2.I-Korinto 6:6 - Te B'aib'ara

⁶ Ni maiura ae itiaki, n te atatai, n te taotaonaki n nano, n te atataiaomata ao ti a tia ni kaotira b'a ana toro te Atua ngaira iroun te Tamnei are Raoiroi, n te tangira ae aki m'am'ana te aba,

2.I-Korinto 6:6 ပူးပေါင်းရင်းမြစ်များ

Etekiera 33:31

Ma ngaia are, a bane n roko n ongora irou, ma a rawa ni karaoa te b'ai are I tuangiia. A taku b'a a bon kakaonimaki, ma a bon teimatoa ni kataia ni baabakanikawai aia m'ane aomata tabem'aang.

I-Rom 12:9

Tai m'am'anaa te aba n ami tangira. Ribaa te buakaka, ao nim ma te raoiroi.

I-Rom 15:19

Ao N na bon ninikoria naba n taekina aroni Kristo ni karaoani kanikina ma m'akuri aika kamimii ni m'aakan te Tamnei are Raoiroi. Ma ngaia are, ni m'anangau nakon taabo nako ake I a tia n roko iai, mai Ierutarem ni karokoa aonon Iruriko, ao I a tia n tataekina euangkerioni Kristo.

1.I-Korinto 12:8

B'a e anganaki temanna ana m'akuri iroun te Tamnei are Raoiroi b'a te tia taekina te rabakau, ao temanna b'a te tia taekina te atatai, iroun naba te Tamnei are Raoiroi aei.

1.I-Korinto 13:4

E taotaona nanona te tangira ao e atataiaomata; e aki babakantang te tangira; e aki tataetae ni karakaraka te tangira, ao e aki kainikatonga;

1.I-Korinto 2:16

n aron are koreaki ni kangai: “B'a antai ae ata nanon te UEA, b'a e na reireia?” Ma bon iai i roura i nanoni Kristo.

1.I-Korinto 2:4

Ngke I taetae ma ngkami, ao ngke I taekina te euangkerio, ao I aki kani kaotai b'a aongkoa I rabakau n taetae; ma I angan Tamnein te Atua b'a E na kaota m'aakana.

2.I-Korinto 1:23

I atonga te Atua b'a au Tia Kakoaua are na karekea kaiu ngkana I kewe; b'a I aki roko i Korinto i bukina b'a I aki kani karawawataingkami.

2.I-Korinto 11:11

Ao b'a e aera? I bukina b'a I aki tangiringkami? E ataia te Atua.

2.I-Korinto 11:4

B'a ngkana e roko temanna i roumi n taekina Iesu riki temanna are tiaki Ngaia are ti taekinna, ke ngkana kam anganaki te Tamnei ae kaokoro ae tiaki Ngaia are kam anganaki, ke te euangkerio are tiaki naba ngaia are kam anganaki, ao kam konamaki n taotaon nanomi nako ina.

2.I-Korinto 11:6

B'a ngkana tao I bangab'ai n te aro n taetae, ma I aki n te ataib'ai, ti a tia n aaro nako ao ni b'aai ni kabane ni kaoti arora aikai nako imi.

2.I-Korinto 12:15

Ma moan te kukurei ngai b'a N na kabane au b'ai, ma n anga boni ngai, i bukini maiumi. E na karako tangirau i roumi i bukina ngkai I rangi n tangiringkami?

2.I-Korinto 13:10

Ma ngaia ae I koroi baikai, ngkai I aki mena i roumi, b'a e aonga n ae ngkana I roko ao N na aki matoatoa nako imi n arou ni kamanena te m'aaka are E a tia n anganai te UEA, are te m'aka ni kateimatoa, ma tiaki n uruuru.

2.I-Korinto 2:10

Ma ane kam kab'ara ana bure, ao Ngai I kab'ara naba; b'a ane I a tia ni kab'ara, ngkana tao iai, ao I boni kab'ara i bukimi i matani Kristo,

2.I-Korinto 2:4

B'a I koroboki nako imi ma nanou ae e taonaki n te rawawata ma te korakai ae bati, ma rannimatau aika bati; tiaki b'a kam aonga ni karawawataki iai, ma kam aonga n ataia b'a e bati tangirami i rou.

2.I-Korinto 3:3

ao e teretere b'a bon ana reta Kristo ngkami, ae ti uotia, ae koreaki tiaki n te ingke, ma n Tamnein te Atua ae maiu; ae koreaki tiaki i aoni baaba aika atibu, ma i aoni baaba aika iriko aika nanomi.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

2.I-Korinto 7:2

Kaota ami tangira nako ira; akea temanna ae ti karaoa ae kairua nako ina; akea ae ti urua maiuna ae raoiroi, ao akea ae ti burebureia.

I-Karatia 3:2

Ti aei te bae I kan ataia mai roumi, Kam anganaki te Tamnei i bukina ngke kam karaoi baika tangiraki n te Tua, ke i bukina ngke kam ongo taekan te euangkerio ao kam kakoauaa?

I-Karatia 3:5

Ma ngaia aei, b'a Teuare anganingkami te Tamnei, ma ni karaoi naba m'akuri aika m'aaka i buakomi, E karaoi i bukina ngke kam karaoi baika tangiraki n te Tua, ke i bukina ngke kam ongo taekan te euangkerio ao kam kakoauaa?

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Ebeto 3:4

b'a ngkana kam wareki, ao kam kona iai n ata au atatai n ana b'ai ae raba Iesu,

I-Ebeto 4:2

kam na b'aina te nanorinano ni kabanea ma te nimamannei, ma te taotaonaki n nano, ni tob'atob'ai aromi ma te nano n tangira;

I-Ebeto 4:32

Ao kam na b'aina te i akoakoi, ma te nanoanga, ma te i kab'arabure, n ai aron te Atua ngkae E a tia ni kab'ara ami bure irouni Kristo.

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

I-Korote 2:3

are a bane ni karabaki i nanon taian rabakau ma atatai nako.

I-Korote 3:12

Ma ngaia aei, ngkai ana aomata te Atua ngkami aika kam rineaki, aika kam itiaki ma n tangiraki, ao kam na b'aina te nano n nanoanga, te atataiaomata, te nanorinano, te nimamannei, te taotaonaki n nano.

1.I-Tetaronike 2:10

Ara taani kakoaua ngkami ma te Atua naba, n arora ake ti b'ain nako imi, ngkami aika kam onimaki; b'a ti b'aina te maiu ae itiaki ae karaoa nanon te Atua ao ae akea kabuakakana.

1.Timoteo 4:12

E na tai kakeaa bonganam temanna ngkai te rorobuaka n ataei ngkoe; ma ko na riki b'a te banna ni kakairi nakoia aika onimaki, n am taeka, n te bae ko karaoia, n arom n tangira, n am onimaki, ma te aro ni maiu ae itiaki.

1.Timoteo 5:2

ao unaine b'a kanga tinam; ao ko na reitaki n te aro ae itiaki ma ateiaine b'a kanga m'anem.

2.Timoteo 3:10

Ma ngkoe, ko a tia n tou mwin au reirei, ma aroarou, ma oin au kaantaninga, ma au onimaki, ma taotaonan nanou, ma au tangira, ma nanom'akau,

2.Timoteo 4:2

ko na tataekina ana taeka te Atua, ao ko na kakorakorako ni karaoia i nanon te tai ae riai ke ae e aki; ko na kaoti aroia aomata aika buakaka nakoia, ko na boaiia, ao ko na kaungaia, n reireiia ma te taotaonaki n nano ni kabane.

Tito 2:7

Ko na kaotiko ni b'aai ni kabane b'a te banna ni kakairi n arom ni m'akuri aika raoiroi; ko na b'aina te eti ma te nano ni koaua ngkana ko anga reirei,

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

1.Betero 1:12

E kaotaki nakoia burabeti akanne b'a a aki taekini baikai i bukiia, ma a taekin i bukimi, aika baika taekinaki ngkai nakoimi irouia ake a tuangngkami te euangkerio iroun te Tamnei are Raoiroi are kanakomaiakaki mai karawa; aika baika a kan atai naba anera.

1.Betero 1:22

Ngkai kam a tia ni kaitiaki maiumi n ami ongeaba nakon te koaua, ao kam a tia ni b'aina te tangira ni koaua i bukiia raomi ni Kristian, ao kam na kakorakoraingkami n i tangitangiri ma nanomi ni koaua.

1.Ioane 3:18

Au ataei aika uarereke, ti na tai i tangitangiri n ti te taeka ao n te newe, ma a na noraki arora n i tangitangiri n te m'akuri ao n te koaua.

Tani Motiki-taeka 16:15

Ao e taku Nei Terira, “Tamton, ko taku b'a ko tangirai, ma ngaia bon te kewe. Ko a tia ni kaburababaai tenua te tai, ao ko tuai man tuangai aron reken korakoram.”