2.I-Korinto 9:15 - Te B'aib'ara

¹⁵ E na katituaraoaki te Atua i bukin ana b'ai n tituaraoi are aki konaki ni kab'arab'araaki arona.

2.I-Korinto 9:15 ပူးပေါင်းရင်းမြစ်များ

1.Rongorongo 16:35

Kam na kaangai nakoina, “Kamaiura, te UEA ae te Atua! Kaokiira mai buakoia taiani botannaomata. Ti na bukamaru man takaarua n neboa arana ae e tabu.

1.Rongorongo 16:8

Neboa te UEA ao tataro n arana! Tuangiia aomata nako b'aai ake E a tia ni karaoi.

Taian Areru 30:12

Ma ngaia ae N aki kainab'aabu, Ma N na anenea karaoiroam, Ngkoe ae te UEA ae Atuau. N na anganiko kamoamoaam n aki toki.

Taian Areru 30:4

Kam na anene nakon te UEA, ngkami aika ana Aomata aika kakaonimaki; Uring baika E a tia ni karaoi, ao katituaraoia.

Taian Areru 92:1

Ai raoiroira te katituaraoiko, te UEA, ao te anenea karaoiroan aram, Ngkoe ae Ko Moa n Rietaata,

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

Ruka 2:38

E nako neiei n tei i rarikin Ioteb'a ma Nei Maria n te aua naba arei, ao e katituaraoa te Atua, ao e tataekina aron te teei nakoia aomata ni kabaneia ake a kantaninga kamaiuaia Iteraera.

Ioane 1:16

Man onrakena n te akoi ma te koaua, ao ti a karekea iai te akoaki teuana i mwin te akoaki teuana.

Ioane 3:16

B'a E tangira aonnaba te Atua n te aro are E anga natina ae te rikitemanna iai, b'a e aonga n aki mate ane onimakinna, ma e na reke i rouna te maiu are aki toki.

I-Rom 5:15

Ma te aki-ongeaba nakon te tua bon tiaki ti te bo arona ma te b'ai n tituaraoi. B'a ngkai a bati aika mate i bukin ana aki-ongeaba temanna nakon te tua, ao e a m'aiti riki ana akoi te Atua ma te b'ai n tituaraoi are reke n ana akoi te Aomata ae ti temanna are Iesu Kristo, nakoia ake a bati.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

1.I-Korinto 15:57

Ma E na katituaraoaki te Atua, are anganira te tokanikai iroun ara UEA are Iesu Kristo.

2.I-Korinto 2:14

Ma e na katituaraoaki te Atua, are Ngaia ae aki toki ni kairira irouni Kristo n te m'aati n tokanikai; ao E kabonganaira ngaira aika taani kabuta ataakini Kristo nakon taabo nako b'a kanga ai aron te boi ae boiarara.

2.I-Korinto 9:11

Kam na kaub'ai ni b'aai nako b'a kam aonga n teimatoa n aromi n tituaraoi n tai nako, b'a a aonga ni bati aomata aika na katituaraoa te Atua i bukin ami b'ai n akoi aika karekei mai roura.

2.I-Korinto 9:14

ao ngaiia a tataro i bukimi ao a noringkami, i bukin ana akoi te Atua ae rangi ni bati i aomi.

I-Ebeto 5:20

ao kam na aki toki ni katituaraoa te Atua are te Tama n aran ara UEA are Iesu Kristo, i bukini b'aai ni kabane;

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Te Kaotioti 4:9

Ao ngkana a anene baike a maiu n neboa ma ni karinea ma ni katituaraoa Teuare tekateka i aon te kaintokanuea, are Teuare maiu n aki totoki,