2.I-Korinto 7:13 - Te B'aib'ara

¹³ Ma ngaia ae a karauaki nanora. Ao i rarikin raun nanora aei, ao e a kabatiaki riki kakatongara ni kakatongan Tito, i bukina ngke e a tia ni karauaki tamneina i roumi ni kabaneingkami.

2.I-Korinto 7:13 ပူးပေါင်းရင်းမြစ်များ

I-Rom 12:15

Kam na kim'areirei ma akana kim'areirei; kam na tang ma akana tang.

I-Rom 15:32

Ngkana I tia ni karaoa aei, ao N na nakoimi ma te kukurei, ngkana nanon te Atua, ao e na rangi n nako raoi arou n tiku ni motirawa i buakomi.

1.I-Korinto 12:26

Ngkana e maraki b'ain te rab'ata teuana, ao a bane naba ni maraki b'ain nako te rab'ata ma ngaia; ao ngkana e karineaki b'ain te rab'ata teuana, ao a bane b'ain nako te rab'ata ni kim'areirei ma ngaia.

1.I-Korinto 16:13

Kam na tatauraoi, kam na teimatoa n te onimaki, kam na nano ni mm'aane, ao kam na korakora.

1.I-Korinto 16:18

b'a a karekea raun tamneiu ma tamneimi; ma ngaia ae kam na aki m'am'aninga taekaia aeka n aomata akanne.

2.I-Korinto 2:13

ma e aki rau tamneiu ngke e aki reke i rou Tito are tariu. Ma ngaia are I kabo ma ngaiia ao I nako M'aketonia.

2.I-Korinto 2:3

Ao I korea au reta aei, b'a e kawa n reke i rou te rawawata mairouia te koraki akana a na kakukureiai ngkana I nakowati; ao I aki nanokokoraki i roumi ni kabane b'a kakatongau boni kakatongami ni kabane.

2.I-Korinto 7:14

B'a ngke I kamoamoaingkami nakon Tito n te b'ai teuana, ao I aki mamaa; ma ngkai a koaua b'aai ni kabane ake ti taekin nako imi, ao ai aron naba ara taeka are ti kamoamoaingkami iai nakon Tito, b'a e ataaki b'a e boni koaua.

2.I-Korinto 7:15

E rikirake tangirami i rouna, ngkae e uringa aromi ni kabaneingkami n ongeaba nako ina, ma aromi ni m'aneia n akoia ma te rurubenebene ni maaku.

2.I-Korinto 7:6

Ma te Atua are karau nanoia akana b'ara nanoia E karau naba nanora n rokon Tito.

I-Biribi 2:28

Ma ngaia ae I barekia ni kanakoa nakoimi, b'a kam aonga ni manga kakatonga ngkana kam noria, ao b'a e aonga ni karako riki nanokawakiu.

2.Timoteo 1:16

E na nanoangaki ana utu Onetiboro iroun te Uea, i bukina b'a e aki toki Onetiboro ni kaungaa nanou, ao e aki mamaa ngkai I kabaeaki:

Biremon 1:20

Eng, tariu, I bia buokaki i roum i bukin te Uea: ko na kamaiua nanou ngkai ko reitaki ma Kristo.

Biremon 1:7

B'a e bati au kim'areirei ma kabebetean nanou n am tangira, tariu, b'a a kamaiuaki nanoia ake a itiaki i roum.

1.Betero 3:8

Kabanean au taeka ngkanne: kam na bane ni b'aina te nano ae ti te arona, ma te namakin ae ti te arona; kam na tangiriia raomi ni Kristian, kam na nanoanga, ao kam na nanorinano.