-Karatia 3:1

I-Karatia aika kam nanobaba, antai ae m'am'anaingkami, ngkami aika E kaotaki raoi taekani Iesu Kristo i matami, b'a E tauraki n te kaibangaki?

I-Karatia 4:8

Ma kam aki ata te Atua ngkekei, ao kam toro irouia baika iai m'akaia aika tiaki atua;

Te Tua-Kaua 32:35

A na reke kaiia ara kairiribai n te tai ae aki maan ao ane a na karina ni marannako ao e na waekoa n taorimwiiaki n te kabuanib'ai ae korakora.

Te Tua-Kaua 4:11

E katobibiaki te Maunga are Tinai n te nang ae matenten ae roro, ao e birirake te ai nako karawa. Ao kam nako oin te Maunga,

Te Tua-Kaua 5:5

ma kam maaku n te ai, ao kam rawa n tam'arakea te maunga. Ma ngaia are, I a taetae ma te UEA i bukimi, ao i mwiina, I a manga tuangngkami baike E taekin nako iu ao I kaangai:

1.I-Tetaronike 4:5

ma tiaki n te aro ni kaitataan ni kaib'ab'aru n ai aron ae noraki irouia aomata aika tiaki I-Iutaia aika aki ata te Atua.

Ebera 10:27

ma ti te tiku ma te maaku n tataninga rokon te motikitaeka ma te ai ae ura m'aka, ae na kamaunaia ana kairiribai te Atua.

Ebera 10:30

B'a ti ata Teuare kangai, “Au b'ai te kareke kai; N na kabobo Ngai”; Ao manga aio: “E na motiki taekaia ana botannaomata te Uea.”

Ebera 11:8

I bukin ana onimaki Aberaam, ao e ongeaba ngke e weteaki iroun te Atua, ao e nako n te tabo are e na anganaki b'a abana; ao e m'ananga n aki ata ike e na nako iai.

Ebera 12:29

b'a Atuara ai aron te ai ae kamamate.

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;

Ebera 5:9

ao ngke E a bobonga raoi arona, ao E riki iai b'a te tia karika te maiu are aki toki nakoia ni kabaneia aika ira nanona;

1.Betero 1:2

akana rineaki n ai aron nanon ma ana baire ma ngkoangkoa te Atua ae te Tama, ao a katabuaki maiuia iroun te Tamnei b'a ana b'ai te Atua, b'a kam na ongeaba iroun Iesu Kristo ma ni kaitiakaki n raraana. A na kabatiaki nakoimi te akoi ma te raoi.

1.Betero 3:6

n ai aron Nei Tara ngke e irira nanon Aberaam, ao e atoatongnga b'a ana toka. Ao kam a riki b'a natina ngkami, ngkana kam kakaraoa ae e raoiroi, ma n aki mamaku n te b'ai teuana.

1.Betero 4:17

B'a e a roko te tai ae na moanaki iai te motiki-taeka mairouia ana aomata te Atua; ao ngkana e moanaki mai roura, ao e na tera mwina nakoia akana aki ira nanon ana euangkerio te Atua?

2.Betero 3:7

Ma karawa ma aon te aba aika iai ngkai a kawakinaki naba n ana taeka te Atua b'a kanaan te ai. A kawakinaki ni karokoa te bong are a na motikaki iai taekaia aomata aika akea reitakiia ma te Atua ao a na kamateaki.

Iuta 1:7

n ai aroia kaain Totom ma Komora ma kaawa ake i rarikiia, ngke a kitan aroia ake a katauaki iai n ai aroia anera akekei, ao a karaoi aaro ni kammaira aika bobuaka ma te iango; ao a riki b'a te b'ai n reirei nakoia aomata ni kabaneia, ngkai a reke kaiia n te ai ae m'aka are akea tokina.

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 6:10

ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”

1.Tamuera 2:12

Bon taian ibonga natin Eri ake m'aane, ma a aki ongotaeka, ao aki kakaonimaki nakon te UEA.