2.I-Korinto 7:15 - Te B'aib'ara

¹⁵ E rikirake tangirami i rouna, ngkae e uringa aromi ni kabaneingkami n ongeaba nako ina, ma aromi ni m'aneia n akoia ma te rurubenebene ni maaku.

2.I-Korinto 7:15 ပူးပေါင်းရင်းမြစ်များ

Karikani B'aai 43:30

Ao e kawaekoa n nako Ioteb'a, b'a e waerakeia te tang ngke e a tib'a noora tarina are Beniamin. E a roko i rouna ae kaanga e nang tang i mataia. Ma ngaia are, e nakon ana ru, ao e a karaua n tang iai.

1.Uea 3:26

Ao e takaarua are bon tinan te teei ni kaangai, “Taiaoka! Te uea ae ko karineaki, tai tiringa natiu. I rangi n tangira natiu ma an angan neienne. Tai tiringnga.” Ao e takaarua neiere temanna ni kaangai, “E nako te kai korouaia mai i nuukana b'a ti aonga ni boraoi n akea natira.”

Etira 10:9

I mwiin tenua te bong, n te kauabwi ni bong n te karuaiwa n nam'akaina, A bane n roko i Ierutarem aomata mai Iuta ao Beniamin ao a tekateka ni katawanangin te Tembora. Bon te kabowi ae e aki manikangare b'a a tekateka i aan te karau ikekei, ma n ruru ni mariri.

Etira 9:4

ni karokoa e a roko tain te angakarea are n te tairiki. A m'aiti ara aomata ake a tabeaianga ao a ikotaki ni katobibiai, i bukina ngke e a tia Atuan Iteraera n tuangiira b'a ti na kararoaira mairouia Ianena.

Iobi 21:6

I ruru ma ni maaku ngkana I iangoi baike a tia n riki nako Iu.

Taian Areru 119:120

I ruru b'a I makuko: I maaku n am Moti.

Taian Areru 2:11

Kam na toro iroun te UEA ao karinea; ao kim'areirei ma te ruru.

Ana Anene Toromon 5:4

Ao e kaaenakoa baina raou ae e tangiraki b'a e na kanakoa rokan te mataroa, ao I kaantaninga inanou.

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Otea 13:1

Ngke a taetae ami taan kairiiri, a bane n ruru ni maaku ma ni kaota te karinerine ae e korakora. Ma kam bure n taromauria B'aara, ao kam urubekebekeaki.

Ioane 16:21

Ngkana e a kani bung te aine, ao e nanokawaki, b'a e a roko ana aoa ni maraki; ma ngkana e a tia ni bungia natina, ao e m'aninga taekani marakina, i bukini kukureina b'a e a bungiaki te aomata nako aon te aba.

M'akuri 16:29

Ao ngaia e weewete i bukin taura, ao e biri n rin n ruru ni maku, ao e katorobubua ni bobaraaki i matani B'auro ma Tira;

1.I-Korinto 2:3

Ma ngaia are ngke I roko i roumi, ao I mamara ma n rurubenebene ni maaku.

2.I-Korinto 2:9

B'a bon aei bukin are I koroboki iai ngkoa, b'a I aonga n atai baika kam na kakoauaki iai b'a kam ongeaba ni b'aai ni kabane.

2.I-Korinto 6:12

Ti aki tiatian nanora nako imi, ma boni ngkami aika kam tiatian nanomi.

I-Ebeto 6:5

Ao ngkami tooro, kam na ongotaeka irouia ami toka aika aomata, n ruru ni maku, ao karaoia ma te nano ni koaua, n ai aromi n ongotaeka irouni Kristo.

I-Biribi 1:8

B'a au tia kakoaua te Atua, b'a I tangiringkami ni kabaneingkami n ai aron tangirami irouni Kristo Iesu.

I-Biribi 2:12

Ma ngaia aei, ngkami aika kam tangiraki i rou, kam aki toki n ongeaba, tiaki ti ngke I mena iroumi, ma ai moa ra riki ngkai I a raroa nako mai roumi. Kam na kekeiaki m'aaka, n ruru ni maku, b'a e aonga n reke raoi kamaiuami!

I-Korote 3:12

Ma ngaia aei, ngkai ana aomata te Atua ngkami aika kam rineaki, aika kam itiaki ma n tangiraki, ao kam na b'aina te nano n nanoanga, te atataiaomata, te nanorinano, te nimamannei, te taotaonaki n nano.

2.I-Tetaronike 3:14

ao ngkana e aki ongeaba temanna nakon ara taeka n te reta aei, ao kam na kanikinaea, b'a kam na aki i raorao ma ngaia, b'a e aonga ni mamaa.

1.Ioane 3:17

Ma ane iai ana b'ai aika b'ain te maiu aei, ao ngkana e nora tarina b'a iai kain nanona, ma e aki nanoangaia, ao e na kanga n taku b'a e mena i nanona tangiran te Atua?