2.I-Korinto 6:13 - Te B'aib'ara

¹³ Kam na karaoa naba nako ira ae ti karaoia nako imi. I taetae nako imi kanga ataei. kam na aki karabai naba nanomi!

2.I-Korinto 6:13 ပူးပေါင်းရင်းမြစ်များ

Taian Areru 119:32

N na kakorakoraai n tou mwin am Tua, Buokai ni karabaaba riki ootan nanou.

Taian Areru 81:10

Bon te UEA Ngai ae Atuam, ae I kairiko ni kaotinakoko mai Aikubita. Kaurea wiim ao N na kaam'arakeko.

Mareko 11:24

Ma ngaia ae I taku nako imi b'a te b'ai ane kam bubuti n ami tataro, ao kam na onimaki b'a e na reke i roumi, ao e na bon reke.

I-Karatia 4:12

Taari, I butingkami b'a kam na riki n arou, ngkai I riki naba n aromi. Akea te bae e buakaka ae kam a tia ni karaoia nako iu;

I-Karatia 4:19

Natiu aika uarereke, ai aron te aine ngai n ana tai ni bung, ae I ngirangira ni maraki i bukimi ni karokoa ae kam riki b'a taan ira Kristo ngkami.

1.I-Tetaronike 2:11

Ao kam bon atai naba arora nako imi b'a kanga aron te tama nakoia oin natina.

1.Ioane 2:1

Au ataei aika uarereke, I koroi baikai nako imi, b'a kam aonga n aki bure. Ao ngkana e bure temanna, ao bon iai te Tia Tei i bukira are Iesu Kristo ae atataiaomata, are mena iroun te Tama:

1.Ioane 3:18

Au ataei aika uarereke, ti na tai i tangitangiri n ti te taeka ao n te newe, ma a na noraki arora n i tangitangiri n te m'akuri ao n te koaua.

1.Ioane 3:7

Ataei aika uarereke, e na tai m'am'anaingkami temanna: b'a ane b'ab'aina te atataiaomata, ao e bon atataiaomata;

3.Ioane 1:4

Akea au kim'areirei ae bati riki nakon aei, ae te ongo b'a te koraki ake kanga natiu a b'ab'aina te koaua.