2.I-Korinto 8:8 - Te B'aib'ara

⁸ Ae I taekinna bon tiaki te tua, ma I taekinna b'a e na kakoauaki n aroia tem'angina ae korakora ni kan i buobuoki, b'a ngaia bon iai naba koauan ami tangira.

2.I-Korinto 8:8 ပူးပေါင်းရင်းမြစ်များ

Etekiera 33:31

Ma ngaia are, a bane n roko n ongora irou, ma a rawa ni karaoa te b'ai are I tuangiia. A taku b'a a bon kakaonimaki, ma a bon teimatoa ni kataia ni baabakanikawai aia m'ane aomata tabem'aang.

I-Rom 12:9

Tai m'am'anaa te aba n ami tangira. Ribaa te buakaka, ao nim ma te raoiroi.

1.I-Korinto 7:12

Aio ngkanne au taeka nakoia tem'angina i buakomi ma tiaki ana taeka te UEA, b'a ngkana iai i buakomi raomi n onimaki ae buuna te aine ae tiaki te tia onimaki ae kariaia b'a e na tekateka ma teuanne, ao ke e tai kitana neienne.

1.I-Korinto 7:25

I bukiia ngkanne ateiaine: akea ana taeka te UEA i rou i bukiia, ma N na kaota au iango n ai aron temanna ae nanoangaki iroun te UEA, ao e onimakinaki.

1.I-Korinto 7:6

Aei bon ti au taeka ni kariaia te aro aei, ma tiaki te tua.

2.I-Korinto 6:6

Ni maiura ae itiaki, n te atatai, n te taotaonaki n nano, n te atataiaomata ao ti a tia ni kaotira b'a ana toro te Atua ngaira iroun te Tamnei are Raoiroi, n te tangira ae aki m'am'ana te aba,

2.I-Korinto 8:10

Ao I kaota nanou n te baei: b'a e bon riai aei i roumi, ngkai kam aki ti tabeka moani karaoana, ma kam a kamani kani karaoia naba man te ririki are nako.

2.I-Korinto 8:24

Ma ngaia ae kam na kaota nako ia aron ami tangira ma bukini kamoamoara i bukimi b'a a na noraki irouia taian ekaretia.

2.I-Korinto 9:2

b'a I ata nanomi ni kan anga, are I kamoamoaingkami iai nakoia I-M'aketonia ngke I taekina ae a kaman tauraoi taan onimaki i Akaia ni kan i buobuoki man te ririki are nako; ao a bati i buakoia aika kaungaaki nanoia n nanokorakorami.

2.I-Korinto 9:7

E na angab'ai te aomata n ai aron are e taku, tiaki man te nano ae rawawata ke n te aro ni kairoro; b'a te Atua E tangira te aomata ae anga ma nanona ae kukurei.

I-Ebeto 4:15

Ma ti na rikirake n aaro nako nakon arora n reitaki ae nako raoi ma Kristo, are atun te ekaretia; ao e na reke aei n tataekinan te koaua ao ni maiuakinan te tangira.

I-Ebeto 6:24

E na mena te akoaki irouia aomata ni kabaneia ake a tangira ara UEA are Iesu Kristo n te tangira ae akea tokina.

Ebera 10:24

Ti na iangoa aron temanna ma temanna i roura ni buokira b'a ti na kaota te tangira ni maiura, ao b'a ti na karaoi m'akuri aika raraoi.

Iotua 24:14

E a manga taku riki Iotua, “Ma ngaia ae ngkai, kam na karinea te UEA, tooro i rouna ma te koaua ao te kakaonimaki. Tai manga taromauriia anti n aroia ami bakatibu ngkoa i Metobotamia ao i Aikubita. Ma kam na taromauriia te UEA n ti ngaia.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.