2.I-Korinto 8:10 - Te B'aib'ara

¹⁰ Ao I kaota nanou n te baei: b'a e bon riai aei i roumi, ngkai kam aki ti tabeka moani karaoana, ma kam a kamani kani karaoia naba man te ririki are nako.

2.I-Korinto 8:10 ပူးပေါင်းရင်းမြစ်များ

Taeka n Rabakau 19:17

Tararuaakin te kainano bon te angab'ai nakon te UEA, ao ane kam na manga kabooaki raoi.

Mataio 10:42

Ao ane anga ti te m'angko n ran ae m'aitoro nakon temanna i buakoia aika uarereke aikai ngkae e atongaki b'a au reirei, ao e koaua ae I a tuangngkami b'a e na bon anganaki kaniwangana.

Ioane 11:50

Kam aki iango b'a e tamaroa riki i bukimi b'a e na iai temanna ae na mate i bukiia aomata, nakon ae e na bane ni mate te botannaomata aei?”

Ioane 16:7

Ma I tuangngkami te koaua: e manena riki i bukimi nakou; b'a ngkana I aki nako, ao E aki roko iroumi te Tia Buobuoki. Ma ngkana I nako, ao N na kanakomaia nakoimi.

Ioane 18:14

Boni Kaiaba are e anga ana taeka ni buobuoki nakoia I-Iutaia, ngke e taku b'a e riai ni mate temanna i bukiia kaain aon te aba.

1.I-Korinto 10:23

A atoatonga ae kangai tem'angina i buakomi: “Ti uki ni karaoi b'aai nako.” Tao e koaua, ma a aki bane b'aai ni manena ao a aki bane naba ni kateimatoa te aba.

1.I-Korinto 16:2

Ni moani bongin te wiiki ae koraki, ao e riai te aomata i bon i rouna ni katutuka teutana man are e a tia ni karekea, ao e na kaikoa, b'a e aonga n aki kainanoaki te manga riko angab'ai ngkana I roko.

1.I-Korinto 6:12

E taku ana taeka temanna, “Akea tuaau ngkana I karaoi b'aai nako.” Eng; ma a aki bane ni manena i bukim. I kona ni kangai, b'a akea tuaau ngkana I kani karaoi b'aai nako, ma akea te b'ai teuana ae na tautaeka i aou.

1.I-Korinto 7:25

I bukiia ngkanne ateiaine: akea ana taeka te UEA i rou i bukiia, ma N na kaota au iango n ai aron temanna ae nanoangaki iroun te UEA, ao e onimakinaki.

1.I-Korinto 7:40

Ma I taku b'a e a kab'aia riki ngkana e aki manga mare; ao I taku naba b'a I kairaki n au iango aikai iroun Tamnein te Atua.

2.I-Korinto 12:1

I bon riai ni kamoamoaai, e ngae ngkana akea te bae na reke iai; ma N na taekini baika kanga ai aron te mii ma baika kaotaki iroun te UEA.

2.I-Korinto 8:6

Ma ngaia ae ti butiia Tito, b'a ngkai ngaia are e moana karaoan te m'akuri n akoi aei, ao e bon riai naba ni katia i buakomi.

2.I-Korinto 8:8

Ae I taekinna bon tiaki te tua, ma I taekinna b'a e na kakoauaki n aroia tem'angina ae korakora ni kan i buobuoki, b'a ngaia bon iai naba koauan ami tangira.

2.I-Korinto 9:2

b'a I ata nanomi ni kan anga, are I kamoamoaingkami iai nakoia I-M'aketonia ngke I taekina ae a kaman tauraoi taan onimaki i Akaia ni kan i buobuoki man te ririki are nako; ao a bati i buakoia aika kaungaaki nanoia n nanokorakorami.

I-Biribi 4:17

Tiaki nanona b'a I kani karekea te b'ai n tituaraoi, ma I tangira aromi n angab'ai.

Ebera 13:16

Ao kam na tai m'aninga te kakaraoa ae raoiroi ma te i buokanib'ai; b'a aikai karea aika E kukurei iai te Atua.