2.I-Korinto 6:11 - Te B'aib'ara

¹¹ I-Korinto, ti aki wii makiki n taetae nako imi, ao ti aki karabai nanora.

2.I-Korinto 6:11 ပူးပေါင်းရင်းမြစ်များ

Iobi 32:20

I aki kona n taotaona riki nanou, N nang riai n taetae.

Taian Areru 119:32

N na kakorakoraai n tou mwin am Tua, Buokai ni karabaaba riki ootan nanou.

Taian Areru 51:15

Buokai b'a N na taetae, Ao N na neboiko.

Itaia 60:5

Ngkana kam noora te b'ai aei, ao a na uremangangaa matami, e na bukibuki manawami ao kam na onrake n te kakatonga. A na bane ni uotaki nakoim baika a kakaawaki man taabo aika a raroa nakoa i aoni marawa ao kaub'aia botannaomata nako.

Etekiera 33:22

E niniai te UEA n te tairiki are i m'aain rokon te aomata aei n au auti. Ma ngaia are ngke e roko te m'aane aei irou n te ingabong are i mwiina, ao I a manga konaa n taetae.

Ab'akuka 2:5

Te kaub'ai bon te tia m'am'anaa te aba. Aomata aika a m'angai-n-rang a kamoamoa ao akea aia motirawa. A bon aki kona n rauaki nanoia n ai aron te mate (rua-ni-mate). Ao bon anne bukina are a buakani man taui aaba teuana i mwin teuana.

M'akuri 18:1

I mwini baikekei ao e kitana Atenai B'auro, ao e nako Korinto;

M'akuri 18:8

Ao Kiritebo, are te tia taua taekan aia m'aneaba I-Iutaia, e onimakina te UEA ma kaain ana auti ni kabaneia; ao I-Korinto aika bati, ngke a ongo ana taeka te Atua, ao a onimaki ao a b'abetitoaki.

2.I-Korinto 12:15

Ma moan te kukurei ngai b'a N na kabane au b'ai, ma n anga boni ngai, i bukini maiumi. E na karako tangirau i roumi i bukina ngkai I rangi n tangiringkami?

2.I-Korinto 2:4

B'a I koroboki nako imi ma nanou ae e taonaki n te rawawata ma te korakai ae bati, ma rannimatau aika bati; tiaki b'a kam aonga ni karawawataki iai, ma kam aonga n ataia b'a e bati tangirami i rou.

I-Karatia 3:1

I-Karatia aika kam nanobaba, antai ae m'am'anaingkami, ngkami aika E kaotaki raoi taekani Iesu Kristo i matami, b'a E tauraki n te kaibangaki?

I-Karatia 4:12

Taari, I butingkami b'a kam na riki n arou, ngkai I riki naba n aromi. Akea te bae e buakaka ae kam a tia ni karaoia nako iu;

I-Ebeto 6:19

ao i buku naba; b'a I aonga n anganaki te taetae, b'a N na kaurea wiiu n aki mamaku, ni kaota te baere raba are n te euangkerio,

I-Ebeto 6:8

Kam bon ataia b'a e na reke nakon temanna ma temanna boona mairoun te UEA n te m'akuri ae e raoiroi are e karaoia, n aki warekaki b'a te toro ngaia ke te inaomata.

I-Biribi 1:8

B'a au tia kakoaua te Atua, b'a I tangiringkami ni kabaneingkami n ai aron tangirami irouni Kristo Iesu.

I-Biribi 4:15

Ngkami aika I-Biribi, kam bon ataia naba b'a ngke I kitana M'aketonia n taai ake e moa n tataekinaki iai te euangkerio i buakomi ao akea te ekaretia teuana ae buokanib'ai ma ngai n te anga ke n te anganaki, b'a ti ngkami;

Te Kaotioti 22:12

“Noria, ae N na waetata n roko ma uotau te bae N na anga nakoia aomata ni kabaneia ni kaeti ma aron aia m'akuri nako.

1.Tamuera 2:1

Ao e tataro Nei Anna: Ko kakorakoraai ma ni kakukureiai, te UEA Ko kamaiuai. Ao ngkai I kim'areirei ao I ngareakiniia au kairiribai.