2.I-Korinto 9:1 - Te B'aib'ara

¹ Tiaki te b'ai ae kainanoaki b'a N na koroboki nako imi i bukin taekan te m'akuri are karaoaki i bukiia ake a itiaki i Iutaia;

2.I-Korinto 9:1 ပူးပေါင်းရင်းမြစ်များ

Karikani B'aai 27:42

Ma ngke e ongo ana babaaire Etau Nei Rebeka, ao e wetea Iakob'a, ao e taku, “Nooria, e a tia ni baaireia tarim are Etau b'a e na katokaa marakin nanona n tiringko.

2.Uea 22:18

Ao e taku, “Iotia, noora te b'ai ae N nang karaoia.

Iobi 37:23

E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

Taian Areru 45:1

E onrake atuu n taeka aika tamaroa ngkai I otea te kuna aio i bukin te uea. Ao N na kabongana b'anaau n ai aroni kabonganan te kai ni koroboki iroun te aomata ae rabakau ni koroboki.

Mataio 22:31

Ao ni kaeti ma manga utiia-maate, kam tuai mani wareka ana taeka te Atua nako imi, ngke E kangai,

M'akuri 24:17

Ma i mwin tabeua te ririki, ao I roko i Ierutarem n nikiri b'aai n tituaraoi nakoia au botannaomata, ao I anga karea.

I-Rom 11:28

I bukina ngke a rawa I-Iutaia ni butim'aea taekan te euangkerio, ao a riki b'a ana kairiribai te Atua i bukimi, ngkami aika tiaki I-Iutaia. Ma ngkai a teimatoa aroia b'a aomata ngaiia aika rineaki iroun te Atua, ao E bon tangiriia i bukiia aia bakatibu ake a kakannato.

I-Rom 12:13

Kam na anga ami b'ai nakoia ake a itiaki b'a buokani kainnanoia, ao kam na butim'aia n akoia ni mwengami.

I-Rom 15:31

b'a N na kamaiuaki mairouia ake a rawa n onimaki i Iutaia, ao a na kukurei n au m'akuri ana aomata te Atua ake a mena i Ierutarem.

I-Karatia 2:10

Ao akea te bae a butira iai, ma ti na ti uringiia ake a aki kaub'ai; ao bon aei te b'ai are e a kaman ingainga iai nanou ni kani karaoia.

I-Karatia 6:10

Ma ngaia ae ti na kakaraoa ae e raoiroi nakoia aomata ni kabaneia, n aron ae ti kona, ao ai moara riki nakoia kaain te utu n onimaki.

1.I-Tetaronike 5:1

Kam aki kainanoa koreakin taekan taai ma boong aika a na riki iai baikai.

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.

1.Tamuera 20:23

Ma ti na bon kakaawakina ara berita are ti a tia ni karaoia i marenara, ao E na kamatoaa aei te UEA ni kaawakinna n aki toki.”