2.I-Korinto 9:8 - Te B'aib'ara

⁸ Ao E kona te Atua ni kabati b'aai n akoi ni kabane nako imi, b'a e aonga n reke i roumi n tai nako te toronib'ai ni b'aai ni kabane, b'a kam aonga ni kabati m'akuri nako aika raraoi;

2.I-Korinto 9:8 ပူးပေါင်းရင်းမြစ်များ

2.Rongorongo 25:9

Ao e kaeka Amatia ni kaangai, “Ao tera ae n nang karaoia n taian tirewa ake I kabooia iai kaain te taanga ni buaka aei?” Ao e taku te burabeti, “Ane e na kaoka ae e m'aiti riki te UEA nakon ane ko a tia ni kabanea ni kabooia iai tautia.”

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Taeka n Rabakau 10:22

Ngkana e kakab'aiaingkami te UEA n taiani kaub'ai, ao bon akea te b'ai ae kam na raraomaeakinna.

Taeka n Rabakau 11:24

Kam konaa n riki ni kaub'ai n te tai teuana ngkana kam ataataiaomata ke n riki ni kainano ngkana kam nanonrang.

Taeka n Rabakau 28:27

E na kaawakiniko man te maiu ni kainano te angab'ai nakoia aika a maiu ni kainano, ma ngkana ko kamatuua matam nakon kainanoia ao ane a na kamaraiako aomata ni kabane.

Taeka n Rabakau 3:9

Karinea te UEA n anganna am m'ane ao moan m'akoron uaan arokam ni kabane.

Akai 2:8

Au b'ai taian tirewa ao taian koora,

Maraki 3:10

Bon te UEA Ngai ae Moan te M'aaka, ae I kaewenakoingkami b'a kam na kataai. Uoti mai ni kabane taiani kabwianib'ai nakon te auti n am'arake, b'a e aonga n reke te am'arake n au auti. Ao i mwiina, N na kauki wintoon karawa ma ni kaonrakeingkami n te kab'aia teuana ma teuana.

M'akuri 9:36

E mena i Iobe te aomata temanna ae te tia onimaki, ae arana Nei Tabita. (ke Nei Toreka n te Taetae n Erene). E aki toki neiei ni kakaraoi m'akuri aika raraoi, ao n i buobuokia aika kananoanga.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

2.I-Korinto 13:3

ngkai kam ukoukora te b'ai ae na kakoauaki iai b'a E taetae Kristo i rou. E aki mamara Kristo nako imi, ma E m'aaka i buakomi.

2.I-Korinto 8:19

ao tiaki ti aei, ma e a tia n rineaki naba irouia taian ekaretia b'a raora ni m'am'ananga n te m'akuri n akoi aei, ae ti tabe iai ngkai i bukin neboan te UEA, ao ni kaotira iai b'a ti kan i buobuoki.

2.I-Korinto 8:2

b'a e boni ngae ngke a kataaki n te rawawata ae bati, ao a aki kaub'ai, ma i bukin nanoia ae onrake n te kim'areirei, ao a anga ae bati ma te tituaraoi.

2.I-Korinto 8:7

A rianako aromi ni b'aai ni kabane: n te onimaki, n te taetae, n te atatai, n te nano ae korakora ni kan i buobuoki, ao n ami tangira i bukira; ao taraia b'a e na rianako naba aromi n te m'akuri n akoi aei.

2.I-Korinto 9:11

Kam na kaub'ai ni b'aai nako b'a kam aonga n teimatoa n aromi n tituaraoi n tai nako, b'a a aonga ni bati aomata aika na katituaraoa te Atua i bukin ami b'ai n akoi aika karekei mai roura.

I-Ebeto 2:10

B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

I-Ebeto 3:20

Ao nakon Teuare kona ni karaoi b'aai aika moan te bati aika m'aiti riki nakoni b'aai aika ti bubuti ma n ururing, n ai aron te m'aaka ae m'am'akuri i nanora:

I-Biribi 4:11

I aki taekina aei i bukini kain nanou: b'a I a tia n rabakau arou ni katau b'aai ni kabane aika riki nako iu.

I-Korote 1:10

b'a kam aonga ni karaoi baika boraoi ma nanon te UEA, aika E na kukurei iai, n aromi ni karaoi m'akuri nako aika raraoi; ao b'a kam aonga n ata riki aron te Atua,

2.I-Tetaronike 2:17

E na kaninikoriai ma ni kateimatoai nanomi ni m'akuri ni kabane aika raraoi, ma taeka nako aika raraoi.

2.Timoteo 2:21

Ma ngaia aei, b'a te aomata ane kaitiakia mani baike a buakaka, ao e na riki b'a ai aron te m'angko are b'ain te botaki ae kakannato. E na katabuaki maiuna b'a ana b'ai ana Toka, ao e na kakukureia nanon ana Toka. E a tauraoi ni kabonganaki i bukini m'akuri nako aika raraoi.

2.Timoteo 3:17

b'a e aonga ni konab'ai ma ni bobonga raoi nakoni karaoani baika raraoi ni kabane ana aomata te Atua.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Tito 3:14

A reireiaki ara aomata b'a a na kakaraoi m'akuri aika raraoi, b'a a aonga ni buoki kainnano aika riai, ao n te aro aei a bongana iai aia tai.

Tito 3:8

E koaua te taeka aei. I tangiriko b'a ko na karokoraoa aron taekinani baikai, b'a a aonga akana onimakina te Atua n tarataraia b'a a na kakaraoi m'akuri aika raraoi, aika raoiroi ma ni bongana i bukiia aomata.

1.Betero 4:10

Ngkai kam anganaki b'aai n tituaraoi n tatabemaningkami nako, ao kam na kamanenai i bukin temanna ma temanna, n ai aroia touati aika raraoi n ana b'ai n akoi aika kakaokoro te Atua: