2.I-Tetaronike 1:10 - Te B'aib'ara

¹⁰ ngkana E roko te bong arei b'a E na neboaki irouia ana aomata aika itiaki, ma ni kamoamoaki irouia aika onimaki. Ngkami naba i buakoia, i bukina ngkai kam a tia ni kakoaua te rongorongo are ti taekinna nako imi.

2.I-Tetaronike 1:10 ပူးပေါင်းရင်းမြစ်များ

Taian Areru 68:35

Te Atua, Ko kakamaaku n rokom man am Tabo are Tabu Atuaia Iteraera! E anga te korakora ma te m'aaka nakoia ana Aomata. Kam na neboa te Atua!

Taian Areru 89:7

E korakora makakim irouia kaain te kauntira i karawa; Ko kakamaaku nakoia ake a mena i rarikim.

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 43:21

I karikiia b'a oin au botannaomata, b'a a aonga n neboai.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 49:3

E taku te UEA nako iu, Iteraera, bon au tia m'akuri ngkoe; N na bon rangi ni karineaki i bukim.”

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Maraki 3:17

Ao e taku te UEA ae Moan te M'aaka: Kam rangi ni boongana irou ngkami aika aomata, ao N na bon tei i bukimi ngkana I roko n uota te motikitaeka ae eti, kaanga kaaro ngkana a kaawakiniia natiia aika a ongotaeka.

Warekaia Iteraera 23:23

Bon akea te tabunea teuana ae kona n totokoia. Bon noora te b'ai ae E a tia ni karaoia te Atua nakoia Ana aomata.

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Mataio 16:28

E koaua ae I a tuangngkami b'a a na aki mate tabem'aang i buakoia aika tei ikai, ngkana a tuai n nora Natin te Aomata ngkana E nako mai ma ueana.”

Mataio 24:36

Ma akea ae ata rokon te bong arei, ma te aoa arei, ao a aki ataia naba anerani karawa; ao E aki ataia te Nati, ma ti te Tama ae ataia.

Mataio 25:31

Ngkana E roko Natin te Aomata ma mimitongina, ma anera ni kabaneia i rarikina, ao ane E na tekateka i aon ana kaintokanuea ae mimitong.

Mataio 7:22

Ane a na kangai nako Iu aomata aika bati n te bong are E na motiki taekaia iai aomata te Atua, Te Uea, te Uea, tiaki ti taetae ni burabeti n aram? Ao tiaki ti kanakoia taimonio n aram? Ao tiaki ti karaoi m'akuri aika kamimii n aram?

Ruka 10:12

I tuangngkami b'a e bebete riki te rekenikai are e na reke nakoia I-Totom nakon are e na reke irouia kaain te kawa arei n te bongi ni motikitaeka!

Ioane 11:4

Ngke E ongo Iesu, ao E taku, “Tiaki te aoraki ae e na mate iai te aomata, ma e riki aei i bukin neboan te Atua, ao b'a E aonga n neboaki iai Natin te Atua.”

Ioane 17:10

Am b'ai au b'ai ni bane, ao au b'ai am b'ai; ao I neboaki i rouia.

1.I-Korinto 1:6

N ai aron naba are e a tia n unikaki raoi taekan Iesu i buakomi.

1.I-Korinto 3:13

ao ane e na noraki mwin ana m'akuri temanna ma temanna b'a aekara n te bong arei: b'a e na kaotaki n te ai are na katai aia m'akuri nako b'a ua ra.

I-Karatia 1:24

Ao a neboa te Atua i bukin te baere E a tia ni karaoia i rou.

I-Ebeto 1:12

b'a ti aonga ni kamoamoa mimitongina, ngaira aika ti moa n onimakina Kristo.

I-Ebeto 1:14

Ngkai ti anganaki te Tamnei ao ti aki nanokokoraki b'a a na bon reke iroura baike E a tia te Atua n taekin b'a E na anganiia ana aomata; ao n tokina E na anganiia ake ana b'ai te kainaomataaki man te bure, b'a e aonga ni kamoamoaki mimitongina.

I-Ebeto 1:18

ngkai a kaotaki matan nanomi b'a kam aonga n ataia b'a tera te kaantaninga n ana weewete, tera te kab'aia ae bati ae kamimii arona, are E na anganiia ake a itiaki;

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

I-Ebeto 2:7

b'a E aonga ni kaotia nakoia rooro ma rooro aika na roko aron ana akoi ae akea n ai arona ni kaub'aina, n ana ataataiaomata nako ira, irouni Kristo Iesu.

I-Ebeto 3:10

b'a e aonga ni kaotaki n te ekaretia rabakaun te Atua ae a bati arona nakoia uea ma ake a korakora i karawa,

I-Ebeto 3:16

b'a E na anganingkami mani kaub'ain arona aika kamimii, te m'aaka iroun Tamneina b'a kam aonga ni kakorakoraki n nanomi;

1.I-Tetaronike 1:5

b'a te euangkerio are ti taekinna e aki roko i roumi n ti te taeka, ma e roko naba n te m'aaka, ao iroun te Tamnei are Raoiroi, ao n te aki-nanokokoraki naba teutana; n ai aromi ngkai kam bon atai arora ni menara i buakomi i bukimi.

1.I-Tetaronike 2:1

B'a kam bon ata rinra i buakomi, taari, b'a e aki matebuaka;

1.I-Tetaronike 2:12

Ni kaungaingkami, ma ni kabebeteingkami, ma n tuatuangkami b'a kam na b'aina te maiu ae boraoi ma nanon te Atua, ae weteingkami nako nanon ueana ma neboakina.

1.I-Tetaronike 2:13

Ao aei naba bukin te bae ti aki toki ni katituaraoa iai te Atua: b'a ngke kam butim'aea ana taeka te Atua mai roura, ao kam kaki i nanomi b'a tiaki aia taeka aomata, ma n etina ni koaua, bon ana taeka te Atua ane m'am'akuri i nanomi ngkami akana kam onimaki.

2.I-Tetaronike 1:12

b'a e aonga n neboaki aran ara Uea are Iesu Kristo i roumi, ao ngkami kam na neboaki i Rouna n ai aron ana akoi Atuara ma te Uea are Iesu Kristo.

2.I-Tetaronike 2:13

Ma e riai b'a ti na katituaraoa te Atua n taai nako i bukimi, taari, akana kam tangiraki iroun te Uea. I bukina b'a E a tia n rineingkami te Atua b'a moan aomata ake a ana kamaiuaki ni m'aakana iroun Tamneina are Raoiroi b'a kam aonga n Raoiroi, ao ni kaaki ami onimaki n te koaua.

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

2.Timoteo 1:12

ao aei bukin ae I maraki iai i bukini baikai. Ma I aki mamaa, b'a I ata Teuare I onimakinna, ao I aki nanokokoraki b'a E boni kona ni kawakina te baere E a tia ni mwiokoai iai ni karokoa te bong arei.

2.Timoteo 1:18

E na reke i rouna nanoangakina iroun te Uea n te bong arei! Ao ko bon atai arona ni kabane ake e karaoi i buku i Ebeto.

2.Timoteo 4:8

Ao iai ngkai te kaniwanga i bukini karaoan nanon te Atua are e kawakinaki i buku, are te kaniwanga n tokanikai are E na anganai te Uea ae te Tia Motiki-taeka ae b'ab'aina te eti; ao tiaki ti ngai n anganaki, ma a na anganaki naba aomata ni kabaneia aika tangira kaotina.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.