2.I-Korinto 8:9 - Te B'aib'ara

⁹ B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.

2.I-Korinto 8:9 ပူးပေါင်းရင်းမြစ်များ

Itaia 53:2

Kaanga ai aron te aroka ae e a tib'a bwebwe man te tano ae m'auteretere te tia m'akuri ae e rikirake n te ongotaeka iroun te UEA. Bon tiaki ngaia temanna mai buakoia uea aika a bootonim'aane. Bon akea naba taraana ae e na konaa n anaa nanora.

Itaia 62:1

Ierutarem, e na aki konaa n toki au taetae nikawai i bukim. N na aki kainab'aabu ni karokoa ko maiu raoi ma ni manoraoi, ao ni kiakia kaanga te ura.

Itaia 65:8

Aio te b'ai are e taekinna te UEA: boota ni kureebe ae a kaotinakoa te wain a bongana kawakinaia Ma, i bukimi aika au toro, N na bon aki ekaanako temanna.

Mataio 17:27

Ma ti aki kani kauniia aomata aikai. Ma ngaia ae ko na nako n te nama, ao tewea nako am ao ma matauna, ao anaa te moa n ika ane teke; ao ngkana ko kaurea wina, ao ane ko na kunea te m'ane iai. Ko na anaia ao anganiia i buku ao i bukim.”

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Mataio 8:20

E taku Iesu nako ina, “Iai nneia ni maeka kameaanti ao ngaoia manin aan-nang, ma akea nnen Natin te Aomata ae E na kawenea iai atuna.”

Mareko 6:3

Tiaki te kabenta Teuaei, are Natin Nei Maria, ao are tarin Iakobo, ma Iote, ma Iuta, ma Timon? Ao tiaki a mena m'anena i roura ikai?” Ao a kaoti mataia n ribaia.

Ruka 16:11

Ngkana arona b'a kam aki kakaonimaki nakoni kaub'ain te maiu aei, ao antai ae na mwiokoi kaub'ai ni koaua i roumi?

Ruka 2:7

E bungiia ana moa n nati te mm'aane ao e niria n te kunnikai ae te ninira, ao e kawenea ni nneni kanaia maan n am'arake b'a akea aia ruu n te auti n iruwa.

Ruka 8:3

ma Nei Ioana, are buni Kuta are ana touati Erote, ma Tutanna, ma aine riki aika bati ake a tia ni buokiia ni baike a kainanoi.

Ruka 9:58

E taku Iesu nako ina, “Iai neia ni maeka kameanti, ao ngaoia manin aan-nang, ma akea nen Natin te aomata ae E na kawenea iai atuna.”

Ioane 1:10

E mena te Taeka i aonnaba, ao e karikaki aonnaba i rouna, ma a aki kinaa aomata.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

Ioane 12:30

E kaekaia Iesu ao E taku, “E aki roko te b'ana aei i buku, ma e roko i bukimi.

Ioane 16:15

Bon au b'ai b'aai ni bane ake iroun te Tama; ao aei bukin are I kaangai iai, b'a te Tamnei are Tabu E na anai au taeka ao E na taekin nakoimi.

Ioane 17:19

Ao I tabuai i bukiia, b'a a aonga n tabuaki n am taeka aika koaua.

I-Rom 11:12

Ma ngkana a bati n reke kab'aiaia aomata nako i aonnaba i bukin aia bure Iteraera, ao a bati n reke kab'aiaia aomata aika tiaki I-Iutaia i bukin aroia Iteraera n tibanako ma nanon te Atua, ao ai batiraa riki te kab'aia ae e na reke i rouia ngkana a bane kaain te botannaomata ae Iteraera n rin i nanon te kamaiuaki!

I-Rom 15:3

B'a E aki kakukureia i bon i rouna Kristo; n ai aron are koreaki ni kaangai, “A b'akarai aia taeka n iowawa ake a taetae n iowawa nako im.”

I-Rom 5:8

Ma te Atua, E kaota oin ana tangira nako ira n aei: b'a ngke bon taani bure ngaira, ao E mate Kristo i bukira.

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

1.I-Korinto 1:4

I aki toki ni kaitaua Atuau i bukimi, i bukin ana akoi are kam a tia n anganaki ni maiumi n reitaki ma Kristo Iesu,

1.I-Korinto 15:47

E riki te moa n aomata mai aon te aba, ao e karikaki man te tano; te Aomata are te kauoman boni mai karawa.

2.I-Korinto 13:14

E na mena i roumi ni kabaneingkami ana akoi te UEA are Iesu Kristo, ma ana tangira te Atua, ma ana raorao te Tamnei are Raoiroi.

2.I-Korinto 6:10

ngke ti taonaki n te rawawata n nano, ma ti aki toki ni kukurei; ngke ti riki b'a kanga aomata aika akea aia b'ai, ma ti karikirakei aroia aomata aika bati b'a a na kaub'ai; ngke ti riki b'a ai aroia akana akea aia b'ai, ma ti b'aini b'aai nako.

I-Ebeto 2:7

b'a E aonga ni kaotia nakoia rooro ma rooro aika na roko aron ana akoi ae akea n ai arona ni kaub'aina, n ana ataataiaomata nako ira, irouni Kristo Iesu.

I-Ebeto 3:19

b'a e aonga naba n iai iroumi te kona n ata tangirami irouni Kristo, are e aki konaaki n ataaki raoi arona, b'a a aonga ni kaonaki maiumi n anuan te Atua ni kabane.

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

1.Timoteo 6:18

A na kakaraoa ae e raoiroi, a na kabati m'akuri aika riai, a na maiu n tituaraoi, ao a na tauraoi ni buokanib'ai n aia b'ai;

Ebera 1:2

ao ni boong aikai aika kabaneani boong, E taetae nako ira iroun Natina, are E a tia n rineia b'a te tia b'aib'ai ni b'aai ni kabane, ao are E karaoa te aonnaba ae b'anin i Rouna;

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

Te Kaotioti 2:9

I ata rawawatam ma aki-kaub'aim; ma ko boni kaub'ai! I ata taetaebuakaam irouia ake a taku b'a I-Iutaia ngaiia, ao bon tiaki, ma bon ana botaki n aomata Tatan!

Te Kaotioti 21:7

Ane tokanikai ao e na b'aib'ai ni baikai; ao N na riki b'a Atuana, ao ngaia e na riki b'a natiu.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.