2.I-Korinto 6:14 - Te B'aib'ara

¹⁴ Kam na tai reitaki ni m'akuri ma akana tiaki taan onimaki. B'a e na kanga ni buokanib'ai te raoiroi ma te buakaka? Ke e na kanga n i raorao te oota ma te roo?

2.I-Korinto 6:14 ပူးပေါင်းရင်းမြစ်များ

Karikani B'aai 24:3

b'a I tangiria ni berita ma ngkoe n aran te UEA, ae Atuan karawa ma aonnaba, b'a ko na aki karekea buun natiu te mm'aane mai buakoia kaain Kanaan.

1.Uea 18:21

Ao e tei Eria i mataia ao e taku, “Ai ti maanra riki ngkami ni biribiri i marenan b'aai aika uoua? Ngkana kam taku b'a te Atua te UEA, ao taromauria. Ma ngkana te Atua B'aara ao taromauria.” Ao bon akea te b'ai ae a taekinna aomata.

2.Rongorongo 19:2

Ma e kaaitibo ma te burabeti are Ieu are natin Anani te m'aane i aon kawaina ao e taku Ieu nako ina: Ngkai ko buoka te aomata ae e buakaka are Aaba, ao ko a tia n iraorao ma te aomata ae e ririiba te UEA. Ao ngkai, e un te UEA iroum!

Taian Areru 106:35

Ma a i raorao ma ngaiia, ao a b'ain aia katei.

Taian Areru 119:63

Bon raoia akana karineko ngai, ma akana ongeaba nakon am Tua.

Taian Areru 16:3

Ai raoiroira aroia am aomata te UEA aika kakaonimaki! Bon kakatongau irouia n tainako.

Te Otinako 34:16

Ane a na mare ami mm'aane ma aia aine ma ni kakairi n taromauriaia antiia.

Taeka n Rabakau 22:24

Kam na tai iraorao ma aomata aika a nanorieta.

Taeka n Rabakau 29:27

A kairiribai i marenaia aomata aika a raoiroi ma aomata aika taani bure.

Nakoaia Ibonga 19:19

Kamenaia am nanai ni man aika kawakawa aika ti te arona b'a a na boni kariki i rouia, ao tai uniki uaekaki te aroka i nanon te tawaana ae ti teuana ke tao ni b'ain kunnikai aika a karaoaki man moti ni kunnikai aika uaekaki.

Maraki 2:11

Kam a tia ngkami aika kaain Iuta ma Ierutarem n aki kakaonimaki nakon te UEA. Kam a tia ni kamatauningaa ana Tembora are e tangiria, ao kam a tia ni karaoa te bure ae e rangi n ribaaki are taromauriaia anti tabem'aang.

Maraki 2:15

E bon aki karikingkami te Atua b'a kam na riki n ti teuana ma buumi? Ao e aera ngkai E karaoa aei? B'a kam aonga ni karikiia natimi, ao kam na kairiia b'a a na riki b'a a na aomata te Atua. Kam na aki manga oki ni karaoa aromi n aki kakaonimaki nakoia buumi.

Ioane 7:7

Akea bukin ae kam na ribaaki iai irouia aomata nako; ma iai bukin ribakiu i rouia, b'a I aki toki n tuangiia b'a a bubuaka aia m'akuri.

M'akuri 4:23

Ngke a kainaomataki Betero ma Ioane, ao a nako ni kawaria raoia, ao a kaongoraeia n aia taeka aia mataniwi ibonga ma unimm'aane ake a taekin nakoia.

1.I-Korinto 10:21

Kam aki kona ni moi man ana m'angko te UEA ao man aia m'angko taimonio. Kam aki kona n uaia n am'arake n ana taibora te UEA ma aia taibora naba taimonio.

1.I-Korinto 15:33

Kam na tai burebureaki. “Aaro n i raorao aika buakaka a uru aroaro aika riai.”

1.I-Korinto 5:9

N au reta are I a tia ni koroia nako imi, ao I tuangngkami b'a kam na aki raoniia taani wene ni bure.

1.I-Korinto 6:6

nakon ae e uota tangina anne nakon te kabowi ao e tei ma te aomata are e tang i bukina, b'a e na motikaki taekana irouia aomata aika tiaki kaain te ekaretia?

1.I-Korinto 7:39

Akea inaomatan te ainenum'a ngkae e maiu buuna; ma ngkana e mate buuna, ao e a inaomata ngkanne ni manga mareaki ma te mm'aane are e tangiria, ae te Kristian.

I-Biribi 2:15

b'a kam aonga n aki bukintaeka ngkana iai te kairua ae riki, ao b'a kam aonga n itiaki man te aro ae buakaka, ngkai natin te Atua ngkami aika akea te kairua iroumi i buakon te roro ae b'aoua ae buakaka; aika kam oota i buakoia b'a kanga itoi i aon te aba,

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.