2.I-Korinto 7:11 - Te B'aib'ara

¹¹ B'a nora te baei, ae karawawatami n reitaki ma nanon te Atua; ai tera arona ni karika te nano ae korakora, ma te nano ni kani kaota ae kam aki bure, ma te nano n un, ma te nano ni maaku, ma te nano n ingainga, ma te nano ni kani kareke kai. Kam kaotingkami ni b'aai ni kabane b'a kam itiaki n te baerei.

2.I-Korinto 7:11 ပူးပေါင်းရင်းမြစ်များ

Neemia 13:25

Ma ngaia are i bukin marakin nanou, ao I a kamaraiaia m'aane aikai. I tua b'a a na oreaki ao ni bon kouti naba iran atuuia tabeua. Ao i mwiina, I karaoia b'a a na berita; N aran te Atua ao I berita b'a n na aki mareia natiu m'aane ao natiu aine ma I-anena.

Iobi 42:6

Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

Taian Areru 119:139

I rangi n un, ngkai a m'anuoki am Taeka aiau.

Taian Areru 130:6

I kaantaninga te Uea mani ingainga nanou; nakon nanoia taan tantani n aia tai n tei ngkana a kakantaninga rokon te ingabong Eng, I kakantaninga ma te ingainga nano nakoia taan tantani ni kakantaningaan rokon te ingabong.

Taian Areru 145:19

E kareke baika a kai nanoia iai akana a karinea; E ongo tangiia ao E kamaiuia.

Taian Areru 2:11

Kam na toro iroun te UEA ao karinea; ao kim'areirei ma te ruru.

Taian Areru 35:13

Ma ngke a aoraki, ao I kaota ae I rangi n nanokawaki; I kataua te aki mamatam; Ao I tataro ma te nanokawaki ae bati i bukiia,

Taian Areru 38:9

Te Uea, Ko atai baika I tangiri ni kabane; E aki raba rawawatan nanou mairoum.

Taian Areru 42:1

Aron tangiran ranni karaanga iroun te man ae te ria, Ao ai aron naba tangiram irou, te Atua.

Taian Areru 69:9

Ai aron te ai ae ura tangiran am Tembora i nanou; A b'akarai taeka i bukim, aika taeka aika bubuaka.

Taeka n Rabakau 14:16

Bon ti te nanobaba ae e aki konaa n taratara raoi ma ngaia ae ko na rangi n taratara raoi ao kararoako man te kangaanga.

Taeka n Rabakau 28:14

E kakab'aiaia aomata nako te UEA akana a maaku ni karaoa ae e buakaka, ma tokim te reke n te kabuanib'ai ngkana ko iowawa.

Ana Anene Toromon 8:6

Ko na tai m'am'aninga taekau ao kanim'a te burenibai i baim b'a ko aonga n ururingai. E korakora riki uram'aakan te tangira nakoni m'aakan te mate, ao e korakora riki nakon te ruanimate.

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Taniera 6:14

Ao ngke e ongo aei te uea, ao e rangi n rawaawata nanona, ao e kataia ni kakaea te anga are e na reke maiun iai Taniera. E keiaki ni kakaea ni karokoa bungintaai.

Mareko 3:5

E un Iesu ngke E tarataraia nako, ao E nanokawaki naba i bukina ngke a matoatoa nanoia; ao E taku nakon teuarei, “Arora nako baim.” Ao e aroria, ao e maiu baina.

Ioane 2:17

Ao ana reirei a uringa are koreaki n te B'aib'ara, are kaangai, “E rangi ni korakora i nanou tangiran am Tembora.”

M'akuri 17:16

Ao ngke e taningaia B'auro i Atenai, ao e kamarakaki atuna ngke e nora te kaawa b'a a bati bouananti n tei i aona.

I-Rom 11:20

E koaua ane ko taku; a oteaki i bukin aia aki-onimaki, ma ngkoe, ko mena ni nem ane ko mena iai i bukin am onimaki. Ma ngaia ae tai b'aina te kainikatonga, ma ko na b'aina te mamaku.

I-Rom 14:18

B'a ane toro irouni Kristo ni baikai ao E kukurei te Atua i rouna, ao e kakoauaki irouia aomata b'a e raoiroi arona.

I-Rom 3:5

Ma ngkana e kaota aron te Atua arora aika aki eti b'a E karaoa ae e eti, ao tera ara taeka iai? E karaoa ae buakaka te Atua ngke E kareke kai? (I taetae n ai aroia aomata.)

1.I-Korinto 12:25

b'a e kawa n riki te bwenaua n te rab'ata, ma a na i akoakoi b'ain nako te rab'ata n te aro ae ti te arona nako ia n tatabeua nako.

1.I-Korinto 5:13

Ma te Atua E na motiki taekaia akana tiaki kaain te ekaretia. Kam na kam'awa te aomata ae buakaka mai buakomi.

1.I-Korinto 5:2

Ao kam kainikatonga! Tiaki b'a kam bon riai n nanokawaki? Ao te aomata are karaoa te aro aei e bon riai ni kam'awaki mai buakomi.

2.I-Korinto 13:7

Ti tataro nakon te Atua b'a kam na aki karaoa te b'ai teuana ae buakaka; ti aki tataro b'a ti aonga n noraki b'a a nako raoi arora ngke ti kataaki, ma ti butiia b'a kam aonga ni karaoa ae raoiroi, e boni ngae ngke ti taraa n aki kakoauaki ni kataakira b'a bon taan tuatua ni koaua ngaira.

2.I-Korinto 2:6

E bon tau te rekenikai anne i bukin teuanne mairouia m'aitin ami koraki;

2.I-Korinto 6:4

Ma ti kaotira b'a ana taani m'akuri ni koaua te Atua ngaira n aaro nako. N te nanom'aka ae bati, n taian rawawata, n taiani kainano, n taiani maraki, n taai aika kanganga.

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

2.I-Korinto 7:7

Tiaki n ti rokon Tito ae a karauaki nanora iai, ma n ana rongorongo naba i bukimi n aromi ni karaua nanona. E kaongoira aron ingaingan nanomi ni kan norai, ma tangimi, ma nanomi aika korakora i buku; ao boni moan te kakatonga riki ngai.

2.I-Korinto 7:9

Ma I kukurei ngkai, tiaki i bukina ngke kam a tia ni karawawataki, ma i bukina ngke e riki rawawatami b'a karikani bitakin nanomi. B'a kam karawawataki n aron nanon te Atua, b'a kam na aki kabuanib'ai n te aro teuana i roura.

2.I-Korinto 9:2

b'a I ata nanomi ni kan anga, are I kamoamoaingkami iai nakoia I-M'aketonia ngke I taekina ae a kaman tauraoi taan onimaki i Akaia ni kan i buobuoki man te ririki are nako; ao a bati i buakoia aika kaungaaki nanoia n nanokorakorami.

I-Ebeto 4:26

Kam kona n un iroun temanna, ma a na aki riki unimi b'a kairami nakon te bure; e na aki bungi taai i aon unimi.

I-Ebeto 5:11

Tai buokanib'ai n ana m'akuri te roo aika akea uaaia, ma kam na kaoti aroia;

I-Biribi 2:12

Ma ngaia aei, ngkami aika kam tangiraki i rou, kam aki toki n ongeaba, tiaki ti ngke I mena iroumi, ma ai moa ra riki ngkai I a raroa nako mai roumi. Kam na kekeiaki m'aaka, n ruru ni maku, b'a e aonga n reke raoi kamaiuami!

1.I-Tetaronike 4:6

E na aki bure temanna nakon raona ke ni babakanikawaia ni baika kaeti ma aron te mm'aane nakon te aine b'a te Uea boni Ngaia te tia kareke-kai i bukini baikai ni kabane, n ai aron are ti tuangngkami rimoa, ma ni kaotiotia naba.

1.Timoteo 5:20

Ko na boaiia akana bure i mataia aomata ni kabaneia, b'a a aonga ni maaku naba raoia.

2.Timoteo 2:15

Ko na kakorakorako ni kani kaotiko nakon te Atua b'a te tia m'akuri ni koaua ae ko kakoauaki i mwini kataakim, ae te aomata ae ko aki mamaamaa, ae e eti raoi am reirei i aon taekan te koaua.

Tito 3:8

E koaua te taeka aei. I tangiriko b'a ko na karokoraoa aron taekinani baikai, b'a a aonga akana onimakina te Atua n tarataraia b'a a na kakaraoi m'akuri aika raraoi, aika raoiroi ma ni bongana i bukiia aomata.

Ebera 4:1

Ma ngaia aei, ngkai ti anganaki te taeka n akoi i bukin te rin i nanon ana motirawa te Atua, ao ti na taraia raoi b'a e kawa ni kuneaki temanna i buakomi b'a e aki tau n rin iai.

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

1.Betero 1:17

Ao ngkana kam atonga Teuare motiki taekaia aomata nako b'a Tamami n ami tataro, are Teuare aki nanonano b'a E motika taekan te aomata ni kaeti ma aron te baere e karaoia, ao kam na kabane ami bongi ni maiu i aon te aba aei ni maku.

1.Betero 2:2

ao kam na tangira te miriki ae itiaki ae b'ain te nano, n ai aroia merimeri aika tib'a bungiaki, b'a kam aonga n ikawai iai ao kam kamaiuaki;

Iuta 1:23

Kam na kamaiuia tem'angina ni buritiia man te ai; ao kam na nanoangaiia tem'angina ma te maku, ma kam na ribai aia kunnikai aika kabarekaki n aia kaib'ab'aru aika kam'ara.

Te Kaotioti 3:19

Akana I tangiriia ao I boaiia ma n reireiia aroia aika riai; ma ngaia ae ko na kakorakorako ao raira nanom.