2.I-Korinto 7:10 - Te B'aib'ara

¹⁰ B'a te rawawata are kaeti ma nanon te Atua e karika rairan te nano nakon te maiu, ao akea te nanokawaki ae na reke i mwina; ma rawawatan aon te aba e karika te mate.

2.I-Korinto 7:10 ပူးပေါင်းရင်းမြစ်များ

Karikani B'aai 30:1

Ma bon akea natin Nei Rakera ma Iakob'a ae riki, ao Rakera e nanobwiia tarina, ao e taku nakon Iakob'a, “N na waekoa ni mate ngkana ko aki kakarekea natiu.”

2.Tamuera 12:13

Ao e taku Tawita, “I a tia ni aki ongotaeka nakon te UEA.”

2.Tamuera 13:4

ao e taku nakon Amnon, “Tera ae e riki? Bon natin te uea ngkoe te m'aane! Ko riai n aki nakonako ma rawaawatan nanom n aron anne ni katoa ingabong.” Ao e taku Amnon, “I a rangi n tangira Nei Tam'aa, are m'anen tariu are Abetarom.”

2.Tamuera 17:23

Ao ngke e nooria Aitobera b'a a aki ira ana iango Abetarom ma taani kairiiri i aon Iteraera, ao e tokara ana aati ao e okirikaaki nakon mwengana i Kiro. E tuangiia ana utu ma ana taani m'akuri te b'ai ae e nang karaoia. Ao i mwiina, e kabaea roroana i bon i rouna, ao a tauna rab'atana n te ruanimate are ana b'ai ana utu.

1.Uea 21:4

Ao e a okira mwengana Aaba ma te marakinnano ao te rawawatannano i bukin ana taeka Naabota ake e taekin nakoina. E wene i aon ana kainiwene ni kaaitaraa te o ma n rawa n am'arake.

Taian Areru 38:18

I kaoti au bure; I raraoma iai.

Taeka n Rabakau 15:13

E anganiko te moangare te kukurei; ma e konaa ni kamanatuako te nanokawaki.

Taeka n Rabakau 15:15

E matoatoa maiun te aomata ae e kainano, ma te nano ae e rau boni kaanga ai aron te baka n am'arake ae akea tokina.

Taeka n Rabakau 17:22

Ngkana kam kukurei, ao kam namakina te nakoraoi; ao ngkana kam nanokawaki, ao kam bon kammarakingkami.

Taeka n Rabakau 18:14

E rangi ni buobuoki te kaunga nano ngkana ti aoraki, ma bon akea te buobuoki ngkana ti b'ara n nano.

Te Minita 7:3

Rinea riki te nanokawaki nakon te ngare i bukina b'a e karabaa te nano ae e kukurei te mata n nanokawaki.

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Etekiera 7:16

A na biri nako akana a reke maiuia nakon taian tabuki, kaanga taian taobe aika a kiitan taiani m'arua ni kakaaea kamaiuaia. Kam na bane n tang i bukin ami bure.

Iona 3:10

Ao te Atua E noori baike a karaoi; b'a a tia n toki man aroia ake a bubuaka. Ma ngaia are, E a bita nanona ma n aki katuaaia n aron are E a tia n taekinna.

Iona 3:8

Ana bane aomata ma maan ni karin kunnikaia aika a mangaingai. Ana bane aomata ni kakorakoraia n tataro nakon te Atua, ao ni kaaki aroia aika a buakaka, ma m'akuri aika a aki raraoi.

Iona 4:9

Ao E taku te Atua nakon Iona “E riai unim i bukin te aroka?” E kaeka Iona, “E bon riai uniu n ua mateu!”

Mataio 26:75

ao Betero e uringa ana taeka Iesu ngke E kangai, “I m'ain tangin te moa, ao ane ko na katenua kakeaau.” Ao e oti nako, ao e katumaua te tang.

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ruka 18:13

Ma te tia anai taekiti, e tei ni kararoa, ao e aki kan tabeki naba matana teutana nako karawa, ma e orea b'ab'ana ao e kangai, “Te Atua nanoangaai b'a te tia bure ngai!”

M'akuri 11:18

Ngke a ongo baikekei, ao e toki aia kauntaeka; ao a karaoiroa te Atua, ni kaangai: “E anganiia naba aomata aika tiaki I-Iutaia te Atua rairan te nano nakon te maiu!”

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

2.I-Korinto 12:21

Ao I maaku naba, b'a I kawa ngkana I roko riki ao N na karinanoaki iroun Atuau i matami, ao N na katumaua te tang i bukiia te koraki ake a tia ni bure ao a tuai man rairi nanoia man te kammaira, ma te wene ni bure, ma te tam'are.

2.I-Korinto 7:9

Ma I kukurei ngkai, tiaki i bukina ngke kam a tia ni karawawataki, ma i bukina ngke e riki rawawatami b'a karikani bitakin nanomi. B'a kam karawawataki n aron nanon te Atua, b'a kam na aki kabuanib'ai n te aro teuana i roura.

Ebera 12:17

Kam ataia b'a i mwina, ngke e kani karekea ana taeka ni kakab'aia tamana, ao e ribaaki; b'a akea te anga ae e na kona iai ni bita aron are e a tia ni karaoia, e boni ngae ngke e ukoukoria ma te tang.

1.Tamuera 30:6

E a bon rangi n reke Tawita n te kangaanga irouia ana rorobuaka b'a a rangi ni b'ara nanoia i bukin buan natiia, ao a iaiangoa karean Tawita n atiibu; ma E anganna korakorana te Atua,