2.I-Korinto 6:5 - Te B'aib'ara

⁵ Ti oreaki, ti kabureaki, ao ti kakiriweaki n taiani kiriwe. Ti a tia ni m'akuri korakora n aki mamatu ao n aki mamatam.

2.I-Korinto 6:5 ပူးပေါင်းရင်းမြစ်များ

1.Uea 22:27

Tuangiia b'a a na kainna n te karabuuti ao ana ti kam'arakea n te kariki ao te ran ni karokoa manga okiu ni buaka ma te maiu.”

2.Rongorongo 16:10

Ao ngke e ongo aei Ata, ao e rangi ni maraki nanona, ao e kaina Anani n te Karabuuti. Ao e bon karaoa naba ae e aki raoiroi nakoia ana aomata tabeman.

Itaia 53:5

E ikoaki ao e kamanatuaaki i bukin ara bure nako; e reke ae e riai i roura i bukina ngke E anaa tuuara.

Ieremia 33:1

Ngke I bon mena naba n te karabuuti n aia katawanang taan tei n te bareti, ao e roko ana rongorongo te UEA irou.

Ieremia 38:6

Ao i mwiin anne, a kaokai nakon aia katawanang taan tei n te bareti, ao a nnaai rikaaki n te roobu nako nanon te m'anib'a are ana m'anib'a Marekia, are te natinuea te mm'aane. Bon akea te ran i nanon te m'anib'a arei, ao I a inako i nanon te bokaboka.

Etekiera 3:17

Etekiera ae natin te aomata, I a tia n rineiko b'a ko na teirake n taratara i bukiia Iteraera. Ma ngaia ae, ko na ongora nakon te b'ai ae I taekinna, ao i mwiina ko na taetae i buku ni kauringiia.

Mataio 14:10

ao e kanakoa ana aomata temanna b'a e na korea roroan Ioane n te karabuuti.

Mataio 14:3

B'a e a tia n anga ana taeka Erote b'a e na tauaki Ioane b'a te bure, ao e tua b'a e na kabaeaki ao e na kakiaki i nanon te karabuuti. E karaoa aei Erote i bukin Eroria b'a e a tia ni iein ma ngaia, ao neiei boni buun tarina are Biribo.

Mataio 9:15

E taku Iesu nako ia: A kona n nanokawaki aomata ake a kaoaki b'a iruwa nakon te mare, ngkae e raoniia te tia iein? Ane a na roko boong, ane e na uotaki nako iai te tia iein mai rouia, ao anne ngkanne aia tai n aki mamatam.

M'akuri 13:3

Ma ngaia are, ngke a tia n aki mamatam, ao a tia naba n tataro, ao a katokai baiia i aoia, ao a kanakoia.

M'akuri 14:19

Iai I-Iutaia tabem'aang aika roko mai Antioka, ao mai Ikonio n anai nanoia aomata. A karebanaa B'auro, ao a uakinna nako tinanikun te kaawa, b'a a taku b'a e a mate.

M'akuri 14:23

A rineia tem'angina n te ekaretia teuana b'a unimm'aanen te ekaretia anne, ao a karaoa aron aei i nanon ekaretia nako; ao ni katoa te tai are a tia ni karaoa iai aei, ao a aki mamatam, ao a tataro i bukiia b'a a na kawakinaki iroun te UEA, are a onimakinna.

M'akuri 17:5

Ao a bakantang I-Iutaia, ma ngaia are a bobootiia aomata tabem'aang aika buakaka ake a roko n akea bongaia n te tabo ni m'akete, ao ngke a m'aiti aia koraki, ao a kakiriwea te kaawa. A ninia ma n urua ana auti Iaton n ukoukoria uakekei, b'a a na kaotiia nakoia aomata.

M'akuri 20:31

Ma ngaia ae tai ni matutu, ao ururingai b'a I aki toki n reireingkami ni kabaneingkami ni bong ao ni ngaina ma rannimatau i nanon tenua te ririki.

M'akuri 23:10

Ngke e riki te kauntaeka ae korakora, ao e makuia aomata aia mataniwi tautia b'a a kaawa n raebitia B'auro; ma ngaia are e tuangiia tautia b'a a na ruo n anaa B'auro mai buakoia, ao a na kairiia nako nanoni neia tautia are matoatoa.

M'akuri 23:35

ao e taku, “I a ongora i roum ngkana a roko ake a bukiniko.” Ao e anga ana taeka b'a e na kawakinaki B'auro n ana Beritoriam Erote.

M'akuri 24:27

Ngke a bane uoua te ririki ao e oneaki mwini Berika irouni Borekio Beteto. E kani karekea taekana ae e raoiroi Berika irouia I-Iutaia, ma ngaia are e katuka B'auro i nanon te karabuuti.

M'akuri 26:10

Ao I karaoi baikai i Ierutarem; ao I kainiia ake a itiaki aika bati i nanoni karabuuti ngke I anganaki te m'aaka ni karaoia mairouia ibonga ake mataniwi; ao ngke a kamateaki, ao ngai I kaota naba nanou ni kariaia.

M'akuri 26:29

Ao e taku B'auro, “E kimototo ke e ananau, bon au tataro nakon te Atua b'a ko bia riki n arou, ngkoe ma aomata ni kabaneia aika ongora i rou n te bong aei, ma ti taurekereke aikai b'a kam na aki kabaeaki iai!”

M'akuri 28:30

E maeka B'auro ua ririki n te auti ae e kaboa tikuna iai, ao e m'aneia n akoia aomata ni kabaneia ake a roko i rouna.

M'akuri 5:18

a tauia taan tuatua, ao a kaakiia n te karabuuti.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

1.I-Korinto 4:11

Ma ngkekei ni karokoa ngkai ao ti baki ma n taka; e kaan ae ti nang aki kunnikaira; ti oreaki; ao ti tuai n tekateka ni maeka;

1.I-Korinto 7:5

Akea ae na rawa i roumi ni wene n taanga, ma ti ngkana kam a tia ni boraraoi b'a kam na aki karaoia moa i nanon taina are kam baireia, b'a kam aonga ni kabongana ami tai anne n tatataro iai; ma i mwin anne ao kam bon riai ni manga okiri aromi n reitaki b'a taanga ngkami, b'a kam kawa ni kaririaki iroun Tatan ngkai kam babanga n taotaon nanomi.

2.I-Korinto 11:27

ao kanganga naba man te m'akuri ae kakua, te aki mamatu n tairiki aika bati, te baki ma te taka, te aki mamatam i nanon taai aika bati, te mariri, ao aki tauni m'aitini kunnikaiu i aou.

I-Ebeto 3:1

Ma ngaia ae ngai ae B'auro, ae ana aomata Kristo Iesu ae kabureaki i bukimi ngkami aika tiaki I-Iutaia,

Te Tua-Kaua 25:3

Tokin m'aitin kaim mai eta ae ko riai n anganaki bon abwi, i bukina b'a ngkana e raka i aon anne, ao ane a nang kakeaki manenami irouia Iteraera tabem'aang.

I-Biribi 1:13

Ma ngaia ae e ataaki bukini kabaeakiu irouia tautia ni kabane n te Beritoriam, ma aomata nako, b'a I kabureaki i bukini Kristo.

1.I-Tetaronike 2:9

Taari, kam bon uringa ara m'akuri b'a e kakua ao e kanganga; ngke ti m'akuri n te bong ao n te ngaina, b'a ti aonga n aki karawawata temanna i buakomi n ara tai n tataekina ana euangkerio te Atua nako imi.

1.Timoteo 4:10

B'a ti kakorakoraira ni m'akuri ao ti kekeiaki m'aaka i bukina ngkai ti onimakina te Atua ae maiu, ae aia Tia Kamaiu aomata ni kabaneia, ai moara riki te koraki aika onimaki.

2.Timoteo 1:8

Ko na tai mamaa n taekina taekan ara Uea, ao ko na tai mamaa naba i rou, ngai ae I kabureaki i bukini Kristo; ma ko na buokanib'ai ma ngai ni maraki i bukin te euangkerio, ni m'aakan te Atua;

2.Timoteo 2:9

ae I kamarakaki i bukina ao I kabaeaki n taurekereke i bukina b'a kanga ai aron te kam'arua ngai. Ma e bon aki kabaeaki n taurekereke ana taeka te Atua.

2.Timoteo 4:5

Ma ngkoe, ko na kamarurungko b'a e na aki bua am iango i aoni b'aai ni kabane; ko na taona nanom nakoni marakim, ko na karaoa ana m'akuri te tia taekina te euangkerio, ao ko na karaoi ni kabane kanoan nakoam.

Ebera 11:36

A kataaki tem'angina ni kakanikoaia ao ni kataereaia, ao tem'angina ni kabaeaia n taurekereke ao ni kainakiia n te karabuuti.

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

Ebera 13:23

Kam na ata tarira are Timoteo b'a e a tia ni kainaomataki; ao ngkana e aki waeremwe n roko i rou, ao ti na uaia n noringkami.

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.