2.I-Korinto 6:7 - Te B'aib'ara

⁷ n taekan te koaua, ao m'aakan te Atua. Ao e riki ara raoiroi b'a ara b'aai ni buaka ao te tia kataniira.

2.I-Korinto 6:7 ပူးပေါင်းရင်းမြစ်များ

Taian Areru 119:43

Anganai te kona n taekina te koaua n taai nako: B'a I onimakina arom ni babaire.

Te Otinako 14:22

ao a nakonako Iteraera i nanon taari i aon te tano ae m'au, ao taari, a tei kaanga taian o n itera ake uoua.

Taeka n Rabakau 3:16

I nanon bain te wanawana are te atai e mena iai te maiu ae e anaanau ao ni baina are te maing bon taian kaub'ai ma taiani karineaki.

Itaia 11:5

Ana niiniira ni uea bon te raoiroi ma te riai.

Itaia 59:17

Ana taanga te UEA bon te motiraoi; ao b'arana ni buaka bon te m'aaka ni kakamaiu; kunnikaina bon te un ma te irantaanga.

Mareko 16:20

Ao a nako uakekei ni kab'arab'ara n taabo nako, ao E buokiia te Uea, ao E karaoi kanikina ake a na kakoauaki iai b'a e boni koaua te rongorongo are a taekinna.

M'akuri 11:21

A buokaki ni m'aakan te UEA, ao a onimaki aomata aika bati, ao a rairaki nakon te UEA.

1.I-Korinto 1:24

ma nakoia aika rineaki iroun te Atua, aika I-Iutaia ma I-Erene, boni m'aakan te Atua ao rabakauna naba.

2.I-Korinto 13:4

B'a E tauraki n te kaibangaki i bukini mamarana, ma E a manga uti ni m'aakan te Atua. B'a ti mamara n ai aroni Kristo, ma n reitakira ma ngkami ao ti na maiu ma Ngaia ni m'aakan te Atua.

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

2.I-Korinto 7:14

B'a ngke I kamoamoaingkami nakon Tito n te b'ai teuana, ao I aki mamaa; ma ngkai a koaua b'aai ni kabane ake ti taekin nako imi, ao ai aron naba ara taeka are ti kamoamoaingkami iai nakon Tito, b'a e ataaki b'a e boni koaua.

I-Ebeto 1:13

Ao ngkami naba, ngke kam ongo taekan te koaua, are te euangkerio are b'aini kamaiuami, ao kam onimakinna naba; ao kam anganaki te Tamnei are Raoiroi b'a kanikinaean ae ana b'ai te Atua ngkami, te Tamnei aei are atongaki n te taeka n akoi.

I-Ebeto 3:20

Ao nakon Teuare kona ni karaoi b'aai aika moan te bati aika m'aiti riki nakoni b'aai aika ti bubuti ma n ururing, n ai aron te m'aaka ae m'am'akuri i nanora:

I-Ebeto 4:21

Kam a bon tia n ongo taekana; ao ngkai kam reitaki ma Ngaia, ao kam a reireiaki te koaua are iroun Iesu.

I-Korote 1:5

i bukin te kaantaninga are e kamenaki i m'aimi i karawa; are kam ongo taekana ngke kam moa n onimakina taekan te koaua, ae bon te euangkerio,

1.I-Tetaronike 5:8

Ma ngaira, aika ana b'ai te ngaina, ti na tauu baangira; ti na karina te tanga are te onimaki ma te tangira, ao te barengaru are kaantaningan te maiu.

2.Timoteo 2:15

Ko na kakorakorako ni kani kaotiko nakon te Atua b'a te tia m'akuri ni koaua ae ko kakoauaki i mwini kataakim, ae te aomata ae ko aki mamaamaa, ae e eti raoi am reirei i aon taekan te koaua.

2.Timoteo 4:7

I a tia n rangi ni kekeiaki m'aaka, n te kekeiaki m'aaka ae e raoiroi; I a tia ni kabo biri m'aaka, ao I a tia n teimatoa i nanon te onimaki.

Ebera 2:4

ao te Atua E raoniia ni kakoaua n arona ni karaoi kanikina ma kamimii ma m'akuri aika m'aka ma tib'akini b'aai n tituaraoi ake mairoun te Tamnei are Raoiroi.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.