2.I-Korinto 8:19 - Te B'aib'ara

¹⁹ ao tiaki ti aei, ma e a tia n rineaki naba irouia taian ekaretia b'a raora ni m'am'ananga n te m'akuri n akoi aei, ae ti tabe iai ngkai i bukin neboan te UEA, ao ni kaotira iai b'a ti kan i buobuoki.

2.I-Korinto 8:19 ပူးပေါင်းရင်းမြစ်များ

M'akuri 14:23

A rineia tem'angina n te ekaretia teuana b'a unimm'aanen te ekaretia anne, ao a karaoa aron aei i nanon ekaretia nako; ao ni katoa te tai are a tia ni karaoa iai aei, ao a aki mamatam, ao a tataro i bukiia b'a a na kawakinaki iroun te UEA, are a onimakinna.

M'akuri 15:22

E tara n raoiroi nakoia taan tuatua ma unimm'aane ma kaain te ekaretia ni kabane b'a a na kanakoia aomata aika rineaki mai buakoia nako Antioka, b'a raoni B'auro ma B'arenaba. A rinea ngkanne Tira ao Iuta are arana teuana Baretaba, aika aomata aika rangi n onimakinaki i buakoia taari.

M'akuri 15:25

Ao e tara n tamaroa nako ira, ngkae e reke nanora ae ti teuana, b'a e riai b'a ti na rineia aomata ni kanakoia nakoimi, ma raora aika tangiraki are B'arenaba ma B'auro,

M'akuri 19:22

Ao e kanakoia uoman mai buakoia raona ake a buobuokia, are Timoteo ma Erateto nako M'aketonia, ao ngaia e tiku ni kamanna i Atia.

M'akuri 19:29

E buta aon te kaawa arei n te kiriwe, ao a tauaki irouia aomata Kaio ma Arititareko, aika I-M'aketonia, aika raoni B'auro ni m'am'ananga. A bane ni b'aina te nano ae ti teuana ni kanenei nakon te tabo are a bobotaki iai kaain te kaawa, ao a tauia uakekei.

I-Rom 5:11

Ao tiaki ti ngaia, ma ti kakatonga iroun te Atua i nanon ara UEA are Iesu Kristo, are ti karekea mai Rouna raoiakinara ngkai.

I-Rom 5:3

Ao tiaki ti aei, ma ti kakatonga n taian rawawata aika ti taonaki iai, ngkai ti ata te rawawata b'a e karika taotaonan te nano;

2.I-Korinto 4:15

B'a bon i bukimi baikai ni kabane; ao ngkai a bati riki aomata aika kamaiuaki n ana akoi te Atua, ao a na kabati riki tataro ni katituaraoi i bukin neboan te Atua.

2.I-Korinto 8:11

Ma ngaia ae kam na katia karaoana; b'a ngkai bon iai nanomi ae korakora ni kani karaoia, ao e na boni katiaaki ni baika iai i roumi.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

2.I-Korinto 8:20

Iai nanora b'a ti aki kani bukinaki iroun temanna i bukin arora ni kawakina te b'ai n tituaraoi ae m'aiti aei.

2.I-Korinto 9:2

b'a I ata nanomi ni kan anga, are I kamoamoaingkami iai nakoia I-M'aketonia ngke I taekina ae a kaman tauraoi taan onimaki i Akaia ni kan i buobuoki man te ririki are nako; ao a bati i buakoia aika kaungaaki nanoia n nanokorakorami.

2.I-Korinto 9:8

Ao E kona te Atua ni kabati b'aai n akoi ni kabane nako imi, b'a e aonga n reke i roumi n tai nako te toronib'ai ni b'aai ni kabane, b'a kam aonga ni kabati m'akuri nako aika raraoi;