2.I-Tetaronike 1:5 - Te B'aib'ara

⁵ E a kaotaki ni baikai b'a e eti ana moti te Atua b'a kam aonga n atongaki b'a kam tau n anganaki Uean te Atua, are kam b'ainikirinaki i bukina.

2.I-Tetaronike 1:5 ပူးပေါင်းရင်းမြစ်များ

Iobi 8:3

E bon aki kona ni minota te eti te Atua; E aki kona ni b'aka man karaoan te raoiroi.

Taian Areru 111:7

E kakaonimaki n arona nako ao E b'ab'aina te eti; A onimakinaki ana taeka ni bane.

Taian Areru 33:5

E tatangira te raoiroi ma te kaetitaeka ae riai te UEA; ana Tangira ae teimatoa e kaona aonnaba.

Taian Areru 50:6

A kaotiota raoiroin te Atua taiani karawa: B'a bon te tia motiki-taeka Ngaia.

Taian Areru 72:2

B'a e aonga n tautaekaniia am Botannaomata n te eti, Ao n tau aroia am Aomata akana b'ainikirinaki n te babaire ae raoiroi.

Taian Areru 99:4

Te Uea ae Ko korakora, Ko tangira te eti b'a e na karaoaki; Ko a tia ni kawenei am Babaire i bukini karaoan te kaetitaeka ae e raoiroi i buakoia Iteraera;

Ieremia 9:24

Ngkana kam tangiria ni kamoamoaingkami, ao kam iango raoi riki ngkana kam kamoamoaa taromauriakiu, Ngai ae te UEA. Te b'ai ae I tangiria riki bon kaotan te akoi te motikitaeka ae eti, ao te nanoanga nako ia aomata ni kabane n te aonnaba.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Ruka 20:35

ma aomata ake a katauaki b'a a riai ni kaaina te roro ae na roko, ao ni manga uti ngkana a tia ni mate, a aki mare ake mm'aane ao a aki naba ake aine.

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

M'akuri 13:46

Ao a taetae ma te ninikoria B'auro ma B'arenaba ni kaangai, Bon te b'ai ae riai taekinani moa ana taeka te Atua nakoimi. Ma ngkai kam rawa iai, ma ni baireia n ami iango b'a kam aki riai n anganaki te maiu are aki toki, ao noria, ti nangi nako ni kawariia aomata aika tiaki I-Iutaia.

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

I-Rom 8:17

Ao ngkana natina ngaira, ao bon taani b'aib'ai naba ngaira-taani b'aib'ai iroun te Atua, ao taan uaia ni b'aib'ai naba ma Kristo; b'a ngkai ti b'ainikirinaki ma Ngaia, ao ti na neboaki naba ma Ngaia.

I-Ebeto 4:1

Ma ngaia ae I butingkami, ngai ae I kabureaki i bukin te UEA, b'a kam na karaoi baika boraoi ma nanon te weteaki are kam weteaki nako iai:

I-Biribi 1:28

ao kam na tai maku n te b'ai teuana irouia ake a ekingkami nako. Aromi aei bon te b'ai ni kakoaua nakoia b'a a na boni konaaki, ao nakoimi b'a kam na bon tokanikai, b'a te baei boni mairoun te Atua.

I-Korote 1:12

ao b'a kam na katituaraoa te Tama, are karaoingkami b'a kam na tau ni karekea tib'angami n te baere E a tia ni kawakinna te Atua b'a aia b'ai ana aomata aika itiaki ake n te oota.

1.I-Tetaronike 2:14

Taari, kam riki ni katotongiia ana ekaretia te Atua i Iutaia, aika ana aomata Kristo Iesu, i bukina b'a kam a tia ni b'ainikirinaki naba irouia ami aomata ni baika ti te bo aroia ma ake a b'ainikirinaki iai irouia I-Iutaia;

2.I-Tetaronike 1:11

Anne bukin ae ti aki toki iai n tataro i bukimi, b'a E na karaoingkami Atuara b'a kam na tau nakon te maiu are E a tia ni weteingkami nako iai b'a kam na b'ainna; ao E na kabongana m'aakana ni kakororaoa nanomi n tangira te raoiroi, ma ni katiai baika kam karaoi i bukin ami onimaki;

2.Timoteo 2:12

Ngkana ti taotaon nanora, ao ti na uaia n tautaeka ma Ngaia; Ngkana ti kakeaa, ao E na manga kakeaira naba;

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

Te Kaotioti 16:7

Ao I ongo te b'anaa man te baonikarea, b'a e kaangai, “Eng, te Uea ae te Atua, ae Moan te M'aaka, a koaua am moti ao a eti.”

Te Kaotioti 19:2

b'a a koaua ana moti ao a eti. E a tia ni motika taekan te kabekaau are rangi n atoatongaki taekana, are te kabekaau are kam'araea te aba n ana wene ni bure; ao E a tia ni karekea kaina i bukina ngke e kamateia ana toro.”

Te Kaotioti 3:4

Ma iai araia tem'angina i roum ikanne i Tareteiti ake a tuai ni kabaarekai kunnikaia: a na nakonako ma Ngai ni kunnikaiia ni kunnikai aika mainaina, b'a a bon tau.